بونشو تريكو بضفاير بالباترون مترجم للعربيه

غرز تريكو,بونشو تريكو,باترونات تريكو,تريكو بالعربى

بسم الله الرحمن الرحيم

بونشو تريكو بالباترون

ده شكل البونشو



وهنا الشرح بالانجليزى وساقوم ان شاء الله بترجمته للعربى

دى اول حاجه نبص عليها وهيا جدول المقاسات عشان نعرف مقاسنا المظبوط واللى على اساسه هنمشى ازاى خلال الباترون كله

فى الجدول مقاسين الاول s_m
والثانى l_xxl

كمان هنلاقى فى الجدول عرض البونشو من الحافه وطوله بالسم والانش لكل مقاس




هنا هنلاقى نوع الخيط والكمية المطلوبه لكل مقاس

طبعا نوع الخيط مش لازم تتقيدى بيه لان صعب طبعا تلاقى النوع المطلوب فى بلدك
اما الكميه ضرورى انك تعرفيها وهيا للمقاس الاول 17 بكرة كل بكرة 50 جرام اما المقاس الثانى فهنحتاج 20 بكرة كل بكرة 50 جرام وطبعا لو هتجيبى بكر 100 جرام يبقا بالتالى هتحتاجى نص عدد البكر المذكور




هنا هنلاقى الابر المستخدمة نوعها ومقاسها
هنحتاج ابر تريكو مقاس 5 مللى ومقاس 5.5 مللى
وايضا هنحتاج ابرة زياده عشان الضفاير وهنا اختصارها (cn) وناخد بالنا من الاختصارات عشان بتقابلنا وسط الشغل ومنبقاش عارفين دى ايه




هنا بيعرفنا حاجه اسمها tension
واللى من خلالها بنعرف سمك الخيط اللى هنشتغل بيه وغالبا بيبقا مكتوب على البكرة
هنا هنحتاج خيط لو اشتغلناه بابرة مقاس 5.5 مللى فى عينه من غرزة الطوق 10سم×10سم هنحصل على 16غرزة ×22 سطر
و9غرز بتوع الضفيرة =عرضهم 5سم




دى اختصارات معينه هتقابلنا فى الباترون

وشرحها كالتالى

C6B=اسلتى 3 غرز على ابرة الضفيرة خلف العمل ,3ع,اشتغلى الغرز المسلوته عدل
C6F=اسلتى 3 غرز على ابرة الضفيرة امام العمل ,3ع,اشتغلى الغرز المسلوته عدل
5CR=اسلتى 2 غرزه على ابرة الضفيرة خلف العمل ,3ع,اشتغلى الغرز المسلوته عدل
4CL=اسلتى 2 غرزه على ابرة الضفيرة امام العمل ,2ع,اشتغلى الغرز المسلوته عدل

...........
يتبع إن شاء الله

هنا يبدأ يعرفنا على الغرز المستخدمة فى الباترون

غرزة القماشة =stocking stitch
وبنشتغلها كالتالى
السطر الاول=كله عدل
السطر الثانى=كله مقلوب
وهنكرر السطرين




غرزة القماشة المعكوسه=reverse stocking stitch
وبنشتغلها كالتالى
السطر الاول=كله مقلوب
السطر الثانى=كله عدل
هنكرر السطرين




الضفيرة المستخدمه فى الباترون والمكونه من 9 غرز
وهنشتغلها كالتالى
السطر 1,3,5=كله عدل
السطر 2 وكل السطور الزوجيه=كله مقلوب
السطر 7= (C6B) ثم 3ع
السطر 9,11,13=كله عدل
السطر 15=3ع,(C6F)
بعد انتهاء السطر 16 هنكررهم
ده شرح للمكتوب فى الصورة ولتفسيره اكتر هشرحه سطر سطر

السطر الاول=عدل
السطر الثانى=مقلوب
السطر الثالث=عدل
السطر الرابع=مقلوب
السطر الخامس=عدل
السطر السادس=مقلوب
السطر السابع=اسلتى 3 غرز خلف العمل,3ع,اشتغلى الغرز المسلوته عدل,3ع
السطر الثامن=مقلوب
السطر التاسع=عدل
السطر العاشر=مقلوب
السطر 11=عدل
السطر 12=مقلوب
السطر 13=عدل
السطر 14=مقلوب
السطر 15=3ع,اسلتى 3 غرز امام العمل ,3ع,اشتغلى الغرز المسلوته عدل
السطر 16=مقلوب
هنكرر ال 16 سطر دول




الضفيرة المستخدمه فى الباترون والمكونه من 25 غرزه
هنشتغلها كالتالى
2 غرزة القماشة المعكوسة , الضفيرة المكونه من 9 غرز ,3غرزة القماشة المعكوسه ,الضفيرة المكونه من 9 غرز ,2غرزة القماشة المعكوسه



البليسيه 2/2
هنشتغلها كالتالى
السطر الاول=(2ع,2م)وهنكرر مابين الاقواس
السطر الثانى=العدل فوق العدل والمقلوب فوق المقلوب

.................

