|
| الكاتب |
رسالة |
|
Dalya
|
عنوان المشاركة: سؤال هايساعدنى فى انى افهم اى غرزة مكتوبة مرسل: الخميس ديسمبر 25, 2014 10:59 pm |
|
عضو جديد |
 |
| اشترك في: الخميس ديسمبر 25, 2014 12:46 pm |
| مشاركات: 13 |
|
انا باعتبر نفسى لسه مبتدئه فى التريكو صحيح بافهم حاجات كتير لكن دايما عندى مشكلة فى التنفيذ
طبعا بما ان هنا فى محترفات اكيد هايكون عندهم اجابة او حل لمشكلتى الازلية
لما باجى انفذ اى غرزة مكتوبة يا بتطلع غلط وخاصة الدانتيل او الغرز بتنقص منى على الابرة ليه مش عارفه
حاولت كتير اوى اوى وحاولت اعمل سيرش على اللى لاحظته فى الباترونات المكتوبة للغرز وقلت يمكن فى لغز انا مش فاهماه
فى اغلب الباترونات المكتوبة وبالتكرار لاحظت علامة * او رقم بين قوسين هل دول لهم علاقة بتنفيذ الغرزة ؟ وياترى بيكونو علامة لايه يمكن يكونو اتلسبب انى باغلط فى النفيذ
هاكون شاكرة لكم اوى لو وضحتو لى معنى علامة* والرقم الموجود بين قوسين لانى بانفذ الغرزة وبرضه بتطلع غلط لما جالى احباط مع انى بحب التريكو اوى وباعتبره رمز الاناقة
باشكركم مسبقا للرد على استفسارى
( بحاول اتصفح واتعلم تصفح الموقع والبحث عن العلامات واوعدكم قريب اوى وبفضل ربنا وفضلكم هاتعلم قراءة الباترون وهابقى شاطرة اوى لانى عنيدة ومصممة على النجاح )
|
|
| أعلى |
|
|
ميرفت
|
عنوان المشاركة: Re: سؤال هايساعدنى فى انى افهم اى غرزة مكتوبة مرسل: الجمعة ديسمبر 26, 2014 11:29 am |
|
عضو متالق |
 |
| اشترك في: الثلاثاء مارس 12, 2013 8:24 pm |
| مشاركات: 655 |
|
|
السلام عليكم اختى الكريمة..... بالنسبة للنجمة معناها التكرار بمعنى تانى نكرر ما بين النجمتين
مثال : K1, *yo, sl 1, k2tog, psso, yo, k3; rep from * across, k1.
زى ما انتى ملاحظة فى نجمة فى الاول و بعدين شرح و بعدين نجمة فى الاخر ده معناه اننا ح نكرر اللى بين النجمتين و ساعات بيبقوا قوسين ...
يبقى احنا فى السطر ده ح نشتغل كالتالى
غرزة عدلة * نلف الخيط على الابرة - نسلت غرزة واحدة - نشتغل 2 عدل معا- نمرر الغرزة المسلوتة من فوق الغرزين المجمعين - نلف الخيط - نشتغل 3 عدل *
باقى السطر ح نكررر اللى ما بين النجمتين مرة ورا مرة بنفس الترتيب اللى مكتوب لغاية لما نوصل لاخر غرزة فى السطر ح نشتغلها عدل زى الباترون ما كاتب
بمعنى اخر ان السطر مقسوم تلات اجزاء ....بداية بنعملها مرة واحدة اللى هى قبل النجمة او القوس
و الجزء اللى بين النجمتين او الاقواس و ده اللى بيتكرر طول السطر بنفس الترتيب
و اخر جزء بنعمله مرة واحدة اللى هو بعد النجمة الاخيرة او القوس الاخير
اما الرقم بين قوسين ف بيبقى المقاس و عدد الغرز لكل مقاس ... ده لو انا فاهمة قاصدك صح -
مثال
sizes s,m,l,xl
CO 87 (93, 99, 105) sts
