فراخ بلدى محشية رز بالخطوات المصورة من مطبخ مروة الشافعى
هنجيب فرخة بلدى ولازم بلدى وزنها تقريبا حوالى كيلو أو كيلو و 100 جرام
هنغسلها كويس جدا من جوه ومن برة بالدقيق والليمون وبصوابعك فتحى مابين الجلد واللحم لغاية الزور وبراحة علشان منقطعش الجلد زى فكرة الحمام المحشى بالظبط
وننقع كوباية من الرز المصرى فى ماية مغلية لمدة نص ساعة
هنصفى الرز من الماية ونحط فوقه بصلاية مقطعة ملح وفلفل وملعقة كبيرة من السمن
هنقلب الخليط السابق كويس وممكن ندوق الخليط لتظبيط الملح
هنحشى الفرخة بالخليط من جوه وكمان مابين اللحم والجلد لغاية الزور ولكن منكبسهاش قوى علشان متفكش مننا فى التسوية
بعد ما نحشيها هنكتف رجليها زى الصورة ومش محتاجين نخيط الزور ولا من تحت لانها اول ماهتنزل الشوربة الجلد بتاعها هيقفل على الرز ومش هيطلع منها
حلة بقا فيها ماية بتغلى ونحط فيها بصلاية وطمطماية وجزراية وحبهان و ورق لورى وملح وفلفل وننزل الفرخة فى الماية ونقفل عليها ربع ساعة على نار عالية ثم نتركها لمدة نصف ساعه على نار هادية خالص .. بمعنى ان الفرخة هتستوى كليا فى ساعة الا ربع ان شاء الله
هنطلعها على طول من الشوربة بعد ماتستوى لاننا لو سبناها هتتهرى من سخونية الشوربة تمام كده
نسبها تهدى شوية وممكن تتاكل كده من غير تحمير
هنجيب ملعقة صلصلة وملعقة زيت وزعتر وندهن الفرخة كلها وندخلها الفرن على صينية مفروشة ورق فويل لغاية ما تاخد لون
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
