تونيك تريكو بكسرات على الوسط بالباترون والشرح بالعربى

السلام عليكم ورحمة الله تعالى وبركاته

تونيك تريكو بكسرات على الوسط بالباترون والشرح بالعربى

ده شكل التونيك



هنا شكل مقرب لبرواز الزراير الأمامى



وفى الرسم التالى الشكل التخطيطى للتونيك يوضح قياسات أجزاء التونيك بالسنتيميتر



.........
وهنا أحد تطبيقات الأعضاء ولكن بدون برواز الزراير الأمامى

المقاسات= xxxl _ xxl _ xl _ l _ m _ s

.........

المواد المطلوبة

_ 650_700_800_850_950_1050 جرام من الصوف
_ إبر تريكو مدببة الطرفين مقاس 5 مللى
_ إبر تريكو مدببة الطرفين مقاس 4.5 مللى
_ إبر تريكو دائرية طولها 80 سم ومقاس 5 مللى
_ إبر تريكو دائرية طولها 80 سم ومقاس 4 مللى
_ إبر تريكو دائرية طولها 40 سم ومقاس 4.5 مللى
_ إبرة كروشيه مقاس 3مللى
_ 3زراير قطرهم حوالى 2_3 سم

..............

قبل البدء فى خطوات العمل سأشرح الباترونات المستخدمة فى التونيك بالسطور وباللغة العربية

هنا الباترون الأول



وشرح الباترون الاول

السطر الأول = إسلتى 5 غرز على كابل أمام العمل,(هنشتغل أول غرزة من على الكابل مع أول غرزة من على الإبرة الشمال 2ع معا)هنشتغل مابين الأقواس 5 مرات,1ع

الباترون الثانى



وشرح الباترون الثانى

السطر الأول = 1ع,إسلتى 5 غرز على كابل خلف العمل,(هنشتغل أول غرزة من على الكابل مع أول غرزة من على الإبرة الشمال 2ع معا)هنشتغل مابين الأقواس 5 مرات

...............
خطوات العمل

_ التونيك مشغول دائرى
_ هنبدأ بعمل 174_210_222_258_302_322 غرزة على الإبر الدائرية مقاس 5 مللى
_ هنشتغل 4 سطور غرزة الطوق(ملاحظة غرزة الطوق فى الشغل الدائرى عبارة عن سطر عدل ثم سطر مقلوب)
_ هنستمر بعمل غرزة الجرسيه(ملاحظة غرزة الجرسيه فى الشغل الدائرى عبارة عن كل السطور عدل)
_ عندما يصل الطول إلى 47_48_49_50_51_52 سم هنشتغل السطر التالى كما يلى:

8_6_9_7_7_12 ع , (ثم هنشتغل السطر الأول للباترون الأول وهنكرره ككل 3_4_4_5_6_6 مرات) ,5ع, (ثم هنشتغل السطر الأول للباترون الثانى وهنكرره ككل 3_4_4_5_6_6 مرات) , 16_12_18_14_14_24ع , (ثم هنشتغل السطر الأول للباترون الأول وهنكرره ككل 3_4_4_5_6_6 مرات) , 5ع, (ثم هنشتغل السطر الأول للباترون الثانى وهنكرره ككل 3_4_4_5_6_6 مرات) , 8_6_9_7_7_12 ع

_ بعد هذا السطر سيصبح عدد الغرز= 114_ 130_142_158_182_202 غرزة

_ هنضع علامتين الأولى فى أول السطر وهنضع العلامة الثانية بعد 57_65_71_79_91_101 غرزة

_ هنبدل إلى الإبر مقاس 4مللى وهنشتغل 10 سطور غرزة الطوق ( إفتكرى إن غرزة الطوف فى الشغل الدائرى سطر عدل ثم سطر مقلوب)

_ ثم هنبدل إلى الإبر مقاس 5 مللى وهنستمر بعمل غرزة الجرسيه ( إفتكرى إن غرزة الجرسيه فى الشغل الدائرى فى كل السطور عدل)

_ فى نفس الوقت هنزود غرزة على جانبى كل علامة كل سطرين _ سطرين _ سطرين _ 3سطور _ 3سطور / 7 مرات ككل

_ سيصبح عدد الغرز بعد جميع التزويدات= 142_158_170_186_210_230 غرزة

_ عندما يصل الطول إلى 57_59_61_63_65_67 سم هنقفل 3غرز على جانبى كل علامة ثم هنكمل كل جزء منفصلا عن الأخر

_ الأن سنبدأ بشغل كل جزء منفصل ( مع ملاحظة إن الشغل هيبقا أمام وخلف العمل وليس دائرى)

(الظهر)

_ عبارة عن 65_73_79_87_99_109 غرزة
_ هنقفل لعمل حردة الباط من كل جانب كل سطرين كالتالى
هنقفل غرزتين/0_0_1_2_4_6 مرات
ثم
هنقفل غرزة/1_3_3_4_5_5 مرات

_ سيصبح عدد الغرز بعد التقفيل = 63_67_69_71_73_75 غرزة
_ عندما يصل الطول إلى 75_78_81_84_87_90 سم هنقفل لعمل حردة الرقبة الخلفية بقفل 21_23_23_25_27_27 غرزة فى المنتصف ثم هنكمل كل ناحية منفصلة مع الإستمرار فى التقفيل ناحية الرقبة بقفل غرزة من كل ناحية

_ سيصبح عدد الغرز المتبقية لكل كتف = 20_21_22_22_22_23 غرزة

_ هنقفل الشغل عندما يصل الطول إلى 77_80_83_86_89_92 سم

..............

