فى غرزة هنا لازم نتعلمها قبل مانبدأ الشغل وهيا غرزة الطحلب (Moss st): السطر الأول:*1ع,1م*ونكرر مابين الأقواس السطر التانى:*1م,1ع*ونكرر مابين الأقواس
الجزء السفلى من الشنطة: هنبدأ ب112 غرزة على سنارة دائرية مقاس 3.5 مللى بالصوف الاوف وايت,هنشتغل غرزة الطحلب (Moss st),عندما يصل الطول إلى 5سم هنشتغل سطر عدل ونركن الشغل دلوقتى.
أول طبقة من الكشكشة: هنبدأ ب 168 غرزة على سنارة دائرية مقاس 5مللى بالصوف الأزرق الجينز هنشتغل سطر مقلوب وبعدين نغير الصوف بالصوف الاوف وايت ونشتغل 8سطور عدل دلوقتى هننقل الشغل على سنارة دائرية مقاس 3.5 مللى ونشتغل السطر التالى كالتالى *1ع,2ع معا*ونكرر مابين الأقواس هيصبح عندنا عدد الغرز 112 غرزة هنشتغل سطر مقلوب.
دلوقتى هنشبك الطبقة الأولى من الكشكشة مع الجزء السفلى من الشنطة اللى كنا سايبينه مؤقتا كالتالى: هنأخد غرزه عدلة من كل جانب ونشتغلهم مع بعض بمعنى 2ع معا واحدة من الطبقة المكشكشة وواحدة من الطبقة السفلية ونكمل بغرزة الطحلب 5 سم ونضع العمل جانبا
هنشتغل الدور التانى والتالت من الكشكشة ونشبكهم كما سبق بعد ما نخلص الدور الرابع من الكشكشة ونشبكة فى العمل هنشتغل سطر مقلوب والسطر اللى بعده نشتغله كما يلى: *2ع,2ع معا*ونكرر ما بين الاقواس هيصبح عندنا عدد الغرز 84 غرزة هنكمل بغرزة الطحلب كمان 5سم ونشتغل سطر عدل وسطر مقلوب ونقفل الشغل.
هنطبق الشنطة إتنين ونخيط من أسفل العمل.
ذراع الشنطة: هنبدأ ب6 غرز على سنارة مقاس 3.5 مللى وهنشتغل غرزة الطحلب حتى يصل الطول إلى 35 سم ونقفل العمل.وهنعمل كمان ذراع ونخيطهم فى الشنطة
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
