ساندي بيل العرب كتب:
روعة أعجبني كثيرا ولو تكرمتي علينا بالباترون
أشكر مرورك الكريم وأحب أعرفك إنه من غير باترون
هتعملي سلسلة بطول القدم يعني حسب مقاسك - وبعدين تشتغلي عليها مستطيل عواميد من غير زيادة ولا نقص - لغاية إرتفاع القدم يعني لما تتنيه على اتنين يغطي القدم - وبعدين تطبقيه على اتني وتقفلي بإبرة وفتلة ( خياطة ) من الناحية الأولى لغاية الآخر - ومن الناحية التانية تقفلي شوية يعني التلت تقريبا وتسيبي جزء من غير خياطة - وبعدين تقلبي الشغل على الوش وتتني للخارج الجزء الباقي عشان يعمل المثلث اللي في البوز - وبعدين تشبكي عليه وردة أو زرار شيك - وطبعا هتعملي فستون داير ما يدور بالأحمر - ودي صورة من قريب للمستطيل
يارب أكون عرفت أشرحلك كويس شدي حيلك وجربي وعايزة أشوف لكلوك أحلى من لكلوكي
