ستيك اللحمة بالزبدة و الاعشاب رهيب من مطبخ مروى الشافعى
لحمة استيك اسمها انتركوت و الجزار بيكون عارف قوليلوا و انتى بتشترى.
رأس ثوم و لفيها فى فويل و دخليها الفرن على أعلى درجة نص ساعة علشان يتشوى و هيبقى شكلوا كدة زى الصورة
طلعى الثوم المشوى و حطية فى طبق و اهرسية كويس بالشوكة. ...
حطى على الثوم تقريبا 6 مكعبات صغيرة يعنى 6 معالق صغيرة مليانة من الزبدة بدرجة حرارة الغرفة. .. و اهرسيهم فى بعض كويس
معلقة صغيرة روز مارى فرش أو مجفف و معلقة صغيرة زعتر ناشف أو فرش و معلقتين كبار من البقدونس المقطع صغير و لو عندك اوريجانو حطية معاهم كمان بس انا مكنش عندى ... الاوريجانو دة تابل من التوابل
حطيهم على الزبدة بالثوم و عليهم معلقة زيت زيتون و لو الزبدة بتعتك مملحة خلاص لاكن لو مش مملحة حطى ملح و دوقى الخليط علشان تظبطى الملح بتاعة و قلبى كويس
هيبقى شكلة كدة بعد ما اتقلبت كويس
هاتى بقى ورق زبدة أو ممكن كلينج فيلم و افردى الخليط بالمعلقة كدة ....
عنوان المشاركة: Re: ستيك اللحمة بالزبدة و الاعشاب رهيب من مطبخ مروى الشافعى
مرسل: الأربعاء يناير 25, 2017 11:50 am
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
لفى علية ورق الزبدة شكل رول زى الصورة ....
و قفلى علية من الجناب زى البومبون كدة و حطيها فى الفريزر أقل حاجة ربع ساعة قبل الاستخدام و شيلى الباقى عادى جدا فى التلاجة بعد كدة و وقت ما تحتاجى منها على اللستيك تطلعيها بسهولة و تبقى جاهزة
اللحمة بقى حطى عليها ملح و فلفل و زيت زيتون و اعمللها مساج بصوبعك. ....
جريل سخنة على النار فوق البوتجاز و حطى اللحمة تتشوى على الجمبين تقريبا كل جمب من 3 دقايق ل 5 دقايق و بس و طلعيها فى طبق بعد كدة .... هتستوى و الله بس متدوسيش عليها خالص بالشوكة علشان متنزليش العصارة الفيها و تنشف منك .... هاتى اللحمة من مكان موثوق منة أو من جزار مضمون علشان يديكى قطعية لحمة حلوة
بعد ما اللحمة اتشوت طلعى بقى قالب الزبدة بالثوم و الاعشاب من الفريزر و فكى ورق الزبدة من علية براحة. ...
عنوان المشاركة: Re: ستيك اللحمة بالزبدة و الاعشاب رهيب من مطبخ مروى الشافعى
مرسل: الأربعاء يناير 25, 2017 11:53 am
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
حطى منة على اللستيك السخن
اللستيك علشان سخن سيح الزبدة. .. يجنن
و بس خلاص اعملى جمب مكرونة أو بطاطس بيورية مثلا أو خضار سوتية. .. و انا عندى ذرة حلوة بشترية من السوبرماركت بيكون مستوى حطيتوا على الجريل و شويتوا معاهم حلو اوى مع اللحمة .... جربوة ستيك حلو اوى و سهل جدااااااااااا
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
