بسم الله الرحمن الرحيم
عزيزاتى اللهلوبات
كل عام وأنتم بخير
الحقيقة قسم الإستفسارات هنا معصبنى جدا لدرجة إنى معدش ليا نفس أرد على أى سؤال من كتر اللخبطة والدربكة وعدم النظام اللى فى القسم
والحقيقة كمان ان قسم الاستفسارات الهدف منه مش بس عرض الأسئلة والرد عليها ولكن كمان علشان الكل يستفيد من المعلومه فمن الممكن إن يكون هناك أكثر من شخص بيبحث عن إجابه لنفس التساؤلات المطروحه فى القسم
وللأسباب السابقة لازم القسم يبقا منظم ومرتب وواضح بحيث يسهل على الكل فمن ناحيه هيسهل عليا او على اى حد عاوز يرد على الأسئلة ومن ناحية تانية هيسهل على صاحبة السؤال إيجاد الحل وكمان هيسهل على اى حد داخل يدور على اجابه لسؤاله
وبالتالى رجاء وليس أمر إتباع القوانين التاليه فى عرض الإستفسارات
1/ القسم مختص بإستفسارات التريكو فقط ولذلك يمنع وضع أى إستفسار خارج المواضيع المتعلقة بالتريكو
2/ إذا كان السؤال المطروح خاص بأحد المواضيع الموجودة فعلا بالمنتدى فيرجى عرض السؤال داخل الموضوع الأصلى نفسه حتى نثرى الموضوع ويسهل ويسرع أيضا عمليه الرد على الإستفسار فطرح السؤال بعيدا عن الموضوع يشتت
3/ يجب عند طرح سؤالك إختيار عنوان للموضوع معبر عن المشكلة بكل وضوح بدلا من عبارات مثل (أرجو المساعدة) أو(ساعدينى يالهلوبه)
4/ يمنع منعا باتا تكرار عرض نفس المشكله فى أكثر من موضوع حتى لا نشتت أنفسنا ونشتت الزوار
وأشكر تعاونكم مقدما فالمنتدى لكى ينجح ويستمر يجب أن نتعاون على إنجاحه والحفاظ على نظامه وقوانينه
أختكم
لهلوبه
