ناجتس الفراخ اللذيذ فى البيت مع مروة الشافعى بالخطوات
كيلو من الوراك المخلية و لو عوزة صدور فراخ براحتك
معلقة صغيرة بصل بودر و معلقة صغيرة ثوم بودر
1 بطاطس حجم متوسط مسلوقة و مهروسة و عليها معلقة صغيرة من اللبن
معلقتين كبار من البقسماط الناعم.
ملح وفلفل
قطعى الفراخ لو كانت متقطعة كبيرة
حطى كل الحجات الفوق دى مع الفراخ فى الكبة أو المفرمة. .. و لو معندكيش ولا كبة ولا مفرمة يبقى هاتى صدور الفراخ و قطعيها مكعبات و تبليها بالملح و الفلفل و الثوم و البصل البودر
بعد ما ضربناهم و عجناهم هنحطهم فى طبق .... لو حستيها بتلزق معاكى زودى ملعقتين بقسماط
لو عندك قطاعات فى البيت حطى جواها عجينة الفراخ الناجتس عشان تعملى بيها أشكال. ... لو معندكيش مش مهم كوريهم أو اعمليهم صوابع
حطيهم فى التلاجة أو الفريزر 10 دقايق تتماسك بس شوية
هاتى بقى بقسماط ناعم و دقيق و ملح و فلفل و بصل بودر و ثوم بودر و معلقة صغيرة اوى من البابريكا و معلقة صغيرة اوى من الزنجبيل. ... لو معندكيش كل دة ولا يهمك حطى ملح و فلفل و خلاص على الدقيق و البقسماط
بعد ما تقلبيها كلهم فى بعض حطيهم فى كيس بلاستك. عشان يكون أسهل و متبهدليش الدنيا حوليكى
اضربى بيضتين أو تلاتة مع ملح و فلفل
هاتى بقى الناجتس من التلاجة حطيها الأول فى الدقيق و البقسماط
وفى البيض
طلعيها من البيض و حطيها تانى فى الدقيق بالقسماط و بس
خلصناهم رجعيهم التلاجة تانى
سبتها 10 دقايق فى التلاجة و طلعتها بقى عشان يتحمروا
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
