جاكت وشراب وبطانية تريكو للبيبى بضفاير مع الشرح والباترون

جاكت تريكو اطفال - شراب اطفال تريكو - بطانية اطفال تريكو - باترون جاكت اطفال تريكو - باترون شرابات تريكو - باترون بطاطين تريكو - باترونات تريكو مجانيه - تريكو - غرز تريكو - اساسيات تريكو - مجلات تريكو - تريكو مواليد - تريكو اطفال - شروحات تريكو

بسم الله الرحمن الرحيم

إزيكوا يا أحى لهلوبات

موضوع النهارده جميل وهو عباره عن جاكت وشراب وبطانيه لطفلك الصغير

تعالوا نشوف الصور الأول وبعد كدا نبدأ الشرح بالتفصيل

ده الجاكت والشراب




ودى البطانيه



ودلوقتى نبدأ بالشرح

المقاس بالسن:1/3_6/9_12_18 شهر(2_3/4) سنه
محيط الصدر:48_54_60(70_76) سم
طول الجاكت:28_30_34(38_41) سم
طول الشراب:10_11_12(14_16)سم
مقاسات البطانية:حوالى 56×92 سم
الصوف المطلوب:
للجاكت/ 250_300_300(350_400) جرام
وايضا سنحتاج الى زراير خشبية 5_5_5(6_6) حسب المقاس
للشراب/ 50_50_50(100_100) جرام
للبطانية/450 جرام

الإبر المطلوبة:
للجاكت/إبر مدببة مقاس 4.5 مللى
للشراب/إبر مدببة الطرفين مقاس 3 مللى
للبطانية/إبر مدببة مقاس 5 مللى وإبرة كروشيه مقاس 5 مللى

...........................................................................................

ودلوقتى نبدأ بشرح كل جزء لوحده

الجاكت:
(((ملاحظات قبل عمل الجاكت)))
(ملاحظة 1)
غرزة الحبة =
السطر الأول:*غرزة عدل,غرزة مقلوبه* ونكرر مابين الأقواس
السطر الثانى:هنشتغل العدل فوق المقلوب والمقلوب فوق العدل
ونستمر فى الشغل بتكرار السطر التانى


(ملاحظة2)
الباترون:
ننظر الرسم التالى



=غرزة عدلة
=غرزة مقلوبة
=إسلتى 3 غرز على كابل أمام العمل,3ع,إشتغلى ال3 غرز المسلوته عدل
=إسلتى 3غرز على كابل أمام العمل,غرزة مقلوبه,إشتغلى ال3 غرز المسلوته عدل
=إسلتى غرزة على كابل خلف العمل,3ع,إشتغلى الغرزة المسلوته مقلوب
=إسلتى 3 غرز على كابل خلف العمل,3ع,إشتغلى الغرز المسلوته عدل
=إسلتى غرزتين على كابل أمام العمل,2ع,إشتغلى الغرزتين المسلوتين عدل
=العقدة هنشتغلها كالتالى هنشتغل 5 غرز من غرزة واحده كالتالى/1ع,لفه,1ع,لفه,عدل. ثم هنشتغل 4 سطور غرزة القماشه فوق ال5 غرز دول . والأن هنقفل الغرزة التانية فوق الاولى والتالته فوق الاولى والرابعه فوق الاولى والخامسه فوق الاولى فى النهايه هيتبقا عندنا غرزة واحده



(ملاحظة3)
فتحات الزراير
هنعمل فتحات الزراير على البرواز الامامى اليمين بشغل الغرزة التانيه والتالته من ناحية الحافه معا وعمل لفه

