الجوانتى متوسط السهولة للمبتدئين الذين لم يجربوا بعد عمل ضفائر التريكو كما يمكنك الإنتهاء من عمل هذا الجوانتى خلال يومين على الأكثر هذا الجوانتى جميل وعملى لتدفئتك خلال شغل التريكو وأيضا أثناء العمل على الكومبيوتر
عنوان المشاركة: Re: باترون جوانتى تريكو بدون أصابع مترجم للعربى
مرسل: الأربعاء ديسمبر 18, 2013 9:08 pm
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
خطوات العمل
(الجوانتى الشمال)
_ هنبدأ بعمل 45 غرزة موزعين على الابر بحيث يكون كل إبرة عليها 15 غرزة _ هنبدأ الشغل الدائرى وهنضع علامة فى أخر السطر علشان نعرف السطر ينتهى إمتى _ هنشتغل 4 سطور بليسيه كالتالى (4ع,1م)وهنكرر مابين الأقواس _السطر الخامس= (هنسلت غرزتين على كابل خلف العمل,2ع وهنشتغل الغرز المسلوته 2ع,1م) هنكرر مابين الأقواس حتى أخر السطر _ هنشتغل 5 سطور بليسيه كالتالى (4ع,1م)وهنكرر مابين الأقواس _ هنشتغل السطر التالى زى السطر الخامس _ هنشتغل 5 سطور بليسيه كالتالى (4ع,1م)وهنكرر مابين الأقواس _ هنشتغل السطر التالى زى السطر الخامس _ هنشتغل 18 سطور بليسيه كالتالى (4ع,1م)وهنكرر مابين الأقواس _ السطر التالى = بإستخدام الخيط المختلف اللون هنشتغل 7 غرز عدل ثم هنرجع السبع غرز دول مرة اخرى على الابرة الشمال وهنشتغلهم عدل تانى بس بخيط الشغل هنكمل باقى السطر بعمل البليسيه(4ع,1م) _ هنشتغل 4 سطور بليسيه كالتالى (4ع,1م)وهنكرر مابين الأقواس _ هنشتغل سطر زى السطر الخامس _ هنشتغل 4 سطور بليسيه كالتالى (4ع,1م)وهنكرر مابين الأقواس
........ التقفيل بإستخدام غرزة البيكو هنقفل الشغل كالتالى هنقفل 5 غرز( هنسلت الغرزة الموجودة على الابرة اليمين ونرجعها الى الابرة الشمال ثم ننشأ غرزة بإستخدام طريقة الضفيرة ثم هنقفل 6 غرز)هنكرر مابين الأقواس حتى ننتهى من قفل كل الغرز هنقطع الخيط وندخله فى اخر غرزة ونشده كويس وبإستخدام إبرة الإيتامين هندخل طرف الخيط فى السطر المقفول لإخفائه داخل الشغل
.........
عمل إصبع الإبهام
_ بحرص هنزيل الخيط المختلف اللون ونضع الغرز اللى فوق واللى تحت كلا على ابرة مدببة الطرفين _ الأن يوجد على الابرة7 غرز تحت الفتحة و 6 غرز فوق الفتحة _بإستخدام خيط الشغل هنشتغل ال 7 غرز الموجودين تحت الفتحة عدل ثم بإستخدام إبرة تانية هنلقط غرزتين ونشتغلهم عدل فى المسافة بين الغرز اللى تحت والغرز اللى فوق الفتحة ثم هنشتغل اول 3 غرز موجودين على الابرة اللى فوق عدل ثم بإستخدام إبرة تالته هنشتغل ال 3 غرز المتبقين على الابرة اللى فوق عدل ثم هنلقط غرزتين وهنشتغلهم عدل فى المسافة بين الابرة اللى فوق واللى تحت الفتحة _ مجموع الغرز الان = 17 غرزة _ هنشتغل 4 سطور عدل _ هنقفل الشغل
................
الجوانتى اليمين زى الشمال بالظبط فيما عدا سطر الضفيرة هنسلت غرزتين على كابل امام العمل ثم هنشتغل 2ع ثم هنشتغل الغرز المسلوته 2ع
................
تم بحمد الله الإنتهاء من ترجمة وشرح الجوانتى وتحت أمركم فى أى إستفسار
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
