جاكت تريكو للأطفال بغرزة الطوق من سن شهر إلى 4سنين
وده الشكل التخطيطى للجاكت يوضح المقاسات وكمان هنلاحظ السهم اللى بيدل على اتجاه الشغل لاننا هنشتغل الجاكت ده بالعرض يعنى ابتداء من الكم ثم الجسم ثم انتهاء بالكم الاخر
المواد المطلوبه:200-200-250 (250-300) جرام من الصوف الازرق المخضر إبر تريكو مقاس 5مللى زراير نفس لون الصوف 5-5-5 (6-6)قطعه
ملاحظات مهمة عند شغل هذا البلوفر: 1/غرزة الطوق=كل السطور عدل 2/فتحات الزراير=هنقفل غرزة ثم فى السطر التالى هنعمل لفه فوق الغرزة المقفوله 3/التزويد(هنعمله عشان حردة الرقبه)= هنزود بعمل لفه بعد اول غرزتين طوق من ناحية حافة الرقبة ثم فى السطر التالى هنشتغل اللفه عدل بس مبرومه بمعنى هنشتغل فى اللوب الخلفى بدلا من اللوب الامامى عشان مايبقاش فى خروم مكان اللفات
............. الشرح _هنشتغل الجزء الامامى والجزء الخلفى للبلوفر مرة واحده بالعرض من الكم الى الكم ؛؛؛الكم اليمين: _هنبدأ بعمل 26-28-28 (30-30)غرزة هنشتغل غرزة الطوق _عندما يصل الطول الى 5سم هنزود غرزة من كل جانب ثم هنزود غرزة من كل جانب كل سم 6-6-8 (9-11) مرة ,سيصبح عدد الغرز بعد جميع التزويدات=38-40-44 (48-52)غرزة _عندما يصل الطول الى17-18-20 (24-28)سم هنشتغل 27-29-34 (39-42) غرزة جديدة فى بداية ونهاية السطر واللى هيمثلو ظهر ووش الجاكت,سيصبح عدد الغرز=92-98-112 (126-136)غرزة _هنستمر بعمل غرزة الطوق حتى يصل الطول الى 9-10-11 (12-13)سم من بداية عمل غرز الظهر والوش وعندما يصل الى 26-28-31 (36-41)سم من بداية عمل الكم هنشتغل السطر التالى كما يلى من الجهه الامامية للعمل: هنشتغل اول 46-49-56 (63-68)غرزة عدل (دول هيمثلوا الجزء الامامى اليمين)ثم هنسلت 46-49-56 (63-68)غرزة المتبقيين على ماسك للغرز (دول هيمثلوا الظهر)وهنضع علامه هنا
؛؛؛الجزء الامامى اليمين: _عدد الغرز 46-49-56 (63-68)غرزة ,هنقفل اول 6-6-6 (7-7)غرزة عشان الرقبه ثم هنقفل عشان حردة الرقبه غرزة كل سم 3 مرات من ناحية الرقبه,سيصبح عدد الغرز=37-40-47 (53-58)غرزة _هنستمر فى الشغل حتى يصل عرض القطعة الامامية =12.5-14-15.5 (17-18.5)سم ثم نقفل عشان فتحات الزراير 5-5-5 (6-6)فتحات موزعه بالتساوى على مدار السطر(انظرى الشرح فى بداية الموضوع) هنقفل اول فتحه بعد اول غرزتين من ناحية حافة الرقبه ثم هنقفل بمعدل كل2.5سم _ثم نقفل الشغل
؛؛؛الظهر: _46-49-56 (63-68)غرزة اللى موجودين على ماسك الغرز هنرجعهم على سنارة الشغل _هنستمر بعمل غرزة الطوق حتى يصل الطول الى 7-8-9 (10-11)سم من العلامه عند الرقبه هنضع العمل جانبا ونبدا فى عمل الجزء الامامى الشمال
؛؛؛الجزء الامامى الشمال: _هنبدا بعمل 37-40-47 (53-58)غرزة وهنشتغلهم غرزة الطوق وفى نفس الوقت هنزود عشان حردة الرقبه (كما مشروح فى اول الموضوع) من ناحية الرقبه نفس عدد الغرز اللى نقصناها فى الجزء الامامى اليمين عشان حردة الرقبه _بعد جميع التزويدات هنضم الظهر مع الجزء الامامى الشمال ونشتغلهم فى نفس الوقت
؛؛؛ باقى الجاكت : _هنضم 46-49-56 (63-68) غرزة بتوع الظهر الى سنارة العمل واللى عليها الغرز بتاع الجزء الامامى الشمال ,سيصبح عدد الغرز على السنارة=92-98-112 (126-136)غرزة وهنا هنضع علامه جديده _هنشتغل حتى يصل الطول الى 9-10-11 (12-13)سم من العلامه هنقفل فى بداية السطريين التاليين 27-29-34 (39-42)غرزة من بداية كل سطر,سيصبح عدد الغرز المتبقية على السنارة=38-40-44 (48-52)غرزة واللى هتمثل الكم الشمال _عندما يصل الطول الى 2-3-1 (3-3)سم من ساعة ماقفلنا الغرز هنقص غرزة من كل جانب ثم هنقص غرزة كل سم 6-6-8 (9-11)مرات ,سيصبح عدد الغرز بعد جميع التنقيصات=26-28-28 (30-30)غرزة _هنقفل الشغل عندما يصل طول الكم الى 17-18-20 (24-28)سم او عندما يصل طول الجاكت من بداية الكم اليمين الى 59-64-71 (82-93)سم
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
