جاكيت تريكو حريمى مفتوح بزراير بسيط جدا بالباترون والشرح

ملاحظات قبل البدء فى العمل
......................................

* غرزة الطوق أمام وخلف العمل = عدل فى كل السطور

* التزويد خلال هذا الباترون كالتالى :
بعمل لفه ثم فى السطر التالى هنشتغل اللفه غرزة عدل خلفية حتى نتفادى عمل خروم فى العمل

* التنقيص خلال هذا الباترون كالتالى :

_ هنقص غرزة قبل العلامة كالتالى = هنشتغل حتى الوصول الى اخر غرزتين قبل العلامة ثم هنسلت غرزة ونشتغل غرزة عدل ثم هنمرر المسلوته فوق العدله

_ هنقص غرزة بعد العلامة كالتالى = هنشتغل الغرزتين التاليتين للعلامه 2 عدل معا

* لعمل فتحات الزراير على البرواز اليمين كالتالى :

_ هنقفل الغرزة الثالثه من ناحية برواز الزراير وفى السطر التالى هننشأ غرزة فوق الغرزة المقفولة

_ وسنقوم بالقفل لعمل فتحات الزراير عندما يصل الطول الى :

SIZE S: 2, 10, 18, 26 and 34 cm
SIZE M: 2, 10, 18, 26 and 34 cm
SIZE L: 2, 10, 18, 26 and 34 cm
SIZE XL: 2, 11, 20, 29 and 38 cm
SIZE XXL: 2, 11, 20, 29 and 38 cm
SIZE XXXL: 2, 11, 20, 29 and 38 cm


......

يتبع إن شاء الله

(خطوات عمل الجاكيت)

_ هنشتغل الجاكيت من فوق إلى تحت وهنشتغل أمام وخلف العمل على الإبر الدائرية

أولا

( الرقبة والصدر)

_ هنبدأ بعمل 79 _ 79 _ 82 _ 82 _ 85 _ 85 غرزة ( بما فيهم 5 غرز لبرواز الزراير الأمامى من كل جانب) على الإبر الدائرية مقاس 7 مللى

_ هنشتغل 5 غرز طوق ثم هنشتغل غرزة البليسيه ( 1ع,2م) وهنستمر بعمل غرزة البليسيه حتى أخر 5 غرز هنشتغلهم غرزة طوق

_ هنستمر هكذا حتى يصل الطول إلى 2 سم وفى نفس الوقت نتذكر عمل فتحات الزراير فى البرواز اليمين للزراير

_ هنستبدل الابر بالابر مقاس 8 مللى ثم هنستمر بعمل غرزة الطوق فوق كل الغرز وفى نفس الوقت فى السطر الاول هنقص 3 _ 3 _ 2 _ 2 _ 1 _ 1 غرز بالتساوى على مدار السطر
سيصبح عدد الغرز بعد التنقيص = 76_76_80_80_84_84 غرزة

_ فى السطر التالى من ناحية وجه العمل هنضع 8 علامات كالتالى

5 غرز طوق , 10 - 10 - 11 - 11 - 12 - 12 عدل , هنضع علامة , 2ع (سيصبحوا الجزء الأمامى الشمال) , هنضع العلامة الثانيه , 9ع ( سيصبحوا الكم ) , هنضع العلامة الثالثة , 2ع , هنضع العلامة الرابعة , 20-20-22-22-24-24 ع , هنضع العلامة الخامسة , 2ع ( سيصبحوا الجزء الخلفى ) , هنضع العلامة السادسة , 9ع , (سيصبح الكم الأخر) , سنضع العلامة السابعه , 2ع , هنضع العلامة الثامنه , 10-10-11-11-12-12 ع , هننهى السطر بعمل 5 غرزة طوق ( سيصبحوا الجزء الأمامى اليمين)

_ هنزود غرزة قبل العلامات 1_ 3 _ 5 _ 7 وبعد العلامات 2 _ 4 _ 6 _ 8 ( بمعنى ككل هنزود 8 غرز فى السطر)

