باترون جاكت تريكو للأطفال بغرزة الرزة(الحبه)المزدوجة

جاكت تريكو للأطفال - جاكت تريكو للبيبى - باترونات تريكو - شرح تريكو - غرزة الرزة - غرزة الحبه - moss stitch - knitted baby jacket - غرز تريكو

بسم الله الرحمن الرحيم

جاكت تريكو للأطفال من سن شهر إلى 4 سنوات



المقاس بالسن:1/3 - 6/9 - 12/18شهر (2 - 3/4)سنه
المقاس بطول الطفل:56/62 - 68/74 - 80/86 (92 - 98/104)

المواد المستخدمه:250-300-300 (350-350) جرام من الصوف الازرق الغامق
إبر دائرية مقاس 4مللى
زراير خشبية 4-4-4 (5-5)قطعه


الباترون:



شرح إم1=
السطر الاول/2مقلوب,2عدل
السطر التانى/2عدل,2مقلوب
السطر الثالث/2عدل,2مقلوب
السطر الرابع/2مقلوب,2عدل

شرح الموديل:
قبل مانبدأ فى الشرح ملاحظات هامه ناخد بالنا منها فى هذا الموديل
1/فتحات الزراير:
_هنقفل عشان فتحات الزراير فى البرواز الامامى اليمين كالتالى هنشتغل ثالث ورابع غرزة معا من حافه البرواز ثم نعمل لفه وفى السطر التالى هنشتغل اللفه غرزة عدله
_هنقفل عشان فتحات الزراير عندما يصل الطول الى
مقاس1/3شهر=2, 6, 11 , 15سم
مقاس6/9شهر=2, 7, 12 , 16سم
مقاس12/18شهر =2, 8, 13 , 19سم
مقاس2 سنه=2, 7, 12, 17 , 22سم
مقاس3/4سنه=2, 8, 13, 19 , 24سم


2/التنقيص فى هذا الموديل:
_التنقيص فى هذا الموديل هنعمله فى السبعه بتاع الرقبه
_جميع التنقيصات بنعملها فى الجهه الامامية للعمل
_هنقص بعد 6 غرز الطوق كالتالى/إذا كانت اول غرزة يجب ان تكون عدله هنسلت غرزة كاننا هنشتغلها عدل ثم هنشتغل غرزة عدله ثم هنمرر الغرزة المسلوته فوق الغرزة العدله
إذا كانت اول غرزة يجب ان تكون مقلوبه هنشتغل غرزتين مقلوب مبرومه معا
_هنقص قبل 6غرز الطوق كالتالى/إذا كانت اول غرزة يجب ان تكون عدله هنشتغل 2عدل معا
إذا كانت اول غرزة يجب ان تكون مقلوبه هنشتغل 2مقلوب معا

..................................
شرح الجاكت
_هنشتغل الجزء الامامى الشمال ثم هنزود عشان نشتغل الكم الى ان نصل الى الاكتاف وبعد كدا هنشتغل الجزء الامامى اليمين ثم هنزود عشان نشتغل الكم الى ان نصل الى الاكتاف ثم نضم الجزئين على بعض ونكمل الشغل بعمل الظهر زى ماهنشرح دلوقتى

