الفراخ الروستو بالخضار فظيعة و سهلة اوى تنفع فى العزايم من مطبخ مروة الشافعى
فرخة كيلو و نص مغسولة كويس جدا بالدقيق و الليمون و الخل من جوة و من برة و ممكن تستخدمى فراخ متقطعة مش لازم تكون فرخة كاملة. ..... و نقعتها فى مية دافية فيها ربع كباية ملح و سبتها منقوعة نص ساعة و طلعتها من المية و نشفتها بفوطة نضيفة ...و بس
بطاطس متقطعة مكعبات. .. ماشروم. ... بروكولى. ... بصل .....جزر...... 4 فصوص ثوم صحاح. .....و ممكن تحطى كمان كوسة أو فاصوليا خضرة أو بسلة. ....... ملح و فلفل و بابريكا و عودين من الروز مارى الفرش ...
دهنت الفراخ بالملح و الفلفل و البابريكا و حطيت جواها بصلاية و فصين ثوم صحاح و الروز مارى الفرش
و حبة زيت زيتون عليها و ادعكيها كويس بأيدك. .. و بخيط لفى الرجلين و كتفيهم بالخيط علشان الفرخة يبقى شكلها حلو
و فى صينية فرن حطى كل الخضار و علية الملح و الفلفل الأسود و البابريكا و 3 معالق كبار زيت زيتون...
و حطى عليها الفرخة
تجنن و دخليها الفرن على أعلى درجة عندك فى الفرن انا دخلتها على درجة 300 تقريبا من ساعة لساعة و نص .....
كل نص ساعة طلعيها من الفرن و بالفرشة خدى من الصوص اللى فى الصينية و ادهنى الفرخة زى الصورة و بس
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