يبقى معنى كدة ان الموديل له 4 مقاسات من اول سمول لغاية اكس لارج و co اللى هى غرز البداية لكل مقاس
يبقى مقاس ال سمول ح نبدأ ب 87 غرزة و الميديام 93 غرزة و الارج 99 و ال اكس لارج 105
نفس اقواس الارقام د ى ح تلاقيها بتكرر عند حردة الباط بس باعداد مختلفة طبعا علشان تعرفك ح تقفلى كام غرزة لكل مقاس
و كمان عند بداية الاكمام علشان تعرفك عدد الغرز اللى ح تبتدى بيها الكم لكل مقاس
لو الفكرة مش واضحة ان شاء الله لهلوبة توضح اكتر
|
|
| أعلى |
|
|
Dalya
|
عنوان المشاركة: Re: سؤال هايساعدنى فى انى افهم اى غرزة مكتوبة مرسل: السبت ديسمبر 27, 2014 12:38 pm |
|
عضو جديد |
|
| اشترك في: الخميس ديسمبر 25, 2014 12:46 pm |
| مشاركات: 13 |
|
|
متشركة اوى يا مرفت على الرد السريع ده
طبعا انتى فاهمة صح جدا كمان
كده اعتقد انا غهمت سبب الغلط عندى يمكن لانى بارجع اعد من اول السطر
ويارب اكون انا اللى فهمتك صح يعنى العد والتكرار يبدأ من عند العلامة * لاخر العلامة *
متشكرة اوى وهاجرب واقول لك
انتى حلتى لى لغز كان محيرنى اوى ...
الارقام اللى بين الاقواس لو خاصة بالمقاسات انا فاهماها بس احيانا اثناء البحث بلاقى حد حاطط شرح عن غرزة من غير مقاسات
وبيكون فى رقم بين قوسين بعد علامة النجمة وده اللى مش فاهماه يعنى مثلا سطر اول- غرزة حافة *2ع ,3م * وبعدها (1)ع
هل المقصود هنا اخر السطر واحده عدل فقط ؟
وهل كلمة غرزة حافة دى معناها اول غرزة واخر غرزة عدل knit and not purl !!!!!!!!!!!!
|
|
| أعلى |
|
|
ميرفت
|
عنوان المشاركة: Re: سؤال هايساعدنى فى انى افهم اى غرزة مكتوبة مرسل: السبت ديسمبر 27, 2014 8:30 pm |
|
عضو متالق |
|
| اشترك في: الثلاثاء مارس 12, 2013 8:24 pm |
| مشاركات: 655 |
|
|
مظبوط كدة التكرار بيبقى الجزء اللى بين النجمتين بسو الغرزة العدلة اخر تلسطر زى ما قولتى فى المثال ...اما غرزة ابحافة حبيبتى هى اللى بتخلى حرف الشغل مستوى فى الشكل من على اليمين و الشكل مما يسهل تجميع الاجزاء المشغولة بتد الانتهاءمن العمل.... ومش كل الباترونات بتكتبها فلو الباترون كاتب العدد مع غرزة الحافة اللى اسمها بالانجليزية ايدج ستتش معلش مش عارفة اكتب انجليزى من النليفوت ... اما لو الباترون مش كاتب ف انتى بديهى بتزودى منعندك غرزتين علشان الحرف ... و لو محتاجة فيديوهات لغرزة الحافة قوليلى و تحت امرك فى اى سؤال
|
|
| أعلى |
|
|
ميرفت
|
عنوان المشاركة: Re: سؤال هايساعدنى فى انى افهم اى غرزة مكتوبة مرسل: السبت ديسمبر 27, 2014 8:32 pm |
|
عضو متالق |
|
| اشترك في: الثلاثاء مارس 12, 2013 8:24 pm |
| مشاركات: 655 |
|
|
و لو سمحتى هاتى لى مثال عن الياترون اللى كاتب عدد بين الاقواس علشان اقدر ارد عليكى ياجابة صحيحة
|
|
| أعلى |
|
|
لهلوبه
|
عنوان المشاركة: Re: سؤال هايساعدنى فى انى افهم اى غرزة مكتوبة مرسل: الأحد ديسمبر 28, 2014 5:13 pm |