؛؛؛الجزء الامامى اليمين:
_هنبدأ بعمل 31-35-39 (43-43)غرزة(بما فيهم 6غرزة طوق للبرواز الامامى وغرزة حافه للجانب)
_هنشتغل سطر مقلوب
_هنستمر بعمل البليسيه لمده 4سطور كالتالى6 غرزة طوق*2ع,2م*هنكرر مابين الاقواس حتى اخر غرزة هنشتغلها غرزة حافه
_ثم هنستمر كالتالى 4غرزة طوق,إم1,غرزة حافه
_نتذكر فتحات الزراير كما مشروح فى اول الموضوع
_عندما يصل الطول الى7-8-9 (10-11)سم هنشتغل السطر التالى كما يلى
6غرزة طوق,إم1 فوق18-22-22 (26-26)غرزة,هنسلت اخر12-16-16 (20-20)غرزة مشغولين على سناره (عشان نعمل برواز الجيب)ثم هنستمر بعمل إم1 فوق 6-6-10 (10-10)الغرزة التاليين,غرزة حافه
_فى السطر التالى هنشتغل 12-16-16 (20-20)غرزة جديده فوق الغرز المسلوته هيصبح عدد الغرز=31-35-39 (43-43غرزة
_هنستمر فى الشغل كما سبق حتى يصل الطول الى 16-17-20 (23-25)سمثم هنبدا بعمل حردة الرقبه والتزويد لعمل الكم فى نفس التوقيت كما يلى
_هنشتغل سطرين غرزة الطوق فوق 6غرز الطوق بتوع البرواز رايح جاى مع عدم شغل باقى الغرز وبنعمل الحكاية دى عشان فتحة الرقبه ماتبقاش مشدودة
_ثم هنستمر بشغل جميع الغرز كما سبق مع التنقيص عشان حردة الرقبه كما يلى فى السطور الامامية هنقص غرزة 12-14-16 (16-16) مرة
_فى نفس التوقيت هنزود عشان الكم فى نهايه كل سطر من ناحية الجانب كما يلى:
5غرز4-4-5 (5-5)مرة
7غرز0-1-1 (2-3)مرة
25 - 24 - 21 - (22 - 27)غرزة مرة واحدة
_بعد اخر تزويدة للكم هنستمر بعمل إم1 مع عمل 6 غرز طوق ناحية الرقبه و6 غرز طوق ناحية اسورة الكم حتى يصل الطول الى 27-29-33 (37-40)سم
_اصبح هناك الان على السنارة 64-72-76 (88-100)غرزة سنضع علامه الان عند هذا الطول ثم هنستمر كما سبق كمان 1سم فوق العلامه وهنضبط الشغل بحيث يكون اخر سطر من الجهه الخلفيه للعمل وهنسلت الغرز على ماسك الغرز


...............

؛؛؛الجزء الامامى الشمال:
_زى الجزء الامامى اليمين بس بدون عمل فتحات للزراير

.............

؛؛؛الظهر:
_هنسلت 64-72-76 (88-100) غرزة بتوع الجزء الامامى اليمين مرة اخرى على سنارة العمل ثم هنشتغل 14-14-18 (18-22)غرزة جديده(اللى بتمثل دوران الرقبه من الخلف)ثم هنسلت 64-72-76 (88-100)غرزة بتوع الجزء الامامى الشمال على السنارة
_سيصبح الان عدد الغرز على السنارة = 142-158-170 (194-222)غرزة
_هنشتغل السطر التالى كما يلى من الجهه الاماميه للعمل:6غرزة طوق,إم1 فوق52-60-64 (76-88)غرزة التاليين, 26-26-30 (30-34)غرزة طوق,إم1فوق52-60-64 (76-88)غرزة التاليين,6غرزة طوق
هنستمر هكذا 4 سطور ثم هنكمل بعمل إم1 فوق جميع الغرز مع عمل 6غرز طوق من كل جانب
_عندما يصل الطول الى 7½-8-8 (8½-8½)سم من العلامه اللى عند الكتف هنقفل فى بدايه كل سطر كالتالى:
25 - 24 - 21 - (22 - 27)غرزة مرة واحدة
7غرز 0-1-1 (2-3)مرة
5غرز 4-4-5 (5-5)مرة
_سيصبح عدد الغرز بعد جميع التنقيصات=52-56-64 (72-76)غرزة هنستمر بعمل إم1 مع عمل غرزة حافة من كل جانب حتى يصل الطول الى 25-27-31 (35-38)سم من العلامة
_هنشتغل السطر التالى كما يلى من الجهه الامامية للعمل:غرزة حافه*2ع,2م*هنكرر مابين الاقواس وننهى السطر بغرزة حافه
هنشتغل 4سطور بنفس الطريقة ثم هنشتغل سطر عدل ثم هنقفل العمل

هنخيط جوانب البلوفر وهنخيط اسفل الكم ونركب الزراير

..................
؛؛؛برواز الجيب:
_هنسلت 12-16-16 (20-20)غرزة من على ماسك الغرز على سنارة الشغل هنشتغل البليسيه مع عمل غرزة طوق من كل جانب ونبدأالسطر وننهيه بغرزتين عدل
_عندما يصل الطول الى2½-2½-3 (3-3)سم هنقفل الشغل هنخيط جوانب الجيب فى الجزء الامامى ونخيط قاع الجيب مع الجزء الامامى من الداخل
_هنعمل نفس الخطوات فى الجزء الامامى الاخر

وبكدا نكون انتهينا من البلوفر
يارب يكون عجبكم واى استفسار انا تحت امركم

الله يعافيكى نورتى الموضوع

يسلملى ذوقك وان شاء الله نعمل اكبر مكتبه لغرز التريكو باذن الله

جزانا واياكى نورتى الموضوع

يسلملى ذوقك ياقمر