هنعمل فتحات الزراير عندما يصل الطول الى:
مقاس 1/3 شهور:3/8/13/18/23 سم
مقاس6/9شهور:5/10/15/20/25 سم
مقاس12/18 شهر:5/11/17/23/29 سم
مقاس 2سنة:5/11/16/21/27/32 سم
مقاس 3/4 سنة:5/11/17/23/29/35 سم
.........................................................................................................
نبدأ الان بشرح **الجزء الخلفى أو ظهر الجاكت**
_هنبدأ الشغل بعمل 72_80_84(96_104)غرزة بما فيهم غرزة حافه من كل جانب
_هنستمر بعمل البليسيه كالتالى؛غرزة حافه(2ع,2م)وننهى السطر ب2ع وغرزة حافه
_عندما يصل الطول الى 4 سم هنشتغل سطر عدل وفى نفس الوقت هنقص 6_8_6(8_10)غرز بالتساوى على مدار السطر
سيصبح عدد الغرز بعد التنقيصات=66_72_78(88_94)غرزة.
_هنشتغل كمان سطر عدل من الناحية المقلوبه.
_هنستمر كالتالى؛غرزة حافه,4_7_8(11_11)غرزة الحبة,2م,(إم1),4_4_6(8_11)م,(إم3),2م,(إم3),4_4_6(8_11)م,(إم2),2م,4_7_8(11_11)غرزة الحبه,غرزة حافه.
_عندما يصل الطول إلى 17_18_21(24_26)سم هنقفل عشان حردة الباط من كل جانب من بداية كل سطر كالتالى؛
3غرز/مرة واحده
2غرزة/صفر_1_2(3_3) مره
1غرزة/2_3_2(3_3)مره
سيصبح عدد الغرز بعد التنقيصات=56_56_60(66_72)غرزة
_عندما يصل الطول إلى 26_28_32(36_39)سم هنختصر ال6 غرز بتوع (إم3)بشغل كل غرزتين معا
سيصبح عدد الغرز بعد الاختصار=50_50_54(60_66)غرزة.
_فى السطر التالى هنقفل ال 12_12_16(20_22)غرزة اللى فى المنتصف عشان حردة الرقبه ونكمل كل جانب لوحده.
_فى السطر التالى هنقفل غرزة من ناحية الرقبه
سيصبح عدد الغرز=18_18_18(19_21)غرزة متبقية لكل كتف.
_عندما يصل الطول إلى 28_30_34(38_41)سم هنقص 6 غرز بالتساوى على مدار السطر
سيصبح عدد الغرز=12_12_12(13_15)غرزة متبقين للكتف
_فى السطر التالى هنقفل الشغل وبكدا يبقا خلصنا ظهر الجاكت.


**الجزء الأمامى اليمين**
_هنبدأ الشغل بعمل 42_46_50(54_58)غرزة بما فيهم غرزة حافه من الجانب و5 غرز للبرواز الأمامى .
_هنستمر بعمل البليسيه كالتالى؛5غرزة الطوق(2ع,2م) هنكرر مابين الأقواس وننهى السطر بغرزة حافة.
نتذكر فتحات الزراير كما فى الملاحظات فى اول الموضوع
_عندما يصل الطول إلى 4سم هنشتغل سطر عدل وفى نفس الوقت هنقص 4_5_6(5_6)غرز بالتساوى على مدار السطر مع عدم التنقيص فى ال5 غرز بتوع البرواز الأمامى.
_سيصبح عدد الغرز بعد التنقيصات=38_41_44(49_52)غرزة
_هنشتغل كمان سطر عدل من الناحية المقلوبه
_هنستمر فى الشغل كالتالى؛5غرزة الطوق,1م,(إم3),4_4_6(_11)م,(إم1),2م,4_7_8(11_11)غرزة الحبه,غرزة حافه.
_عندما يصل الطول إلى 17_18_21(24_26)سم هنقفل عشان حردة الباط من الجانب كما مشروح فى الظهر سيصبح عدد الغرز بعد التنقيصات=33_33_35(38_41)غرزة
_عندما يصل الطول إلى 24_26_30(33_36)سم هنختصر ال6 غرز بتوع(إم3)بشغل كل غرزتين معا سيصبح عدد الغرز=30_30_32(35_38)غرزة.
_هنسلت ال 8_8_10(12_13) غرزة ناحية الرقبه على ماسك الغرز.
_هنقفل عشان حردة الرقبه من بداية كل سطر ناحية الرقبه كالتالى ؛2غرزة مرة واحده ثم غرزة واحدة مرتين
عدد الغرز سيصبح18_18_18(19_21)غرزة متبقين للكتف.
_عندما يصل الطول إلى 28_30_34(3_41)سم هنقص 6 غرز بالتساوى على مدار السطر
سيصبح عدد الغرز=12_12_12(13_15)غرزة متبقيين للكتف
_فى السطر التالى هنقفل الشغل.