دلوقتى بقا هيبدأ فى شرح الباترون





_بإستخدام الابر 5 مللى هنبدأ بعمل 202(218)غرزة <لاحظى ان الارقام الموجوده للمقاسين يعنى 202 غرزة للمقاس الاول و 218 غرزة للمقاس الثانى وهكذا فى باقى شرح الباترون>

_هنشتغل 4 سطور غرزة القماشه
_هنبدل الابر الى الابر مقاس 5.5 مللى ثم هنشتغل كالتالى
26(30) غرزة القماشة ,(غرزة الضفيرة المكونه من 25 غرزة, 25(29)غرزة القماشه) هنكرر مابين الاقواس 3 مرات ,غرزة الضفيرة المكونه من 25 غرزة, 1 غرزة القماشه

_وشرح بالتفصيل اول سطر هنشتغله ازاى كالتالى
26(30) ع,((2م,9ع,3م,9ع,2م,25(29) ع)) هنكرر مابين الاقواس 3 مرات,2م,9ع,3م,9ع,2م,1ع
وهكذا
_هنستمر فى عمل الباترون كالسابق حتى يصل الطول الى 6سم(14 سطر) على ان يكون اخر سطر ظهر العمل
_هنستمر كالتالى
1ع,(2ع معا,21(25)ع,هنسلت غرزة,1ع,هنمرر الغرزة المسلوته فوق العدله,الضفيرة المكونه من 25 غرزة )هنكرر مابين الاقواس 4مرات,1ع
سيصبح عدد الغرز= 194(210)غرزة
_هنشتغل 7 سطور كما سبق على 194(210)غرزة المتبقيه
_ثم هنستمر كالتالى
1ع,(2ع معا,19(23)ع,هنسلت غرزة,1ع,هنمرر الغرزة المسلوته فوق العدله,الضفيرة المكونه من 25 غرزة )هنكرر مابين الاقواس 4مرات,1ع
سيصبح عدد الغرز= 186(202)غرزة
_هنشتغل 7 سطور كما سبق على 186(202)غرزة المتبقيه
_ثم هنستمر كالتالى
1ع,(2ع معا,17(21)ع,هنسلت غرزة,1ع,هنمرر الغرزة المسلوته فوق العدله,الضفيرة المكونه من 25 غرزة )هنكرر مابين الاقواس 4مرات,1ع
سيصبح عدد الغرز= 178(194)غرزة
_هنكرر هذا السطر من التنقيص كل 8 سطور 8(10) مرات
سيصبح عدد الغرز بعد جميع التنقيصات=114(114)غرزة
_هنشتغل 4 سطور كما سبق فوق 114 غرزة المتبقيه
_ثم هنشتغل كالتالى
2ع معا فى اول السطر ثم هنكمل باقى السطر كما سبق وفى النهايه هنترك ال 113 غرزة المتبقين على ماسك الغرز





الجزء الثانى
مماثل للجزء الاول ولكن بعد عمل 4 سطور فوق 114 غرزة هنشتغل سطر فوق كل الغرز وننهيه بعمل 2م معا ثم نضع 113 غرزة المتبقيه على ماسك الغرز



الرقبه والكوله
_هنلقط الغرز من الجزء الثانى ثم الغرز من الجزء الاول على ابره واحده =226 غرزة
_هنشتغل كالتالى
1ع(اسلتى 2 غرزة ,1ع,مررى الغرزتين المسلوتتين فوق الغرزة العدله,الضفيرة المكونه من 25 غرزة )هنكرر مابين الاقواس 8 مرات ,1ع
سيصبح عدد الغرز=210 غرزة
هنشتغل سطر كما سبق فوق 210 غرزة المتبقيه

_ثم هنشتغل كالتالى
1ع(2م معا,1م,الضفيرة المكونه من 9 غرز,3م,الضفيرة المكونه من 9 غرز,2م)هنكرر مابين الاقواس 8 مرات ,1ع
سيصبح عدد الغرز=202 غرزة
هنشتغل 3سطور كما سبق فوق202 غرزة المتبقيه

