ورشة بلوزة بسيطه من الكروشيه ... جديدة

أهلا ومرحبا بكم حبيباتى

من فترة اشتغلت لسلمى بنتى

هذة البلوزة وطلعت جميلة وكمان سهلة




نبدأ الشرح

فى البداية نأخذ مقاس الوسط بالمازورة عندى كان 88 سم
وانتى طبعا حتشتغلى المقاس اللى انتى عايزاة
طبعا بالقياس بالمازورة لوسع الوسط

(هنا ممكن نشتغل بطرقتين اما البلوزة على جزء واحد او
نشتغل الظهر لوحدة والصدر لوحدة كما تحبين)

كما هنا الشغل البلوزة كلها مشغولة مع بعض



او كما انا اشتغلت الصدر لوحدة والظهر لوحدة
علشان اظبط المقاس

بعد ماتاخذى وسع الوسط ناخذ ربع وسع الوسط وهو 22 سم
اشتغلى سلسال بطول 25 سم علشان المرد

(كمان ممكن تشتغلى سلسال بطول وسع الوسط بس زودة 16 سلسلة للمرد)


شوفى ديةغرزة الحشو المستخدمة

دة بترون البلوزة ... طبعا بيسهل عليكى عمل البلوزة




لو انتى عايزة نفس المقاس اللى انا شغلاة ابدئى بعمل

سلسال من 25 سم (او ربع دوزان الوسط وزودى8 سلاسل للمرد)

واشتغلى حوالى 12 سم ثم اعملى العروة




والعروة ..لاتشتغلى غرز الحشو ولكن اشتغلى
بدلا منها 3 سلاسل وبعدين كملى حوالى 3
غرز حشو وفى السطر اللى بعدة اشتغلى السلاسل
غرز حشو عادى
اتمنى تكون الفكرة وصلت

نكمل باقى الشرح


احنا دلوقتى بنشتغل جه اليسار وحنشتغل حوالى37:40سم
ونشتغل كمان اربع عراوى زى كدة







بعد الوصول للطول المناسب نشتغل 7او8 سلاسل من غير شغل
غرزة الحشو عليهم علشان نعمل ال7 المجودة فى الياقة





اللى بعدة اشتغلى عادى واشتغلى على السلاسل غرز حشو
وكملى حوالى 16:18سم
ولما توصلى لطول الكتف المظبوط اتركى 7غرز بدون شغل
واشتغلى الرقبة كمان حوالى8:10سم وبكدة نكون خلصنا جة اليسار
اشتغلى كمان جة اليمين بنفس المقاس ولكن بدون عراوى
ليكون عندك نفس الشكل



اما بالنسبة للبيشتغلوا البلوزة كلها مع بعض
نفس الشئ بس تظبطى القياس للامام والظهر

نبدأ فى جزء الظهر

وهو عبارة عن نصف قياس الوسط حنشتغل علية
برضة 12سم بيكون الكمر ونقسم نصف الوسط على 3
ونشتغل فى الثلث اللى فى الوسط ونطلع بالشغل حوالى
37:40 سم يعنى نفس مقاس الصدر بالظبط وطبعا بدون
الرقبة زى كدة





كدة احنا خلصنا الصدر المكون من جزئين والظهر






نبدأ فى تشبيك جزئين الصدر من اعلى عند الرقبة

يعنى من عند العلامة الحمرا ثم قومى بتشبيك الاكتاف

واسفل الجناب



اما بالنسبة للبيشتغلوا البلوزة جزء واحد برضة يشبكوا
الرقبة فى الاول ثم الاكتاف وركبى الزراير

نبدأ فى الجزء الاخير بعد تشبيك الاكتاف والجناب





دة بترون الاكمام للتوضيح






ابدئى من اى جه واشتغلى حوالى 10 اسطر غرزة الشبكة
المكونة من 5 سلاسل








بعدة كدة خلى غرزة الشبكة 3 سلاسل بدلا من 5 علشان يلم الشغل
برضة اشتغلى حوالى 10 اسطر او حسب طول
الكم اللى انتى عايزاة واخيرا اشتغلى اربع اسطر
غرزة حشو

ماشاء الله
تسلم الايادى ...ومبروكة عليها

بسم الله ماشاء الله
والصلاة والسلام عليك ياحبيبى يارسول الله

تسلمى عزيزتى أم هنهن بجد البلوزة رقيقة جدا وجميلة وفى منتهى الشياكة
كمان خطواتها سهله مع ان شكلها مايدلش على كدا

ربنا يباركلك فى بنتك وتعمليلها الاحلى والاجمل وملبوس العافية
ويارب لا عدمنا وجودك ومشاركاتك الفعالة والقيمة

أتمنى لكى التوفيق حبيبتى
وأتركك فى رعاية الله وأمنه