65 موديل للجوانتى التريكو المطرز بالباترون والشرح بالعربى

بسم الله الرحمن الرحيم

جوانتى / معصم / جوانتى بدون أصابع مطرز بالخيط أو بشرائط الساتان وبحواف من الكروشيه مع الشرح بالعربى وبالإضافه إلى فيديوهات







المقاس النهائى للجوانتى = 20 سم عرض × 22 سم طول

المواد المستخدمة :

_ 100 جرام من الخيط لعمل الجوانتى

_ إبر تريكو مدببة الطرفين مقاس 3.5 مللى

_ إبرة كروشيه مقاس 3 مللى

_ خيوط كوتونبرليه او DMC للتطريز ( الألوان على حسب الذوق )

.........

قياس الوحدة = 10 × 10 سم = 22 غرزة × 30 سطر

.........

خطوات عمل الجوانتى :


_ الجوانتى مشغول دائرى على الإبر مدببة الطرفين

_ هنبدأ بعمل 40 غرزة وهنوزع الغرز على 4 ابر مدببة الطرفين ونضع علامه فى اخر السطر وهنبدا الشغل دائرى بالإبرة الخامسه

_ هنشتغل البليسيه ( 3ع,1م ) وهنكرر مابين الأقواس حتى أخر السطر وهنستمر بشغل البليسيه لمده 6 سطور

_ ثم هنبدأ نشتغل بداية من السطر التالى ( وجه العمل ) غرزة الجيرسيه

(** ملاحظة ** غرزة الجيرسيه فى الشغل الدائرى = عدل فى كل السطور )

_ هنستمر بشغل غرزة الجيرسية لمدة 20 سطر وفى نفس الوقت فى السطر 20 هنضع علامتين للإصبع كالتالى :

لليد اليسرى

_ 35ع ,هنضع علامتين للاصبع,5ع

لليد اليمنى

_ 5ع ,هنضع علامتين للاصبع,35ع

** وهنستمر كالتالى لعمل الاصبع

السطر الأول:
_ هنستمر بشغل غرزة الجيرسيه حتى نصل الى علامتى الاصبع,هنشيل علامه, هننشأ غرزة كالتالى( هنضع طرف الابرة الشمال من الخلف الى الامام فى الغرزة اسفل اول غرزة على الابرة اليمين بسطرين وهنشتغل الغرزة دى عدل فى اللفه الخلفية) ,ثم هننشأ غرزة اخرى كالتالى( هنضع طرف الابرة اليمين من الامام الى الخلف فى الغرزة اسفل الغرزة التالية على الابرة الشمال وهنشتغل الغرزة دى عدل) ,هنشيل العلامة التانية وهنكمل السطر بغرزة الجيرسيه

السطر الثانى
_ هنشتغل جيرسيه فوق كل الغرز

السطر الثالث
_ هنستمر بشغل غرزة الجيرسيه حتى نصل الى علامتى الاصبع,هنشيل علامه, هننشأ غرزة كالتالى( هنضع طرف الابرة الشمال من الخلف الى الامام فى الغرزة اسفل اول غرزة على الابرة اليمين بسطرين وهنشتغل الغرزة دى عدل فى اللفه الخلفية) ,هنشتغل جيرسيه حتى العلامة الثانية,ثم هننشأ غرزة اخرى كالتالى( هنضع طرف الابرة اليمين من الامام الى الخلف فى الغرزة اسفل الغرزة التالية على الابرة الشمال وهنشتغل الغرزة دى عدل) ,هنشيل العلامة التانية وهنكمل السطر بغرزة الجيرسيه

السطر الرابع
_ هنشتغل جيرسيه فوق كل الغرز

* هنكرر السطور 3 و 4 خمس مرات ( هيتكون عندنا 14 غرزة بين علامتى الاصبع )


* هنشتغل السطر التالى جيرسيه حتى نصل الى اول علامة للاصبع , هنشيل العلامة,هنضع 14 غرزة التاليين على ماسك غرز جانبا ,هننشأ غرزتين ونضع علامة بين الغرزتين دول , هنشيل علامة الاصبع الثانية ونكمل السطر جيرسيه

* السطر التالى هنشتغل جيرسيه حتى قبل العلامة بغرزتين ,هنسلت غرزة ثم هنشتغل 1ع ثم هنمرر المسلوته فوق العدلة , هنشيل العلامة ,2ع معا, هنكمل السطر حتى النهاية جيرسيه

* هنشتغل 8 سطور اخرى جيرسيه وهنقفل الشغل


الاصبع

هنرجع لل 14 غرزة المركونين على ماسك الغرز وهنرجعهم للابر تانى وهنربط خيط الشغل مرة أخرى ونلقط غرزتين فوق الغرزتين المنشأتين
اصبح عندنا 16 غزة هنشتغلهم جيرسيه لمده سطرين ثم هنقفل الشغل

وهنا فيديو يوضح طريقة شغل جوانتى بدون أصابع مقرب بنفس الفكرة

https://www.youtube.com/watch?v=oUsEivTyCnA
............

*حافة الجوانتى الكروشيه*

بإستخدام إبرة الكروشيه مقاس 3.5 هنشتغل الحافة التالية فوق حافة الجوانتى (هنعتبر الغرز الموجودة فى حافة الجوانتى هيا سطر السلاسل لحافة الكروشية وهنبدأ مباشرة بشغل سطر الحشو )



وهنا فيديو يوضح طريقة شغل حافة مقربة لنفس الحافة فى الجوانتى

https://www.youtube.com/watch?v=iVs_YpR1FQo

بينما نقوم بعمل غرزة البيكو فقط حول حافة الإصبع

ويمكنك عمل اى حافه تفضليها ولقد جمعت لكم بعض الحواف المختلفة التى يمكن تطبيقها فى هذا الجوانتى







..........

*التطريز*

_ هناك أشكال كثيرة للتطريز بالخيوط وفى هذا الجوانتى إستخدم غرزة تسمى الروكوكو Rococo مع بعض غرز التطريز بالخيوط التقليدية لعمل هذا البوكيه الجميل من الورد والنحل

ولقد جمعت لكم بعض الفيديوهات التى توضح طريقة شغل هذا النوع من التطريز (وللمزيد يمكنكم البحث فى يوتيوب بإسم Coil or Bullion Stitch )

https://www.youtube.com/watch?v=p0Dvzw98ALs

https://www.youtube.com/watch?v=KM3PELYjG-k

https://www.youtube.com/watch?v=s9FHjbaS7mM

https://www.youtube.com/watch?v=Q044F29XwiQ

وسأستعرض معكم فى ما يلى موديلات الجوانتى المختلفه (65 موديل ) لإقتباس الأفكار والرسومات المختلفه للتطريز ففكرة عمل الجوانتى فى كل الموديلات واحده والإختلاف فقط فى اللون ورسمة التطريز ونوع التطريز ( فهناك تطريز بالخيط وهناك تطريز بشرائط الساتان ويمكنك أيضا التطريز بالخرز والكريستالات فالإبداع ليس له حدود )

وهنا مجموعه مطرزة بشرائط الساتان

ونرجع تانى للتطريز بالخيوط

تسلمى ياقمر
نورتى الموضوع