المقادير بقى : 2 كوب من الدقيق .... بطاطس متقطعة طويلة .. معلقة صغيرة مليانة لكل من : الملح + الفلفل الأسود + البابريكا + بصل بودر + ثوم بودر +كركم +باكنج بود
حطى كل التوابل و الباكنج بودر على الدقيق و قلبيهم كويس اوى
زودى مية عادية مش ساقعة ولا سخنة من الحنفية عادى .. زودى مية و قلبى لغاية ما توصل لسمك يشبه الكريب ... لا هو ماسك اوى ولا سايل اوى ... زودى المية براحة علشان يظبط معاكى و تبقى مسيطرة.
عنوان المشاركة: Re: البطاطس الفريسكس بالصور والخطوات مع مروى الشافعى
مرسل: السبت يناير 21, 2017 10:20 pm
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
حطى البطاطس عليها زى الصورة
قلبى البطاطس مع الخليط و خلية يوصل فى كل مكان ...
زيت غزير و سخن على النار نزلى البطاطس بالخليط العليها دة ... علشان البطاطس متلزقش فى بعضها نزليها واحدة واحدة ... لو حطيتى كبشة بطاطس هيلزقوا فى بعض خلى بالك ... و متسبيهاش قلبى فيها و انتى واقفة ....
دة هيكون شكلها مدى على اللون الأحمر المصفر شوية علشان البابريكا الحطناها و الكركم
طلعيها على ورق مطبخ تصفى الزيت اللى فيها
و بس خلاص تجنن و سهلة اوى بطاطس فريسكس دى ولا مش هى يا متعلمين يا بتوع المدارس
تتاكل سخنة و معاها مايونيز أو كاتشب و بس اعمليها للأولاد في البيت من أيدك النضيفة بلاش بتاعت الشارع ولادنا يستاهلوا نتعب علشانهم شوية فى المطبخ
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
