طريقة عمل طاقية تريكو للبيبى

إزيك ياحبيبتى يارب تكونى بخير
بالنسبة للطاقية طريقة شغلها شبيه بفكرة الطاقية دى

طاقية (قبعة) تريكو بناتى بضفيرة مع الشرح الكامل والباترون

هيا نفس الفكرة انك بتشتغلى من الجنب للجنب يعنى مش من تحت لفوق وكمان حردة القبة بتاع الطاقية معمولة بالسطور القصيرة

اما الضفيرة هيا امامية مكونه من 12 غرزة وتعمليها كل سابع سطر

يعنى هتقسمى الشغل بتاعك كالتالى 4 غرز طوق اللى هما هيبقوا برواز الطاقية ثم 4غرز جيرسيه معكوسه ثم 12 غرزة الضفيرة ثم 10 غرز جيرسيه معكوسه

وعلى حسب المقاس بقا بتزودى فى عدد الغرز علشان ارتفاع الطاقيه وتزودى فى عدد السطور علشان دوران الرأس

والوردة كروشيه ممكن تنفذى اى باترون

اتمنى اكون افدتك وتحت امرك فى اى استفسار

الشكر لله ياقمر
لو فيه اى استفسار تانى انا فى الخدمة