الكاتشب البيتى من مطبخ مروى الشافعى بالصور والخطوات سهلة و لذيذة جدا
الطريقة بقى : 6 حبات من الطماطم حجمهم من وسط لكبير زى الصورة يعنى تقريبا كيلو طماطم ... فنجان خل ... فنجان سكر .... نص معلقة صغيرة من البصل البودر و نص معلقة صغيرة من الثوم البودر. .. ملح و فلفل أسود ... ازازة كاتشب فاضية مغسولة و متنشفة كويس و بس خلاص
أولا اشترى طماطم حلوة و حمرا و طرية علشان بتفرق فى الطعم و اللون. .. و قطعيها كل طمطماية 4 قطع
حطيها فى حلة على نار هادية و عليها فنجال صغير من المية ...
متسبيهاش عينك عليها و قلبى. ..
الطماطم هتتهرى و تستوى كدة زى الصورة و قلبيها علشان متتلسعش منك احنا حطين مية قليلة و كلوا على نار هادية .
عنوان المشاركة: Re: الكاتشب البيتى من مطبخ مروى الشافعى بالصور والخطوات سهلة و لذيذة جدا
مرسل: الأربعاء يناير 25, 2017 6:45 pm
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
خلاص تمام طلعيها فى طبق تهدى بس 10 دقايق. .
حطيها فى الخلاط و اضربيها كويس. .
صفيها فى مصفاة. ..
مش عوزين التفل و القشر و البزر. . كدة تمام .. شايفة لونها جميل جدااا علشان الطماطم اصلا حمرا و مستوية مش هنحتاج نحطلها اى لون نهائى. و بالمناسبة دة كدة معجون الطماطم ممكن تشلية فى علب أو أكياس فى الفريزر علشان الطبخ ..
احنا عوزنها للكاتشب رجعيها فى حلة نظيفة تانى على نار هادية ..
عنوان المشاركة: Re: الكاتشب البيتى من مطبخ مروى الشافعى بالصور والخطوات سهلة و لذيذة جدا
مرسل: الأربعاء يناير 25, 2017 6:51 pm
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
و السكر و قلبى ..
و البصل البودر و الثوم البودر و ملح و فلفل أسود و لو عندك فلفل ابيض يبقى أفضل من الفلفل الأسود و قلبى ..
على نار هادية و سبيها تغلى و غطيها و عينك عليها متسبيهاش. .. هنسبها تغلى و تتقل. على نار هادية .
كل شوية شوفى السمك بتعها لغاية ما توصل للسمك دة و خلى بالك هتمسك اكتر لما تبرد و تسقع كدة خلاص شلتها من على النار ...
حطتها تهدى و تبرد تماما. .. فى المرحلة دى ممكن تدوقيها علشان و هى سخنة طعمها مبيبنش اوى .. بيظهر طعمها لما تهدى و تبرد ... هقولك على حاجة لو حسيتى أنها لسة محتاجة شوية من السكر علشان تقرب من الطعم الحقيقى بتاع الكاتشب ممكن تزودى عليها سكر بودر منخول يعنى معلقة مثلا دة لو احتاجت
حطيها بقى فى ازازة الكاتشب الاصلية علشان نخدع العيال ... لازم تكون نظيفة و ناشفة. ...
تجنن و عجبت الأولاد عندى جدااا و مقلتلهمش أن انا العملاها غير بعد ما اكلوا علشان يقولوا الحقيقة . احنا طبعا عوزين نكون متفقين أننا بنحاول نقرب من الطعم الأصلى على قد ما نقدر .. هما بيحطوا مكسبات طعم و حجات كتير مش عندنا فى البيت ... بس و لا بيهمنا احنا جامدين اوى
لذيذة اوى المشكلة بقى أن الكاتشب البيتى عمرها قصير يعنى آخرها 3 أو 4 أيام فى التلاجة و ممكن تبوظ فطلعى منها على قد.احتياجك و شيلى الباقى فى الفريزر و طلعية وقت ما تحبى علشان متبظش. . و بس خلاص
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
