البلوفرات احسن بالتريكو ولا بالكروشيه؟

اهلا وسهلا بيكى ياقمر
نورتى المنتدى وان شاء الله تستفيدى معانا بلإذن الله
طبعا مفيش شك ان الكروشيه اسهل واسرع من ناحية الشغل وعشان كدا بتلاقى الاكثرية بتحب تشتغل كروشيه ولكن التريكو بيكون ابطئ وكمان بتلاقى الغرز اصعب شويا من غرز الكروشيه ولكن ميزة التريكو انه بيكون شكله قيم وفخم واقرب الى الملابس الجاهزة على عكس الكروشيه اللى بيقون قيمته اقل

بالنسبه للوقت لعمل بلوفر تريكو لو البلوفر للاطفال هتاخدى مثلا اسبوعين اما لو للكبار ممكن 3 اسابيع مع العلم انك مش هتشتغلى 24 ساعه يعنى هنقول لو اشتغلتى يوميا 3 ساعات اما بالنسبه للكروشيه هيكون الوقت اقل بكتير يعنى لو بلوفر للاطفال هتاخدى مثلا اسبوع او ممكن اقل كمان ولو للكبار يمكن 10 ايام وده على حسب ساعات شغلك وكمان سرعة ادائك
وعلى العموم لو انتى غاويه وعندك الموهبه فان شاء الله التريكو والكروشيه هيبقوا سهلين باذن الله وايه المانع انك تتعلمى الاثنين وتستغلى الاتنين

عندنا فى المنتدى هنا دورات للكروشيه وادورات للتريكو للتعلم من البدايه وحتى الاحتراف

اتمنى تنضمى اليهم
وانا تحت امرك فى اى سؤال او استفسار

وباذن الله قريبا هعمل ورشتين تريكو لبلوزة بناتى وكمان فستان بناتى خطوة بخطوة ان شاء الله تستفيدى منهم

الشكر لله حبيبتى
واى استفسار فى دروس الكروشيه لاتترددى فى السؤال وانا تحت امرك
بالنسبه للتريكو حلوة قوى البكرة ام 2جنيه عشان تتعلمى فيها انما انا مستغربه ازاى من بورسعيد ومافيش اصواف انواعها كويسه اكيد فيه بس انتى مش عارفه الاماكن فيه اصواف حلوة كتير بتوصل البكرة الى 12 و 15 جنيه ودى قيمه جدا اسالى بس على اماكن بيع الخيوط كويس فى بور سعيد

على العموم ربنا يوفقك فى كل اعمالك ويباركلك فى وقتك