عجينة التارت او قاعدة التارت بتعتبر جزء مهم جدا عند عمل التارت ومعظمنا بيعتقد ان وظيفتها بس انها تشيل الحشوة ولكن مهم جدا ان يكون طعمها لذيذ لتتناغم مع الحشوة وهناك طرق كتير لعمل عجينة التارت وبتختلف باختلاف الحشو يعنى لو الحشو حادق بتبقا ليها عجينة ودى موضوعنا النهاردة غير لما تكون الحشوة مسكرة ودى بيبقا ليها عجينه وهنشرحها فى موضوع مستقل
العجينة دى بتشبه فى طعمها وملمسها الغريبة عشان كدا سميت shortbread ومعناها غريبة
وهيا عجينة سهلة وسريعة وبتاخد فى تحضيرها حوالى 15 دقيقة وبتاخد فى تبريدها 15دقيقة
ولضمان نجاح التارت فى بعض النصائح المهمه 1/لازم ندهن قالب التارت او الصينية بالزبدة لضمان عدم التصاق التارت فى الصينية واخراجها بسهوله 2/لازم نتاكد ان الزبده بتاعتنا باردة ونقوم بتقطيعها قطع صغيرة لضمان اندماجها كويس مع الدقيق 3/ولان طعم عجينة التارت مستمد اساسا من الزبدة فيستحسن اخيار نوع زبدة جيد 4/هنخلط المكونات الجافة اولا ثم نضيف الزبدة ونضربها فى محضر الطعام حتى تتجانس جيدا ولكن نتوقف قبل ان تصير العجينة على شكل كورة 5/هنضع العجينة فى قالب التارت ونفردها فى جوانب القالب والقاع باستخدام اليد او ظهر ملعقة ثم نخرمها بالشوكة لنضمن عدم انتفاخها اثناء التسوية 6/هناك البعض بيضعوا فوق العجينة كمية من البقوليات قبل تسويتها لضمان عدم انكماشها او انتفاخها وللاستعاضة عن هذه الخطوة يمكن وضع العجينة فى الفريزر لمدة 15دقيقة قبل تسويتها 7/يتم تسوية العجينة لمدة 13 الى 15 دقيقة حتى تصبح ذهبية اللون 8/بعد التسوية يجب عزل عجينة التارت عن الحشوة لضمان بقائها مقرمشة ونقوم بالعزل عن طريق دهنها بمربة المشمش او طبقة من الشيكولاته السايحة بعد تبريدها
.............
تعالوا دلوقتى نشوف المقادير *كوب(130جرام)دقيق *1/8معلقة شاى ملح *1/3كوب(35جرام)سكر بودرة *1/2كوب(113جرام)زبدة باردة غير مملحة مقطعه مكعبات صغيرة
.........
طريقة التحضير
_هندهن قالب التارت ذات القاعدة المتحركةمقاسها20_23 سم بالزبدة
_فى محضر الطعام هنضع الدقيق والسكر والملح ونخلطهم سويا
_هنضيف الزبدة الباردة ونخلطها مع المكونات الجافه حتى تتكون كتل ونتوقف قبل ان تصير عجينة مكورة
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
