الكبدة المشوية الصح من مطبخ مروى الشافعى بالصور والشرح
المقادير بقى : كبدة بقرى ... نقعتها نص ساعة فى اللبن و بعد كدة شلتها من اللبن و صفتها كويس " انا بنقعها فى اللبن لسببين. . علشان الكبدة متبقاش زفرة و اللبن بيخرج كل السموم الفيها و كمان علشان منحسش بطعم الحديد البيكون واضح فى طعمها "" عصير 2 بصلة كبيرة .. 4 فصوص ثوم مفرومين. . 2 معلقة كبيرة خل ابيض ... عصير 2 ليمونة كبيرة. .. معلقة صغيرة كل من ملح و فلفل و كمون و كزبرة ناشفة و بابريكا .. 3 معالق كبار زيت. .. و بس خلاص ... التتبيلة دى عملتها على كيلو و نص كبدة ..
حطى كل المكونات على الكبدة .....
قلبيها كويس علشان التتبيلة توصل للكبدة كلها ... غطيها و شليها ساعتين فى التلاجة
جريل للشوى فوق البوتجاز و لو معندكيش خلاص اشويها على طاسة تيفال .... المهم لازم تكون سخنة جدااااا ... و انزلى بالكبدة اشويها
قريبى الصورة و بوصى كويس ... شايفة العصارة البينك على الكبدة دى ... أول ما تظهر كدة يبقى الكبدة عوزة تتقلب الوش التانى
عنوان المشاركة: Re: الكبدة المشوية الصح من مطبخ مروى الشافعى بالصور والشرح
مرسل: الخميس يناير 26, 2017 6:55 pm
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
شليها و اقلبيها
هتلاقى بردوا العصارة البينك طلعت فوق أهو زى الصورة . أول ما العصارة دى تروح علطول يبقى الكبدة استوت الحمد لله
كدة تتشال علطول .. يعنى تقريبا كل وش هياخد دقيقتين أو تلاتة. .. خلى بالك الكبدة لو استوت زيادة بتبقى وحشة اوى ... خلى بالك من التسوية المفروض تكون مستوية و طرية
حطى الكبدة المشوية كلها فى صينية و ولعلها فحمة علشان تاخد طعم و ريحة الفحم
اكتميها كويس بالفحم تقريبا 5 دقايق و يبقى خلاص تمام
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
