بطانية بيبى بغرزة لاسيه بسيطة بالباترون والشرح بالعربى

بسم الله الرحمن الرحيم

بطانية بيبى بغرزة لاسيه بسيطة بالباترون والشرح بالعربى



ودى الغرزة من قريب



المقاس= حوالى 70×94 سم

.......

المواد المستخدمة
_ 500 جرام من القطن الأوف وايت
_ إبر تريكو دائرية مقاس 4.5مللى وطولها 80 سم

.....
هنشتغل البطانية أمام وخلف العمل وليس دائرى وإستخدام الابر الدائرية هنا فقط عشان عدد الغرز كبير مابتستوعبه الابر المدببه

.....

أولا هشرح الباترون المرسوم بالسطور بالعربى

ده الباترون المرسوم وهو عبارة عن باترونين الاول والثانى



وهنا ترجمة للباترون المرسوم بالسطور

شرح الخطوات
_ هنبدأ بعمل 184 غرزة
_ هنشتغل 3 سطور عدل وفى نفس الوقت فى السطر الأخير هنقص 42 غرزة بالتساوى على مدار السطر
سيصبح عدد الغرز= 142 غرزة
_ ثم هنستمر بالشغل كالتالى
السطر1(وجه العمل)= غرزة حافة,(السطر الاول من الباترون الاول وهنكرره 7 مرات),غرزة حافه
السطر الثانى=غرزة حافة,(السطر الثانى من الباترون الأول وهنكرره 7 مرات),غرزة حافة

هنكرر السطر الاول والثانى 15 مرة اخرى

_ ثم هنستمر بالشغل كالتالى
السطر33(وجه العمل)= غرزة حافة,(السطر الاول من الباترون الثانى وهنكرره 7 مرات),غرزة حافه
السطر 34=غرزة حافة,(السطر الثانى من الباترون الأول وهنكرره 7 مرات),غرزة حافة

هنكرر السطر 33و 34 15 مرة اخرى

_ هنستمر بتبديل 32 سطر من الباترون الاول ثم 32 سطر من الباترون الثانى حتى نكون قد اكملنا 5 تبادلات بين الباترونين
بمعنى نكون قد وصلنا الى السطر 320

_ هننهى العمل بشغل 36 سطر من الباترون الاول
_ ثم هنشتغل سطر عدل وفى نفس الوقت هنزود 42 غرزة بالتساوى على مدار السطر
سيصبح عدد الغرز= 184 غرزة

_ ثم هنشتغل سطرين عدل ونقفل الشغل

...........
وبكدا نكون إنتهينا من الترجمة وتحت امركم فى اى استفسارات

ياجميل انا وضحت اننا هنشتغل امام وخلف العمل مش هنشتغل دائرى واستخدام الابر الدائرية هنا بسبب عدد الغرز الكبير واللى مش هتستوعبه الغرز المدببه

ولا يهمك ياجميل

مش هتفرق فى اى حاجه كل الفكرة ان القطن بيبقا مفضل للأطفال

هتشتغلى سطرين والسطر الثالث هتنقصى فيه

أيوه صح كدا

كان فيه غلطه هنا ليا وانا عدلتها فى الموضوع الاصلى بدل السطر 37 هو 33
بصى ياقمر انتى هتشتغلى اول 3 سطور وبعد كدا تبداى تحسبى السطور
هتشتغلى السطر 1 و 2 وتكرريهم 15 مرة اخرى(يعنى كلهم يبقوا 16 مرة ) يعنى 32 سطر
ثم هتشتغلى السطر33 و 34 وتكرريهم 15 مرة اخرى(يعنى كلهم يبقوا 16 مرة ) يعنى 32 سطر

التبديل صح كدا بس 320 سطر من غير اول 3سطور

غرزة التنقيص إعملى 2ع معا وغرزة التزويد إشتغلى غرزة من السطر السابق (Make one) اما غرزة الحافه عدل فى كل السطور

لا ياقمر
السطر الأول= *هتشتغلى 10 مقلوب ثم (لفة ,2ع معا) هتكررى مابين الاقواس 4 مرات أخرى*
لاحظى ان كلمه اخرى تعنى 4 مرات غير المرة الاولى بمعنى هتشتغلى مابين الاقواس 5 مرات
ثم هتكررى مابين النجمتين حتى اخر السطر

بعتذر عن الخطأ عزيزتى عدلت الشرح