**الجزء الأمامى الشمال**
هنبدأ الشغل ونشتغل كما فى الجزء الامامى اليمين ولكن معكوس بمعنى اننا هنشتغل السطر الاول كما يلى؛ غرزة حافة(2م,2ع)هنكرر مابين الاقواس وننهى السطر ب 5 غرزة الطوق
_وعندما نبدأ فى شغل الباترون هنشتغل كالتالى؛غرزة حافه,4_7_8(11_11) غرزة الحبة,2م,(إم2),4_4_6(8_11)م,(إم3),1م,5غرزة الطوق
_ملاحظة اننا مش هنعمل فتحات الزراير فى الجزء الامامى الشمال.

**الأكمام**
_هنبدأ ب 46_46_46(50_50)غرزة بما فيهم غرزة حافه من كل جانب.
_هنشتغل 4سم بيليسيه كالتالى ؛غرزة حافه(2ع,2م)هنكرر مابين الأقواس وننهى السطر بغرزة حافه.
_هنشتغل سطر عدل وفى نفس الوقت هنقص 10_8_8(10_10)غرز بالتساوى سيصبح عدد الغرز=36_38_38(40_40)غرزة.
_هنشتغل سطر عدل من الناحية المقلوبه
_هنستمر فى الشغل كالتالى؛غرزة حافه,12_13_13(14_14)غرزة الحبه,2م,(إم3),2م,12_13_13(14_14)غرزة الحبه,غرزة حافه.
_عندما يصل الطول إلى 7سم هنزود غرزة من كل جانب وهنستمر فى التزويد من كل جانب كل 4 سطور 6_7_9(10_12)مره
سيصبح عدد الغرز=4_52_56(60_64)غرزة وهنشتغل الغرز الجديده بغرزة الحبه
_عندما يصل الطول إلى 17_18_21(24_28)سم هنقفل عشان دوران الكم من كل جانب من بداية كل سطر كالتالى؛
4 غرز/مرة واحدة
2 غرزة حتى يصل الطول إلى 21_23_26(30_34)سم
الأن سنقفل 3 غرز من كل جانب مرة واحدة وفى نفس الوقت فى السطر الاخير سنختصر ال6 غرز بتوع (إ/3) بشغل كل غرزتين معا
_فى السطر التالى هنقفل الشغل
_الشغل سيصبح طوله تقريبا=22_24_27(31_35)سم


**الكابتشو أو الزعبوط**
_هنلقط حوالى 46_68 غرزة حول الرقبه بما فيهم الغرز المسلوته على ماسك الغرز
_هنشتغل سطين عدل
_فى نفس الوقت فى السطر التانى هنزود بالتساوى على مدار السطر حتى يصبح عدد الغرز 68_72_76(80_84)غرزة
_هنستمر فى عمل غرزة القماشة مع عمل 5غرزة الطوق من كل جانب
_عندما يصل الطول الى 21_23_25(27_28)سم هنقفل الشغل
_هنتنى طرفى الكابتشو ونخيطه

.................................................
فى النهايه هنخيط جوانب الاكمام وجوانب البلوفر ونخيط الزراير فى مكانها وبكدا يبقا خلصنا البلوفر

دورة تعلم الكروشيه من البداية وحتى الإحتراف

حبيبتى لهلوبة
ما شاء الله الطقم شيك أوى
فى انتظاربقية الشرح يا قمراية

دورة تعلم الكروشيه من البداية وحتى الإحتراف

دورة تعلم الكروشيه من البداية وحتى الإحتراف

دورة تعلم الكروشيه من البداية وحتى الإحتراف

دورة تعلم الكروشيه من البداية وحتى الإحتراف