(الأمام)

_ عبارة عن 65_73_79_87_99_109 غرزة
_ _ هنقفل لعمل حردة الباط من كل جانب كل سطرين كالتالى
هنقفل غرزتين/0_0_1_2_4_6 مرات
ثم
هنقفل غرزة/1_3_3_4_5_5 مرات

_ سيصبح عدد الغرز بعد التقفيل = 63_67_69_71_73_75 غرزة
_ فى نفس الوقت عندما يصل الطول إلى 58_61_62_64_65_68 سم هنشتغل غرزة الجرسيه المعكوسة(فى السطور الامامية مقلوب وفى السطور الخلفية عدل) فوق 9_9_11_11_13_13 غرزة اللى فى المنتصف حتى نهاية الشغل وذلك لعمل برواز الزراير الأمامى

_ عندما يصل الطول إلى 71_74_77_79_82_85 سم هنسلت 9_11_11_13_15_15 غرزة فى المنتصف على ماسك الغرز
ثم هنقفل لعمل حردة الرقبة الأمامية من كل جانب ناحية الرقبة كل سطرين كالتالى
هنقفل غرزتين/مرتين
غرزة/3مرات

_ سيصبح عدد الغرز المتبقية لكل كتف= 20_21_22_22_22_23 غرزة

_ هنقفل الشغل عندما يصل الطول إلى 77_80_83_86_89_92 سم

(الأكمام)

_ مشغولة دائرى
_ هنبدا بعمل 42_42_48_48_54_54 غرزة على الإبر مدببة الطرفين مقاس 4.5مللى
_ هنشتغل البليسيه(3ع,3م)
_ هنستمر بعمل البليسيه حتى يصل الطول إلى 12سم ثم هنشتغل سطرين غرزة الطوق وفى نفس الوقت فى السطر الثانى من غرزة الطوق هنقص 4_2_6_4_8_6 غرز بالتساوى على مدار السطر
_ سيصبح عدد الغرز = 38_40_42_44_46_48 غرزة
_ هنبدل إلى الإبر مدببة الطرفين مقاس 5مللى ثم هنستمر بعمل غرزة الجرسيه
_ فى نفس الوقت عندما يصل الطول إلى 13سم هنزود غرزتين فى المنتصف الخلفى للكم كل 3_3_2.5_2.5_2_2 سم /12_12_13_14_15_16 مرة
_ سيصبح عدد الغرز بعد جميع التزويدات= 62_64_68_72_76_80 غرزة
_ عندما يصل الطول إلى 49_48_48_47_47_45 سم هنقفل 6غرز فى المنتصف الخلفى للكم ثم هنكمل الكم بالشغل أمام وخلف العمل وليس دائرى
_ هنقفل لعمل قبة الكم من كل جانب كل سطرين كالتالى
غرزتين/3مرات
غرزة/0_1_2_3_4_5 مرة
ثم هنستمر بقفل غرزتين من كل جانب حتى يصل الطول إلى 55_55_56_56_57_57 سم
ثم هنقفل 3غرز مرة واحدة من كل جانب
ثم هنقفل باقى الغرز المتبقية

_ هنشتغل الكم الأخر بنفس الطريقة

(التقفيل)
_ هنقفل الأكتاف
_ هنخيط الأكمام فى فتحة الكم
_ هنلقط حوالى 72_84 غرزة بما فيهم الغرز المسلوته على ماسك الغرز على دوران الرقبة على الإبر الدائرية مقاس 4.5 مللى
ثم هنشتغل 4سطور غرزة الطوق
ثم هنشتغل البليسيه(3ع,3م) حتى يصل طول الرقبة إلى 14_14_15_15_16_16 سم
ثم هنقفل الشغل

...........

(غطاء الزراير)

_هنشتغل 3 أغطية للزراير
_ بإستخدام إبرة الكروشيه مقاس 3مللى وبواقى الصوف اللى عندك ممكن تعملى تداخلات للألوان أو حسب ذوقك
_ هنبدا بعمل 2 سلسلة ثم هنعمل 7 عمود فى 2 سلسلة ثم هنقفل السطر بغرزة منزلقة فى أول عمود
السطر الثانى= سلسلة,غرزتين عمود فى كل غرزة عمود من السطر السابق ثم هنقفل السطر بغرزة منزلقة فى أول عمود(عدد الغرز أصبح=14 عمود)
السطر الثالث= سلسلة(غرزة عمود فى أول عمود, غرزتين عمود فى العمود التالى) هنكرر مابين الأقواس حتى أخر السطر (عدد الغرز=21 عمود)
السطر الرابع=(غرزة عمود فى كل من أول عمودين,غرزتين عمود فى العمود الثالث)هنكرر مابين الأقواس حتى أخر السطر (عدد الغرز=28 عمود)
السطر الخامس وحتى الثامن = هنشتغل غرزة عمود فى كل غرزة عمود من السطر السابق(عدد الغرز=28 عمود)
السطر التاسع والعاشر= هنشتغل 2 عمود معا حتى اخر السطر (عدد الغرز=7عمود)
هندخل الزرار فى الغطاء الكروشيه ثم هنقفل الفتحة بسحب الخيط داخل 7 غرز المتبقيين

_ فى النهاية هنخيط الثلاثة زراير فى موقعها على البرواز الأمامى للزراير كما موضح فى الموديل

..............

إنتهيت بحمد الله من ترجمة الموديل
أتمنى لكم المتعة والفائدة وأى إستفسار أنا تحت أمركم

تسلمى حبيبتى
نورتى الموضوع

بإذن الله
وتحت امرك فى اى استفسار