طريقة عجينة العيش الفينو بحشو الشيكولاتة من مطبخ مروة الشافعى ناجحة جدااااا و سهلة جداااا علشان المدرسة و الفطار الطريقة بالتفصيل و الصو
Back to school
مقادير عجينة العيش الفينو كباية و نص من اللبن الدافىء. .... 3 معالق صغار من الخميرة ... 3 معالق صغار من السكر .... 3 معالق كبار من الزيت ... معلقة صغيرة ملح .... 3 كبيات من الدقيق .... و بس خلاص
أول حاجة اللبن الدافىء نحط علية السكر و الخميرة ..
و قلبيهم كويس و غطيها و سبيها 10 دقايق علشان الخميرة تتخمر
دة شكل الخميرة بعد ما اتخمرت
حطى عليها الملح و الزيت
قلبيهم كويس .....
انزلى عليهم بالدقيق كباية و قلبى و الكباية التانية و قلبى و الكباية الثالثة و اعجنى بقى ....
اعجنى كويس و لمى العجين .... لو العجينة لقتيها بتلزق اوى زودى دقيق خفيف يعنى معلقة أو اتنين. .. و لو لقيتى العجينة ناشفة زودى شوية لبن دافى معلقة أو اتنين بس علشان تطرى معاكى شوية ....
عنوان المشاركة: Re: طريقة عجينة العيش الفينو بحشو الشيكولاتة من مطبخ مروة الشافعى
مرسل: الأحد فبراير 05, 2017 8:53 pm
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
رشى دقيق على الرخامة و انزلى بالعجينة و اعجنى فيها مش أقل من 6 أو 7 دقايق ....
اتلمت و جاهزة
هاتى طبق و ادهنية زيت خفيف و حطى العجينة و غطيها و سبيها تتخمر من ساعة لساعة و نص ...عوزين حجمها يتضاعف .....
دة نوع الدقيق الأنا استخدمتوا انا اشتريتوا من كارفور .... و دى أنواع الخميرة الفورية البستخدمها بشتريها من محلات مستلزمات الحلويات. ..
بعد ما العجينة خمرت
رشى دقيق و انزلى بالعجينة و اعمليها شكل مستطيل و قطعيها زى الصورة
اعمليها كور .... انتى ممكن تعمليها اى شكل .. يعنى ممكن تعمليها شكل الفينو العادى الطويل أو الفينو الصغير أو الكيزر أو التوست أو الضفيرة أو أى شكل تحبية
دى شيكولاتة مطبخ خام بتتباع فى السوبرماركت. ..ممكن تستبدليها بنوتيلا ... أو تمر أو جبنة أو أى حاجة تحبيها و طبعااا تنفع سادة.
هاتى كورة من العجين و اعملى فاتحة بصوبعك زى الصورة
عنوان المشاركة: Re: طريقة عجينة العيش الفينو بحشو الشيكولاتة من مطبخ مروة الشافعى
مرسل: الأحد فبراير 05, 2017 8:57 pm
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
حطى مكعب الشيكولاتة ...
قفلية كويس اوى
رصيهم فى صينية الخبز أو البيركس و غطيها و سبيها ربع ساعة تانى تتخمر
هنا خلاص اتخمرت
ادهنى وشها بالذبدة. ...و دخليها فرن سخن على 180 درجة تقريبا من 25 الى 30 دقيقة
حضرى سمسم و طبق فية معلقتين كبار من العسل و عليهم معلقة كبيرة مية و قلبيهم
بعد ما فات تقريبا 25 دقيقة او اكتر شوية على العيش طلعية و ادهنية بالمية بالعسل و رشى فوقية السمسم و دخلية الفرن تانى 7 أو 8 دقايق و فى اخر دقيقتين افتحى علية الشواية من فوق علشان ياخد لون خفيف
دة شكلة بعد ما خرج من الفرن دهنتوا زبدة تانى على الوش. ...
عنوان المشاركة: Re: طريقة عجينة العيش الفينو بحشو الشيكولاتة من مطبخ مروة الشافعى
مرسل: الأحد فبراير 05, 2017 8:59 pm
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
و بس خلاص أحلى عيش فينو طرى و سهل جدااا علشان الأولاد و المدرسة و الفطار كمان و فى البيت بأيدك النظيفة و لا فى محسن و لا فى أى حاجة جربوها و قولولى رأيكم أولادنا يستهلوا نتعب علشنهم شوية فى المطبخ
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
