باترون شال تريكو مستطيل بغرزة لاسية وضفيرة مترجم للعربى

هبدأ إن شاء الله الأول بشرح الباترونات المرسومة المستخدمة فى الشال وبعد كدا هشرح ازاى نرتب الباترونات او الغرز دى مع بعضها

باترونات الغرز عبارة عن 5 باترونات
زى ما موضحة فى الصورة التالية



1- باترون الشبكة
2- باترون البرواز اليمين
3- باترون البرواز الشمال
4_باترون البرواز الداخلى(اليمين زى الشمال)
5_باترون الجزء اللى فى المنتصف

تعالوا نشوف الشرح واحده واحده

1- باترون الشبكة

ده الباترون المرسوم



وفى الصورة التالية شرح بالسطور لباترون الشبكة

2- البرواز اليمين

ده الباترون المرسوم



والصورة التالية ترجمة بالسطور لباترون البرواز اليمين



3- البرواز الشمال

ده الباترون المرسوم



والصورة التالية ترجمة بالسطور لباترون البرواز الشمال

4- البرواز الداخلى
(اليمين زى الشمال)

ده الباترون المرسوم



وفى الصورة التالية شرح بالسطور لباترون البرواز الداخلى

فى الصورة التالية باترون الجزء اللى فى المنتصف



وفى الصورة التالية شرح بالسطور للباترون

خطوات عمل الشال

أولا هنبدأ بعمل حافة الكسر المربعة اللى واضحة فى الصورة التالية



هنبدا بعمل 547 غرزة ثم هنشتغلهم كالتالى

السطر الاول= عدل كله
السطر الثانى= 1ع,2م معا فى اللفة الخلفية,لفة,270ع,2ع معا,هنشتغل عدل حتى اخر 3 غرز هنشتغلهم كالتالى لفة خلفية,2م معا,1ع (سيصبح عدد الغرز= 546 غرزة)
السطر الثالث= 3ع,15م,30ع,(30م,30ع)هنكرر مابين الاقواس حتى اخر 18 غرزة هنشتغلهم كالتالى 15م,3ع
السطر الرابع= 1ع,2م معا فى اللفة الخلفية,لفة,15ع,30م,(30ع,30م) هنكرر مابين الاقواس حتى اخر 18 غرزة هنشتغلهم كالتالى 15ع,لفة خلفية,2م معا,1ع

هنكرر السطرين الثالث والرابع حتى يصبح عندك 22 سطر

السطر 23= 3ع,(هنسلت 10 غرز على كابل1 ,هنسلت العشر غرز التاليين على كابل2 ثم هنضع الكابل 2 خلف السنارة الشمال وموازية لها وايضا هنضع الكابل 1 خلف الكابل 2 ويكون موازيا لهم ايضا ثم هنشتغل 3ع معا عن طريق إدخال الابرة اليمين فى اول غرزة موجودة على الابرة الشمال والكابل1 والكابل2 وشغلهم عدل معا وهنكرر هذه الخطوة فى العشر غرز ,هنسلت العشر غرز التاليين على كابل1 ثم هنسلت العشر غرز التاليين على كابل2 ثم هنضع الكابل2 امام الابرة الشمال وموازي لها والكابل1 امام الكابل2 وموازى لهم ثم هنشتغل 3ع معا عن طريق إدخال الابرة اليمين فى اول غرزة موجودة على الكابل1 ثم الكابل2 ثم الابرة الشمال وشغلهم عدل معا وهنكرر هذه الخطوة فى العشر غرز)هنكرر مابين الاقواس 9 مرات ثم ننهى السطر بعمل 3ع
سيصبح عدد الغرز= 186 غرزة

السطر24= 1ع,2م معا فى اللفة الخلفية,لفة,17ع,(2ع معا,16ع)هنكرر مابين الاقواس 8 مرات ,2ع معا,17ع,لفة خلفية,2م معا,1ع(سيصبح عدد الغرز =177 غرزة)

السطر 25= عدل كله
السطر26= 1ع,2م معا فى اللفة الخلفية,لفة,14ع,هنضع علامة,33ع,هنضع علامة,8ع,هنضع علامة,61ع,هنضع علامة,8ع,هنضع علامة,33ع,هنضع علامة,14ع,لفة خلفية,2م معا,1ع

المرحلة التالية
هنشتغل الباترونات المشروحة وهنرتبها كما يلى
هنشتغل اول سطر من كل باترون كما يلى

السطر 27= البرواز اليمين(17غرزة) هنشيل العلامة,البرواز الداخلى(33 غرزة)هنشيل العلامة,الشبكة(8غرز)هنشيل العلامة,الجزء فى المنتصف(61غرزة)هنشيل العلامة,الشبكة(8غرز)هنشيل العلامة,البرواز الداخلى(33 غرزة)هنشيل العلامة,البرواز الشمال(17غرزة)

هنستمر فى شغل جميع الباترونات بالترتيب السابق حتى نصل الى 438 سطر(21 تكرار و18 سطر من الجزء فى المنتصف والبرواز الداخلى و 43 تكرار و8سطور من البرواز اليمين والشمال)

السطر 439= هنشتغل السطر التاسع من البرواز اليمين ثم هنشيل العلامة ثم 1م,12ع,(هنسلت 4 غرز على كابل امام العمل ,3ع,هنشتغل الغرز المسلوته 1م و3ع )12ع,1م,هنشيل العلامة,هنشتغل الشبكة,هنشيل العلامة,هنشتغل السطر 19 من الجزء فى المنتصف,هنشيل العلامة,هنشتغل الشبكة,هنشيل العلامة,1م,12ع,(هنسلت 4 غرز على كابل امام العمل ,3ع,هنشتغل الغرز المسلوته 1م و3ع )12ع,1م,هنشيل العلامة,هنشتغلالسطر التاسع من البرواز الشمال

السطر 440= هنقفل 4 غرز,2م معا فى اللفة الخلفية,لفة,هنشتغل عدل حتى اخر 3 غرز ,لفة خلفية,2م معا فى اللفة الخلفية,1ع(اصبح عدد الغرز= 177 غرزة)

هنترك الغرز على الابرة حتى نشتغل حافة الكسر المربعة التانية

هنشتغل حافة الكسر المربعة التانية زى الاولى حتى السطر 24 ثم نشبك الحافة بالشال

هنغسل الشال حسب تعليمات الغسيل او ننقعه فى ماء فاتر لبضع دقائق ثم هنلفه فى فوطة ناشفه لازالة الماء الزائد ثم هنفرد الشال كويس على سطح طاولة ونتركة يجف تماما

.....................

وبكدا عزيزاتى اكون خلصت الترجمة
اتمنى تكون مفيدة للجميع واى استفسارات انا تحت امركم

يسلم ذوقك ياقمر
يارب يكون عجبك
وتقدرى تستفيدى من ترجمته وانا تحت امركم فى اى ملاحظات او استفسارات

تم إضافة شرح جديد

تم بحمد الله استكمال ترجمة الشال
اتمنى لكم الفائدة واى استفسارات انا تحت امركم