باترون عربى ل سليبر تريكو بسيط جدا للبنات

بسم الله الرحمن الرحيم

باترون عربى ل سليبر تريكو بسيط جدا للبنات



وهنا صورة مجمعه لتطبيقات العضوات



..........

المقاسات = 35/37 - 38/40 - 42/44
المقاس حسب طول القدم = 22 - 24 - 27 سم

المواد المستخدمة:

- 100 _ 100 _ 150 جرام من الصوف
- إبر تريكو مدببة الطرف مقاس 6 مللى

قياس الوحدة = 10×10 سم من غرزة الجيرسيه = 13 غرزة × 17 سطر

..........

ملاحظات قبل البدء فى عمل الباترون:

1- غرزة الطوق أمام وخلف العمل = عدل فى كل السطور

2- تزويد غرزة فى هذا الباترون بعمل لفه ثم هنشتغل اللفه فى السطر التالى عدل خلفية

.............

يتبع إن شاء الله

(خطوات العمل)

_ هنشتغل أمام وخلف العمل بداية من الصوابع وحتى الكعب.

_ هنبدأ بعمل 12_13_14 غرزة ( مع ترك 30 سم من الخيط لإستخدامه فى خياطة السليبر وتقفيله بعد الإنتهاء)

_ هنضع علامة فى الغرزة 4 فى كل المقاسات وهنضع علامة أخرى فى الغرزة 9-10-11 لكل مقاس

_ هنشتغل غرزة الجيرسيه وفى نفس الوقت همزود غرزة على جانبى كل علامة وهنكرر التزويد كل سطرين 4 مرات ككل
سيصبح عدد الغرز بعد التزويدات= 28 _29_30 غرزة

_ عندما يصل الطول إلى 9_10_11 سم هنشتغل السطر التالى كما يلى :
7 غرزة طوق , 14_15_16 غرزة جيرسيه , 7 غرزة طوق

هنستمر هكذا حتى يصل الطول إلى 22_24-27 سم وهنقفل الشغل

_ هنثنى السليبر من الأمام وهنخيط الجزء العلوى بالخيط اللى كنا قد تركناه مسبقا إلى أن نصل لبدايه غرزة الطوق وأيضا هنخيط الجزء الخلفى ببعضه.

..........

ونكون بكده الحمد لله إنتهينا من شرح عمل هذا السليبر البسيط والرقيق
أتمنى لكم المتعه والفائدة وتحت أمركم فى أى إستفسار