أنا كنت عايزة اسأل ازاي اقدر احدد عدد الغرز المناسبة لية يعني لو انا حبيت اعمل بلوزة وانا اللي ابتكر فيها او لو كان في باترون لبلوزة لكن مش محدد مقاسات وسايبها مفتوحة
ازاي اقدر اعرف عدد الغرز المناسبة لية يعني بعد ما اقيس نفسي ازاي اعرف كم غرزة ابدأ بيها؟؟؟؟
ولو انا عندي باترون لمقاس صغير فقط ولكني حبيت الشكل النهائي وحبيت اعمل زيه بس يكون لية ازاي اقدر اضبط الالمقاس بحيث انه يكون لية ولا ما ينفعش اصلا اني اعمل مقاسات غير اللي موجودة في الباترون؟؟؟؟
بصى ياقمر هقولك على حاجه حلوة قوى انتى دلوقتى خدتى مقاساتك ولاقيتى مثلا دوران الهانش 90 سم مثلا تمام كدا ونفترض انك عاوزة تعملى بلوزة وعاوزة وسعها من تحت يبقا 100 سم مثلا يبقا المطلوب ان الامام يبقا 50سم والخلف 50 سم
تمام كدا
هتجيبى الخيط والابرة اللى هتشتغلى بيهم البلوزة وتعملى عينه عبارة عن 20 غرزة×20 سطر وتقيسى العينه دى كام سم
ايوة الف شكر ليكي على فكرة انا عملتها كده لكن على اساس 10 غرز تساوي كام سم
معلش لأننا تعبينك معانا
ماشى ياجميل انا طبعا الارقام اللى ذكرتها كانت مجرد مثال لتوضيح الفكرة بس بس عشان خاطرى بجد بضايق من كلمة معلش وتعبينك انا والله العظيم ما بعمل حاجه غصب عنى ولو مش حابه المنتدى كنت قفلته وريحت دماغى بس انا فعلا نفسى اى حد حابب الشغل اليدوى ده يشوف المنتدى ويستفيد منه ويبقا اكبر تجمع لمحبين العمل اليدوى
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
