اليرموك كتب:
بالنسبه للمثال الي كتبته لك حق التزويد جبتو من هذا المنتدى موضوعو ثوب تريكو بجوانب بليسيه بالشرح البترون ..... ابغاكي تشرحيلي هذا الموضوع
انتى تقصدى هذا الجزء
اقتباس:
هنبدأ ب 66_74_82 غرزة (بما فيهم غرزة حافه من كل جانب) على سنارة 4مللى
هنشتغل 4 سطور كالتالى/غرزة حافة,1ع,(2م,2ع)وهنكرر مابين الأقواس وننهى السطر ب 2م,1ع,غرزة حافة
هنغير مقاس الابرة الى مقاس 5 مللى ونستمر فى العمل كالتالى/
غرزة حافه,11غرزة بليسيه(2ع,2م),غرزة القماشة,11غرزة بليسيه,غرزة حافه
عندما يصل الطول الى 7سم هنزود غرزة من كل جانب كل 8_8_10 سطور 4مرات
سيصبح عدد الغرز بعد جميع التزويدات=74_82_90 غرزة
طبعا انتى بداتى على 74 غرزة
عندما يصل الطول الى 7 سم هتزودى غرزة من كل جانب كل 8 سطور 4 مرات
سيصبح عدد الغرز بعد جميع التزويدات=82 غرزة
يعنى هتجيبى مسطرة وتقيسى الشغل اذا وصلتى الى 7سم هتزودى غرزة من كل ناحيه ثم بعدها ب8 سطور هتزودى غرزة من كل ناحيه مرة اخرى ثم بعدها ب 8 سطور هتزودى غرزة من كل ناحيه ثم بعدها ب 8 سطور هتزودى غرزة من كل ناحيه
وبكدا هتكونى فى كل مره زودتى غرزتين وانتى زودتى 4 مرات
اذن بتكونى زودتى 2×4=8 غرز
يعنى العدد بيزيد من 74 الى 82 غرزة
اتمنى تكون الصورة وضحت وانا تحت امرك
