أنا عايزة اشتري عدت تريكو وكورشيه متكاملة وعايزة اشتري خيوط ويفضل تكون بالجرام او بالكيلو على حسب بيبيعوا ازاي
انا كنت شفت ملف على المنتدى مكتوب فيه الأماكن بس المشكلة اني اصلا ما اعرفش الطرق في مصر لأني ما بخرجش كتير وانا ساكنة في اكتوبر فعايزة اعرف اركب ايه بالضبط وانزل فين وبعد ما انزل اروح فين
وعايزة مكان يكون فيه اكبر عدد من الخيوط يعني عايزة تنوع في الخيوط مش نوعية وحدة بس ويا ريت بسعر كويس ويكون بيبيع بالجرام بالنسبالي احسن وعايزة الأسعار بتكون كام؟؟ وأحسن نوع من الخيوط هيكون بكام؟؟
وعايزة اعرف هل فيه شنط لأبر التريكو وشنط لابر الكورشيه ولا لازم اشتري كل وحدة لوحدها؟؟؟؟؟ وعايزة اعرف الأسعار ائا كان فيه شنط والأسعار لكل ابرة
يعني انا عايزة الأسعار تقريبا كام بتترواح ما بين كام وكام وحتى ولو حسب النوعية عايزة اعرف أغلى حاجة كام؟؟؟
انا سمعت انه الأزهر احسن مكان الواحد يشتري منه كل ده بس مش عارفة اروح المنطقة دي ازاي يعني اركب ايه من أكتوبر وانزل فين وبعدين اروح فين موضوع الشوارع انا ماعرفش اسامي الشوارع ممكن اسأل بس احسن لو قولتولي اسم الشارع واروحوه ازاي
عايزة اقرب مكان بس يكون فيه كل اللي انا عيزاه انا ما عرفش اذا فيه في اكتوبر ولا لأ بس يا ريت لو حد يعرف اي حاجةيقولي
مع العلم اني ممكن اتوه لو ما حدش قلي الطريق الصحيح لأني اصلا ما عشتش في مصر وما بخرجش ابدا برة اكتوبر وغالبا انا هروح وحدي وما حدش هيكون معاية ولو اخوية معاية برضو ما يعرفش الاماكن دي فيا ريت تبقى التفاصيل واضحة
عنوان المشاركة: Re: معلش يا جماعة سؤال كمان لأي حد يعرف الطرق
مرسل: الأحد سبتمبر 08, 2013 4:41 pm
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
ان شاء الله لهلوبات القاهرة يفيدوكى واكيد لما تعرفى المكان وتروحى هناك صاحب المحل هيكون افضل واحد يجاوبك على اسئلتك
انا عن نفسى لما بحتاج ابرة مقاس معين بشتريها فردانى واحسن نوع اللى بيبقا معدن كله يعنى فيه بلاستيك وفيه خشب بس انا بحب الابر المعدن حلوة جدا وهتلاقى الاسعار مابين 3ج و6ج للابرة الواحده
اما الشنط المتكامله ممكن تبقا موجودة بس معرفش اسعار بصراحه
الخيوط بقا طبعا انواع واشكال واسعار كتير جدا بس انا بحب التركى للاسف الشديد والبيع هتلاقى بالبكرة غالبا بتبقا 100جرام او 50 جرام وممكن نوعيات تانية تتباع بالجرام
يعنى هتلاقى تنوع كبير وانتى تختارى بقا وتسالى على الاسعار وان شاء الله حد هنا يقدر يفيدك على المكان
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
