المناقيش من مطبخى مروى الشافعى بالجبنة و الزعتر الناشف الطريقة بالتفصيل و الصور
المقادير .. عجينة المناقيش. ... 2 و نص كوب دقيق .. معلقة صغيرة من الخميرة الفورية. . معلقة صغيرة من السكر ... 2 معلقة كبيرة زيت زيتون ... لو معندكيش استخدمى اى زيت ... بس طبعا بزيت الزيتون أحلى كتيييييير و بيفرق فى الطعم جدااااا رشة ملح ... تقريبا كباية من المية الدافية ممكن تزيد شوية أو تقل شوية حسب نوع الدقيق. .. انا بستخدم دقيق اسمة خمس نجوم لجميع الاستخدامات حلو جدا و بس خلاص
أول حاجة رشة ملح و قلبى الدقيق ..
حطى الخميرة و اتأكدى من تاريخ الإنتاج و الانتهاء علشان الخميرة تكون حلوة و العجينة متبظش. ..و حطى السكر كمان ..
عنوان المشاركة: Re: المناقيش من مطبخى مروى الشافعى بالجبنة و الزعتر الناشف الطريقة بالتفصيل و الصور
مرسل: الأربعاء يناير 25, 2017 6:27 pm
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
رشى شوية دقيق على الرخامة و نزلى العجينة و لميها و اعجنيها شوية حلوين بأيدك يعنى تقريبا خمس دقايق ... اهريها عجن لغاية متكون متجانسة و طرية
غطيها بكلينج فيلم و سبيها ترتاح من ساعة لساعة و نص علشان تتخمر و يتضاعف حجمها. ..
بعد ما اتخمرت و بقلظت
رشى دقيق على الرخامة و نزلى العجينة براحة من غير ما تعجنى فيها علشان منخرجش الهوا الجواها ... و قطعيها بالسكينة أجزاء صغيرة و كل جزء من العجينة بططية بصوبعك و اعملى شكل دايرة صغير و افرديها و رفعيها و تكون ايدك فيها زيت الزيتون. ..
هاتى صينية فرن و ادهنيها زيت زيتون و رصى دواير العجين .. لو بتحبى المناقيش رفيعة يبقى رققى سمك العجين
هنحضر بقى حشو الزعتر .... و دة بيكون زعتر ناشف تقريبا 4 معالق كبار ....
و عليهم معلقة كبيرة سمسم ....
و معلقة كبيرة سماق. ...لو معندكيش سماق خلاص متقلقيش مفيش مشكلة ... بلاها سماق
و عليهم بقى معلقتين كبار من زيت الزيتون أو يمكن اكتر شوية ...
و قلبيهم كويس بصوبعك عوزين معجون حلو و الزيت باين فية كويس ....
عنوان المشاركة: Re: المناقيش من مطبخى مروى الشافعى بالجبنة و الزعتر الناشف الطريقة بالتفصيل و الصور
مرسل: الأربعاء يناير 25, 2017 6:33 pm
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
افردى بقى حشو الزعتر على العجين و دوسى كويس علشان يمسك فى العجينة. ..
و اعملى حشو الجبنة بقى ... هيكون جبنة فيتا. . أو أى جبنة تانية زى جبنة عكاوى أو حلوم أو شيدر برحتك ....
حطى الجبنة على العجين و اضغطى كويس ...
و آخر حاجة جبنة موتزاريلا من فوق على فكرة انتى ممكن تغيرى و تألفى فى الحشو بتاع المناقيش و تحطى اى حاجة برحتك ... زى لحمة مفرومة أو زيتون شرايح قلفى بقى و حطى العندك فى التلاجة ....
كدة عملنا مناقيش الزعتر و مناقيش الجبنة دخليهم بقى فرن سخن على درجة 180 تقريبا من 12 الر 13 دقيقة لما تلاقى الجبنة ساحت و من تحت العجينة اخدت لون خفيف ...
بعد ما طلعتها من الفرن رشى بقى من فوق بقدونس مثلا
عجينة ناجحة جدااا و غرقانة فى زيت الزيتون مخلى طعمها تحفة و ريحة الزعتر مع السمسم و السماق خطيرة ...
الجبنة الموتزاريلاااااااا
جربوها فى العشاء أو الفطار أو فى الحفلات و تنفع فى المدرسة ... يا رب تعجبكم. .. اعملى أكل بنفسك و بأيدك الحلوين أولادنا يستهلوا نتعب علشنهم شوية فى المطبخ
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