|
مراقب عام |
 |
| اشترك في: الاثنين إبريل 05, 2010 7:23 pm |
| مشاركات: 13047 | | مكان: المنصورة |
|
كفيتى ووفيتى ميرفت
شكرا على الاجابه ياقمر
وان شاء الله خلال الدورة هشرح بالتفصيل الممل ازاى نقرا الباترون المرسوم والباترون المكتوب
وانا تحت امرك فى اى استفسار تانى عزيزتى
اتمنى لك الفائدة
|
|
| أعلى |
|
|
ميرفت
|
عنوان المشاركة: Re: سؤال هايساعدنى فى انى افهم اى غرزة مكتوبة مرسل: الأحد ديسمبر 28, 2014 5:39 pm |
|
عضو متالق |
|
| اشترك في: الثلاثاء مارس 12, 2013 8:24 pm |
| مشاركات: 655 |
|
|
شكرااا ليه يا لهلوبة هو انا متعلمة الحاجات دى من نفسى ما انتى اللى معلمنا و مفهمانا كل حاجة .... الله يباركلك
|
|
| أعلى |
|
|
Dalya
|
عنوان المشاركة: Re: سؤال هايساعدنى فى انى افهم اى غرزة مكتوبة مرسل: الاثنين ديسمبر 29, 2014 5:22 pm |
|
عضو جديد |
|
| اشترك في: الخميس ديسمبر 25, 2014 12:46 pm |
| مشاركات: 13 |
|
الف شكر لمرفت وميرسى اوى لهلوبة فعلا لهلوبة بجد يعنى  هاستنى اى دورة او ورشة وهتلاقينى لهلوبة معاكى ...صحيح وقتى مش كتير بس باشتغل بجد وواخده الموضوع بجد وعماله اطبق واجرب كل اللى بقراه هنا .....انتو تستاهلو الف تحية وشكر وفى ميزان حسناتكم بجد مجهودكم غير عادى فى التعليم وعطاؤكم غير محدود ميرسى لكم والف شكر
|
|
| أعلى |
|
|
لهلوبه
|
عنوان المشاركة: Re: سؤال هايساعدنى فى انى افهم اى غرزة مكتوبة مرسل: الثلاثاء ديسمبر 30, 2014 6:48 pm |
|
مراقب عام |
|
| اشترك في: الاثنين إبريل 05, 2010 7:23 pm |
| مشاركات: 13047 | | مكان: المنصورة |
|
ميرفت كتب: شكرااا ليه يا لهلوبة هو انا متعلمة الحاجات دى من نفسى ما انتى اللى معلمنا و مفهمانا كل حاجة .... الله يباركلك دايما لما بقرا كلامك ياميرفت بحس انى بتنفخ زى البالونه انا لو بقيت مغرورة هتكونى انتى السبب Dalya كتب: الف شكر لمرفت وميرسى اوى لهلوبة فعلا لهلوبة بجد يعنى هاستنى اى دورة او ورشة وهتلاقينى لهلوبة معاكى ...صحيح وقتى مش كتير بس باشتغل بجد وواخده الموضوع بجد وعماله اطبق واجرب كل اللى بقراه هنا .....انتو تستاهلو الف تحية وشكر وفى ميزان حسناتكم بجد مجهودكم غير عادى فى التعليم وعطاؤكم غير محدود ميرسى لكم والف شكر الشكر ليكى ولكل واحد عنده هوايه بيحبها وبيرتقى بيها
واحنا كسبنا لهلوبه جديده ويارب نكون دايما عند حسن ظنكم فى كل اللى بنقدمه
|
|
| أعلى |
|
|
ميرفت
|
عنوان المشاركة: Re: سؤال هايساعدنى فى انى افهم اى غرزة مكتوبة مرسل: الأربعاء ديسمبر 31, 2014 3:08 pm |
|
عضو متالق |
|
| اشترك في: الثلاثاء مارس 12, 2013 8:24 pm |
| مشاركات: 655 |
|
|
| أعلى |
|
|
تعليمات المشاركة
|
لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى
|
|
|
|
|
