أم جومانة كتب:
السلام عليكم ورحمة الله وبركاته
بارك الله فيكي أختي الحبيبه لهلوبة وربنا يجعل ما تقدميه وتعلمينه في ميزان حسناتك إن شاء الله...
أنا عندي إستفسارين :
1) كنت أريد معرفة ما معنى كلمة cable أو cable needle في الباترون الإنجليزي, كنت أريد معرفة المعنى التفصيلي لها واحتمالات المعاني المختلفة لها في الباترونات.
2) تاني شئ أنا من المنصورة وكنت أريد معرفة أماكن بيع إبر التريكو الدائرية لإني بحثت كتير ولكن اللي موجود الإبر العادية, فياريت حضرتك تدليني, وإذا كان مش في المنصورة ياريت تدليني عن محلات في القاهره.
وأشكرا جدا مقدما وربنا يحفظك
اهلا وسهلا بيكى ام جومانه
نورتى المنتدى
بالنسبه للسؤال الاول معنى كلمة cable تعنى ضفيره اما cable needle فهيا ابرة تريكو عادية بتستخدم فى عمل الضفيرة لانك فى العادى بتشتغلى بابرتين تريكو وعند عمل الضفيرة بتحتاجى الى ابرة اضافيه من نفس المقاس لنقل الغرز عليها واعادتها للعمل مرة اخرى وهذه الابره الاضافيه هيا مايطلق عليها cable needle
اما بالنسبه للاستفسار الثانى وهيا الابر الدائريه انا كمان من المنصورة وهيا فعلا مش موجوده هنا خالص بس اعتقد انها ممكن تكون موجوده فى المحلة الكبرى اكيد تعرفيها بس فين بالظبط مش عارفه الحقيقه هسال ولو حد دلنى ان شاء الله ابلغك وياريت بنات المحلة او القاهره يساعدونا
وانا تحت امرك فى اى استفسار ياقمر
