ياريت تساعدونى فى مفرش السفرة

السلام عليكم ورحمة الله وبركاته ازيكم يالهلوبات عاملين ايه ان شاء الله تكونوا بخير
انا عضوة جديدة معاكوا هنا وعندى خيط الصيادين فتلته سميكة وفى لمعة وعجبنى المفرش ده وعايزه اعمله مفرش سفرة ايه رايكوا فيه ينفع ولا ايه
انا عايزة الوحدة مش يبقا فيها شغل كتير عشان كده اخترت ده مناسب للخيط الى عندى انا اول مرة اعمل مفرش سفرة وعايزه اشيله فى جهازى
ومعنديش فكرة بيبقى حدود كام فى كام عايزة اعرف طوله وعرضه بيبقى اد ايه والتشبيك هو معمول مفرش سرير اعمل زى التشبيك الى فى الباترون بالظبط ولا مفرش السفرة يختلف عن مفرش السرير

المفرش اهو


وده الباترون


ياريت تفيدونى بلييييييز

حبيبتى المفرش تحفه
وينفع جدا يبقا مفرش سفرة هيبقا روعه

واستخدمى نفس طريقة التشبيك عشان شكل المفرش مايبوظش منك
اما عن المقاس المناسب فده يتوقف على مقاس السفرة بتاعتك بس بما انك هتعمليه لجهازك فانتى ممكن تعملى مقاس متوسط يعنى مثلا 1.5 متر × 3 متر

اتمنى لكى التوفيق واى استفسار انا تحت امرك