هنحضر البشاميل وده عملناه قبل كده بالتفصيل وهتلاقو الخطوات هنا
المكرونة بقا فيه ناس ما بتسلقهاش وده صح برضه خصوصا لو نوع جيد ورفيع ممكن متحتاجيش تسلقيها بس لازم نزود جواها البشاميل ويكون سايل علشان هو اللى هيسويها وكمان بتاخد وقت ف الفرن اطول شويه من اللى بنسلقها على طول انا بقا سلقتها علشان انجز وقت وهيا فى الفرن وتيقى كل حاجه مستوية ويدوب بس تبقلل وتاخد وش وخلاص اسلقيها بقا فى اى حاجه حلة او طاسة غويطة وحطى مع المية ملح ومعلقة زيت وخليكى متابعاها بالتقليب علشان متلزقش فى بعضها
بنطلعها فى مية ساقعه من الثلاجه علشان برضه متلزقش فى بعضها
كده خلاص اتسلقت ودايما خلى سليق اللازانيا اخر خطوة علشان تستعمليها على طول ومتسيبيهاش تلزق ولو اتبقى لازانيا مسلوقة بنحطها عادى فى الثلاجه بس بنعمل فاصل بين كل واحدة والتانية بكيس بلاستيك وممكن نحفظها فى الفريزر لو مش هنعيد استخدامها على طول
نبتدى بقا نرص طبقات اللازانيا
اول حاجه ندهن الصينية بمعلقة زيت ونحط كبشة باشاميل ونرص او طبقة من اللازانيا
وفوقيها حشوة الفراخ بالسبانخ
ورشة جبنة موتزاريلا
هنرص طبقة من شرائح الجبنة الشيدر او اى نوع جبنة متوفرة عندك عادى
ونحط باشاميل
ثم هنكرر الخطوات تانى مكرونه ثم فراخ ثم الجبنة والاخر طبقة من المكرونة
ونحط باقى البشاميل ورشة جبنة موزاريلا وندخلها الفرن يادوب تاخد ربع او تلت ساعة وبعد كدا هنحطها تحت الشواية تاخد وش وبس كده
طبعا دسمة جدا بس فيها كل حاجه بروتين وخضار ونشويات يعنى وجبة متكاملة وتغيير عن المعتاد
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
