كوفية تريكو للشباب بغرزة الطوق بسيطة والشرح بالعربى

بسم الله الرحمن الرحيم

كوفية تريكو للشباب بغرزة الطوق بسيطة والشرح بالعربى

ده شكل الكوفية



(مقاس الكوفية)
العرض=22 سم
الطول=150 سم

........

(المواد المستخدمة)

50 جرام من اللون الجنجاه(أبيض×أسود×رمادى)
50 جرام من اللون الأسود
50 جرام من الرمادى

وسنحتاج أيضا إبر مدببة مقاس 5 مللى وتكون طويلة عشان تستوعب عدد الغرز

........

(قياس الوحدة)
19 غرزة×38 سطر=10×10سم

........

(باترون الألوان)

(4سطور جنجاه ثم 3 سطور رمادى ثم 3 سطور أسود ثم 6 سطور جنجاه ثم 3 سطور أسود ثم 5 سطور رمادى ثم 8 سطور جنجاه ثم 3 سطور رمادى ثم 5 سطور أسود) ثم هنكرر مابين الأقواس حتى أخر الشغل

شرح خطوات العمل

_الكوفية مشغولة بالعرض

_ هنبدا بعمل 342 غرزة باللون الجنجاه
_هنشتغل سطر عدل وفى نفس الوقت هنشتغل كل خامس وسادس غرزة 2 عدل معا
_سيصبح عدد الغرز بعد التنقيصات= 285 غرزة
_ وبنعمل خطوة التنقيص دى عشان تبقا البداية مرنة
_هنستمر بعمل غرزة الطوق(كل السطور عدل) حتى يصل الطول إلى 21 سم هنشتغل سطر بنفس لون أخر سطر إشتغلناه وفى نفس الوقت هنزود غرزة فى كل خامس غرزة
_ سيصبح عدد الغرز بعد التزويدات= 342 غرزة
_وبنعمل خطوة التزويد دى عشان تبقا النهاية مرنة
_هنقفل الشغل

..............

وبكدا نكون إنتهينا من ترجمة الكوفية وتحت أمركم فى أى إستفسارات

الشكر لله حبيبتى
تحت أمرك

وعليكم السلام ورحمة الله وبركاته
اه ملاحظتك صحيحة بس فين المشكلة فى كدا؟

لا ياحبيبتى انتى عندك حق وملاحظتك كانت فى محلها
انا اللى كنت غلطانه وعدلت الجرامات هيا 50 جرام من كل لون
وبعتذر ليكى عن السهو ده

أنا راجعت باترون الألوان تانى لاقيته مترجم مظبوط
إن شاء الله يطلع زى الصورة
بالتوفيق