جيليه تريكو ولادى للسهرات والإحتفالات بالباترون والشرح بالعربى

بسم الله الرحمن الرحيم

جيليه _ فيست تريكو ولادى للسهرات والإحتفالات بالباترون والشرح بالعربى

Tuxedo Vest





..........

وهنا بعض التطبيقات للفيست









المقاسات حسب السن = 2 - 4 - 6 سنوات

المقاسات النهائية للجيليه :

دوران الصدر = 66 - 71 - 76 سم
طول الجيليه = 34.5 - 37 - 39.5 سم

وفى الرسم التخطيطى التالى يوضح القياسات النهائية لأجزاء الجيليه بالإنش ( 1 إنش = 2.5 سم تقريبا )



.....

المواد المستخدمة :

_ 150 - 150 - 200 جرام من الخيط الأسمر
_ 50 جرام من الخيط الأبيض
_ 50 جرام من الخيط الرمادى
_ إبر تريكو مدببة الطرف مقاس 4 مللى
_ إبر تريكو دائرية مقاس 4 مللى ( طولها 40 سم )
_ ماسك الغرز
_ علامات للغرز
_ 3 زراير لونهم أبيض (قطر 12 مللى) + 4 زراير لونهم أسمر ( قطر 10 مللى )

.......

قياس الوحدة = 10 × 10 سم = 22 غرزة × 25 سطر

خطوات عمل الجيليه

(أولا)

*الأمام*

_ باللون الأبيض وبالإبر المدببة هنبدا بعمل 72 - 78 - 82 غرزة

_ هنشتغل البليسيه ( 1ع , 1م ) لمدة 8 سطور

_ ثم هنبدأ نشتغل بغرزة الجيرسيه ( سطر عدل وسطر مقلوب ) مع عمل 4 غرز بليسيه فى المنتصف (1م , 2ع , 1م ) ومع البدء فى عمل باترون الجاكار رقم 1 فى الرسم التالى



بالنسبة للألوان
المربعات البيضاء = هنشتغلها بالخيط الأبيض
المربعات المظللة = هنشتغلها باللون الأسمر

بالنسبة للغرز
المربع الذى يحتوى على شرطة = غرزة مقلوبه فى السطور الفرديه , وعدله فى السطور الزوجية
المربع الذى لايحتوى على شرطة = غرزة عدلة فى السطور الفردية , ومقلوبة فى السطور الزوجية

_ بعد الإنتهاء من باترون الجاكار رقم 1 هنستمر بشغل الجيرسيه و4 غرز بليسيه فى المنتصف باللون الأسمر حتى يصل الطول إلى 20.5 - 20.5 - 21.5 سم هنبدا نقفل من كل جانب لعمل حردة الإبط كالتالى :

3 غرز / مرة واحدة
ثم
غرزة / مرتين

سيصبح عدد الغرز بعد جميع التقفيلات = 58 - 64 - 68 غرزة

_ وفى نفس الوقت عندما يصل الطول من بداية حردة الإبط إلى 5 - 2 - 3 سم هنبدا نشتغل باترون الجاكار رقم 2 فى الرسم التالى فوق 58 - 64 - 68 غرزة اللى فى المنتصف



بالنسبة للألوان
المربعات البيضاء = هنشتغلها بالخيط الأبيض
المربعات المظللة = هنشتغلها باللون الأسمر
مربعات الببيون = باللون الرمادى

بالنسبة للغرز
المربع الذى يحتوى على شرطة = غرزة مقلوبه فى السطور الفرديه , وعدله فى السطور الزوجية
المربع الذى لايحتوى على شرطة = غرزة عدلة فى السطور الفردية , ومقلوبة فى السطور الزوجية

_ بعد الإنتهاء من السطر 23 من باترون الجاكار 2 هنبدأ فى السطر التالى نقفل 18 غرزة فى المنتصف لعمل حردة الرقبة وهنكمل كل ناحية بخيط منفصل ثم هنكمل حردة الرقبة بتنقيص غرزة كل سطر من كل جانب من ناحية الرقبة /2 - 2 - 3 مرات

_ وفى نفس الوقت عندما يصل الطول من بداية حردة الإبط إلى 11.5 - 14 - 15 سم هنبدا نقفل من كل جانب لحرد الكتف كالتالى :

5 - 6 - 6 غرز / مرتين
ثم
هنقفل 5 - 6 - 7 غرز المتبقيين

(ثانيا)

* الظهر *

_ بالإبر المدببة وبالخيط الأبيض هنبدا بعمل 72 - 78 - 82 غرزة

_ هنشتغل البليسيه ( 1ع , 1م ) لمدة 8 سطور

_ ثم هنبدأ نشتغل بغرزة الجيرسيه ( سطر عدل وسطر مقلوب ) لمدة 15 سطر ثم هنبدل للون الأسمر وهنستمر بعمل غرزة الجيرسيه حتى يصل الطول الى 20.5 - 20.5 - 21.5 سم هنبدا نقفل من كل جانب لعمل حردة الإبط كالتالى :

3 غرز / مرة واحدة
ثم
غرزة / مرتين

سيصبح عدد الغرز بعد جميع التقفيلات = 58 - 64 - 68 غرزة

_ عندما يصل الطول من بداية حردة الإبط إلى 11.5 - 14 - 15 سم هنبدا نقفل فى المنتصف لعمل حردة الرقبة وفى نفس الوقت هنبدأ نقفل من كل جانب لحرد الكتف كالتالى :

هنقفل فى المنتصف لحردة الرقبة

24 - 24 - 26 غرزة
ثم هنقفل غرزة من كل جانب ناحية الرقبة / مرتين

وهنقفل من كل جانب لحرد الكتف

5 - 6 - 6 غرز / مرتين
ثم
هنقفل 5 - 6 - 7 غرز المتبقيين

.........

(التقفيل)

_ هنخيط الأكتاف وجوانب الفيست

_ هنخيط الزراير فى مكانها زى صورة الموديل

.........

( برواز الرقبة )

_ بالإبرة الدائرية وبالخيط الأبيض ووجه العمل مقابل لك هنلقط على دوران فتحة الرقبة 76 - 76 - 80 غرزة وهنشتغل 5 سطور دائرى غرزة البليسيه ( 1ع , 1م ) وهنقفل الشغل

.........

( برواز الأكمام )

_ بالإبرة الدائرية وبالخيط الأسمر ووجه العمل مقابل لك هنلقط على دوران فتحة الكم 62 - 72 - 78 غرزة وهنشتغل 4 سطور دائرى غرزة البليسيه ( 1ع , 1م ) وهنقفل الشغل

.......

تم بحمد الله

أتمنى لكم المتعه والفائدة