بلوفر تريكو قطعة واحدة على الابر الدائرى

إزيك ياحبيبتى معلش أعذرينى إتأخرت عليكى كتير غصب عنى
البلوفر طبعا تحفه تحفه
سواء كنتى هتشتغلى البلوفر والأكمام على إبر مدببة او إبر دائرية
هتشتغلى البلوفر لغاية ماتوصلى لحردة الباط ثم هتقفلى 3 غرز مرة واحدة من كل جانب ثم 2 غرزة مرة واحدة من كل جانب
وبرضه الأكمام بالمثل هتشتغلى لغاية حردة الباط وتقفلى زى ماشرحت
ومهم جدا انك تعملى الخطوة دى قبل ماتبدأى فى حردة الرجلان علشان الكم يبقا مريح من تحت الباط
بعد كدا تيجى خطوة توصيل الأجزاء ببعضها وطبعا هيبقا الشغل دائرى
هتحطى البلوفر والاكمام على إبرة واحده بترتيبهم وطبعا تحطى علامة فاصلة بين كل جزء يعنى هيبقا عندك 4 علامات
وهتبدأى بقا تحردى الرجلان ولو عاوزة نفس الشكل اللى فى الموديل ده هو عامل الحردة بالتنقيص المزدوج double decreasing
مشروح فى الموضوع ده وهو انك بتنقصى غرزتين مرة واحدة
deleted/decreasing-t857-10.html
فى الصفحه التانيه

وهيا ليها 3 طرق اختارى الطريقة الاسهل ليكى وكلهم بيعملوا نفس الشكل فى النهاية

ولو فى اى مشكلة انا تحت امرك فى اى استفسار
اتمنى اكون افدتك