فوتوتشينى بصوص ألفريدو من مطبخ مروة الشافعى بالخطوات المصورة
المقادير مكرونة شرايط عريضة انا استخدمت كيس ونص نص كيلو فراخ صدور او اوراك مخلية ملعقة كبيرة جبنة كبايات بطعم الشيدر او الرومى كباية من الجبنة البارميجان المبشورة ( او جبنة شيدر مبشورة) نص كيلو كريمة طبخ ملعقة صغيرة من البصل والثوم البودر وملح وفلفل
هنقطع الفراخ مكعبات ونحط عليهم التوابل ونقلبهم كويس
طاسة سخنة على النار وفيها 3 ملاعق كبار زبدة ونحط الفراخ تتشوح وتاخد لون وتستوى تماما
بعد ما استوت واتشوحت هنشيلها من الطاسة ونحطها فى طبق على جنب
نفس الطاسة هنحط فيها ملعقة زبدة تانية
ونحط نص كيلو كريمة طبخ
ومعلقة كبيرة من جبنة الكوبايات
وكمان كباية من الجبن البارميجان او الشيدر المبشورة وملح وفلفل ورشة جوزة الطيب وقلبى ووطى النار لغاية ما تبقلل وتتجانس كل المكونات
هنسلق المكرونة
اول ما الصوص يطلع فقاقيع يبقى كده خلاص استوى
حطى الفراخ وقلبيه تقليبه ياخد غلوه واحدة بس وخلاص
اخر حاجه هنحط المكرونه المسلوقة ونقلبهم كلهم فى بعض وكده خلاص خلصت وبالهنا والشفا
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