_ثم هنشتغل كالتالى
1ع,(2م,الضفيرة المكونه من 9 غرز,3م,الضفيرة المكونه من 9 غرز,2م معا)هنكرر مابين الاقواس 8 مرات,1ع
سيصبح عدد الغرز =194 غرزة
هنشتغل 9 سطور فوق 194 غرزة المتبقيه

_ثم هنشتغل كالتالى
1ع,(2م معا,الضفيرة المكونه من 9 غرز ,1م)هنكرر مابين الاقواس 16 مرات,1ع
سيصبح عدد الغرز =178 غرزة
هنشتغل 9 سطور فوق 178 غرزة المتبقيه

_ثم هنشتغل كالتالى
2ع معا ثم هنكمل السطر كالسابق مع عمل 2 م معا فوق كل غرزتين مقلوب واخر غرزة عدل ومقلوب هنشتغلهم 2ع معا
سيصبح عدد الغرز=162 غرزة
هنشتغل 9 سطور كالسابق فوق 162 غرزة المتبقيه

_ثم هنشتغل كالتالى
2ع معا ثم هنكمل السطر كالسابق مع عمل كل غرزة مقلوبه والغرزة العدلة التاليه لها 2 ع معا
سيصبح عدد الغرز=146 غرزة
هنشتغل9 سطور كالسابق فوق 146 غرزة المتبقيه

_ثم هنشتغل كالتالى
2ع,(2ع معا,C6F ثم 1ع)هنكرر مابين الاقواس 16 مره
سيصبح عدد الغرز=130 غرزة
هنشتغل 7 سطور كالسابق فوق 130 غرزة المتبقيه

_ثم هنشتغل كالتالى
1ع,(5CR ثم 2ع معا,1ع)هنكرر مابين الاقواس15 مرة ,5CR ثم 2ع معا,2ع
سيصبح عدد الغرز=114 غرزة
هنشتغل 7 سطور فوق 114 غرزة المتبقيه

_ثم هنشتغل كالتالى
2ع,(2ع معا,4CL ثم 1ع)هنكرر مابين الاقواس 16 مرة
سيصبح عدد الغرز=98 غرزه
هنبدل الابر للمقاس 5 مللى وهنستمر كالسابق لمده 5 سطور فوق 98 غرزة المتبقيه

هنقفل الشغل ونخيط جوانب البونشو




فى الصورة السابقه يوضح مقاسات البونشو النهائيه بالسم




وفى الصورة السابقه يوضح الباترون المرسوم للضفيرة المكونه من 9 غرز و16 سطر وفى الصورة مكرر الضفيرة مرتين يعنى 32 سطر




هنا يشرح كيفية عمل معصم اليد
وسوف نقوم بعمل 2 متشابهين واحد لكل يد

_هنبدا بعمل 46(50)غرزة على الابر مقاس 5 مللى
_هنشتغل البليسيه حتى يصل الطول الى 17 سم(48 سطر) ونتركهم على ماسك الغرز
_هندبس المعصم فى طرف البونشو ونبدا وننتهى ب 7(9) غرز على جانبى الضفيرة ونوحدهم معا بلقط غرز من طرف البونشو وشغلهم مع غرز المعصم الموجوده على ماسك الغرز
وفى النهايه هنخيط جوانب المعصم

.................

اتمنى الشرح يكون واضح وتكونوا استفدتوا من الترجمه

ان شاء الله النهارده بدون مقاطعه
اسفه على التاخير

تم استكمال الشرح بحمد الله
واى استفسار انا تحت امركم

الشكر لله حبيبتى وانا تحت امرك فى اى استفسار

هوا فعلا هيبقوا 4 ضفاير على مدار السطر فى مقاسك وبكدا يبقا يقصد اننا نشتغل الجزء اللى بين الاقواس 3 مرات
بالنسبه لبداية السطر 26 عدل بس انتى مخدتيش بالك من نهاية السطر وهيا الضفيرة اللى هيبقا الكم متركب فوقيها
والظهر كذلك هيبقا نفس الحكايه من ناحيه 26 عدل ومن الناحية التانيه ضفيرة ودى اللى هيتركب عليها الكم التانى بعد ماتخيطى طبعا الوش بالظهر

يارب تكون الصورة وضحت وانا فى انتظار تطبيقك بفارغ الصبر