لو سمحتوا عايزة الباترون بتاع الوحدة دي

اهلا وسهلا بيكى
نورتى المنتدى
شوفى الوحده دى انا لاقيت الباترون بتاعها لو تنفعك قوليلى وانا اشرحهالك

ماشى ياجميل ان شاء الله اترجملك الوش وكمان لقيت حاجات مشابهه كتير هنزلها ان شاء الله ممكن تعجبك اكتر
باذن الله اترجملك الوش النهارده بس اعذرينى لضيق وقتى

ايه رايك بقا فى دى

من ساعة ماعملتى الموضوع وانا بدور لان الفكرة عجبتنى جدا وقررت انى اعملها لبنتى على فستان بس شوفى كدا الوحده الجميله دى



عاوزة اعرف رايك ولو مش عجباكى اترجملك وش الدب البنى

الباترون الاول للوش والتانى للودان والثالث للرجلين

بالتوفيق ياقمر

ماشى ياجميل بالتوفيق ان شاء الله

بالنسبه لوش الدب البنى

اولا الوش
هتبداى بعمل 3سلاسل وتقفليهم بمنزلقه
السطر الاول:اشتغلى 7 غرزة حشو فى دائرة البداية واقفلى السطر بمنزلقه فى اول غرزة حشو ثم اشتغلى سلسلة ولفى الشغل
السطر الثانى:اشتغلى 2غرزة حشو فى كل فراغ على مدار السطر=14غرزة حشو واقفلى السطر بمنزلقه فى اول اول غرزة حشو ثم اشتغلى سلسلة ولفى الشغل
السطر الثالث:اشتغلى غرزة حشو ثم 2غرزة حشو فى الفراغ التالى ثم كررى حتى نهاية السطر واقفلى السطر بمنزلقة فى اول غرزة حشو ثم انهى العمل

ثانيا الانف او الدائرة الصغيرة اللى بالبيج اللى فوق الوش

هتبداى بعمل 3سلاسل وتقفليهم بمنزلقه
السطر الاول:اشتغلى 7 غرزة حشو فى دائرة البداية واقفلى السطر بمنزلقه فى اول غرزة حشو ثم انهى العمل

ثالثا الاذن

هتبداى بعمل 3سلاسل وتقفليهم بمنزلقه
السطر الاول:اشتغلى 4 غرزة حشو فى دائرة البداية ثم استبدلى اللون باللون الغامق واقفلى السطر بمنزلقه فى اول غرزة حشو ثم اشتغلى سلسلة ولفى الشغل
السطر الثانى:اشتغلى 2غرزة حشو فى كل فراغ وانهى العمل

ثم بابرة وخيط من نفس اللون وشبكى القطع فى بعضها

واشتغلى العينين والانف

اتمنى يكون الشرح واضح وان شاء الله هرفعلك مجلة كامله فيها اشكال حلوة بالباترونات هتعجبك قوى