_ هنكرر التزويد كل رابع سطر 9 - 9 - 9 - 10 - 11 - 12 مرة كمان

_ وفى نفس الوقت عندما يصل الطول الى 4-3-2-2-2-1.5 سم هنزود 0-0-0-1-1-2 غرزة بالتساوى فى القطعتين الاماميتين مع عدم التزويد فى بروازى الزراير وأيضا هنزود 3-4-4-4-4-4 غرزة فى كل كم وأيضا هنزود 0-0-0-2-2-4 غرزة بالتساوى فى القطعه الخلفية ( هنكرر التزويد بهذه الطريقة كل 8 سم مرتين إضافيتين)

_ عندما يصل الطول إلى 19 سم هنزود 1-0-2-2-2-2 غرزة بالتساوى فى كل كم

سيصبح عدد الغرز بعد جميع التزويدات= 176_180_188_208_220_240 غرزة

_ هنستمر بعمل غرزة الطوق فوق كل الغرز حتى يصل الطول إلى 20_21_22_23_24_25 سم.

_ هنشتغل السطر التالى كما يلى :

5 غرزة طوق , 22-22-23-27-29-33 غرزة , هنسلت 39-41-43-45-47-49 غرزة التاليين على ماسك غرز لعمل الكم , هننشأ 6 غرز وهنضع علامة فى وسط ال 6 غرز المنشأين , هنشتغل 44-44-46-54-58-66 غرزة التالين عدل , هنسلت 39-41-43-45-47-49 غرزة التاليين على ماسك غرز لعمل الكم الأخر , هننشأ 6 غرز وهنضع علامة فى وسط ال 6 غرز المنشأين , هنشتغل 22-22-23-27-29-33 غرزة التاليين عدل , هننهى السطر بعمل 5 غرزة طوق

عدد الغرز الأن على الإبرة = 110-110-114-130-138-154 غرزة .

ومن هنا سوف نقيص طول العمل فى الخطوات التاليه

..........

ثانيا

(جسم الجاكيت)

_ عندما يصل الطول إلى 3 سم هنزود غرزة على جانبى كل علامة ( بمعنى ككل هنزود 4 غرز فى السطر)
هنكرر التزويد كل 6-4-4-4-4-4 سم / 4-6-7-7-7-7 مرات أخرى

سيصبح عدد الغرز بعد التزويدات= 130-138-146-162-170-186 غرزة

_ عندما يصل الطول الى 34-35-36-37-38-39 سم هنزود 6-4-5-4-5-4 غرز بالتساوى على مدار السطر
سيصبح عدد الغرز= 136-142-151-166-175-190 غرزة

_ هنستبدل الابر الى الابر مقاس 7 مللى ثم هنشتغل البليسيه ( 1ع,2م) مع عمل 5 غرزة طوق من كل جانب

_ عندما يصل الطول الى 36-37-38-39-40-41 سم هنقفل الشغل

.........

ثالثا

(الأكمام)

_ هنشتغل الكم أمام وخلف العمل على الإبر الدائرية

_ هنضع 39-41-43-45-47-49 غرزة المسلوتين على الإبرة الدائرية مقاس 8 مللى
_ هننشأ 3 غرز فى كل جانب فى نهاية كل سطر من السطرين التاليين
سيصبح عدد الغرز = 45-47-49-51-53-55 غرزة

_ هنستمر بعمل غرزة الطوق حتى يصل الطول إلى 3 سم هنقص غرزة من كل جانب وهنكرر التنقيص كل 3-3-3-2.5-2.5-2.5 سم / 8-8-8-9-9-10 مرات اخرى
سيصبح عدد الغرز = 27-29-31-31-33-33 غرزة

_ هنستمر بعمل غرزة الطوق حتى يصل الطول إلى 35-35-34-34-33-33 سم هنزود 3-4-5-5-6-6 غرز بالتساوى على مدار السطر
سيصبح عدد الغرز = 30-33-36-36-39-39 غرزة

_ هنبدل الابر الى الابر مقاس 7 مللى ثم هنشتغل البليسيه (1ع,2م) ثم هنقفل الشغل عندما يصل الطول الى 38-38-37-37-36-36 سم وهنشتغل الكم الاخر بنفس الطريقة

......

(التقفيل)

_ هنخيط الكم فى فتحه الباط
_ هنخيط الزراير فى مكانها

.............

وبكدا نكون انتهينا من الشرح والترجمه

وتحت أمركم فى أى إستفسار

تم الانتهاء من الشرح والحمد لله