فراخ تكا كباب مشوية على الطريقة الهندى من مطبخ مروى الشافعى
Grilled Chicken tikka kabab
تتبيلة الفراخ تكا الهندى المقادير بالنسبة لكيلو من الفراخ المتقطعة مكعبات من الوراك و ممكن تستخدمى صدور لو عوزة .. بس الوراك أحلى و هتستوى أسرع. .. 1/2 معلقة من الكركوم 1/2 معلقة من الكارى. .. 1 معلقة صغيرة كمون .... 1 معلقة صغيرة كزبرة ناشفة ... 1 ملعقة بابريكا. ... 1 معلقة صغيرة من الزعتر الناشف. .... 1 ملعقة صغيرة ملح ... 1 ملعقة صغيرة فلفل أسود. . ..1/2معلقة صغيرة من توابل فراخ أو توابل شورما أو أى توابل عندك مخلوطة. . و لو بتحبيها مشطشطة ممكن تحطى شطة 1/2 معلقة من الجنزبيل و لو فى جنزبيل فرش يبقى يا ريت و يكون مهروس فى الخلاط ... 3 فصوص ثوم كبار مهروسين .... ليمونة. .... 2 علبة زبادى (معلش الصورة فيها واحدة بس هى المفروض 2 )) و ممكن تستبدلى الزبادى بلبن رايب كباية كبيرة .... و فلفل ألوان متقطع مكعبات. . بس انا استخدمت الفلفل الأخضر بس .... و بصل متقطع مكعبات. .... و طماطم متشال قلبها و متقطعة مكعبات .... و اسياخ الخشب بتاعت الكباب. ....
هاتى بولة فاضية حطى فيها كل التوابل ...
و عليها الثوم المهروس. ..
و الليمونة كاملة. ..
علبتين من الزبادى أو كباية كبيرة لبن رايب. ...
قلبيهم فى بعض كويس ....
حطي التتبيلة على الفراخ و خليها تغطى الفراخ و قلبيها كويس اوى ..و سيبى شوية من التتبيلة علشان الفلفل الالوان و البصل. ...
عنوان المشاركة: Re: فراخ تكا كباب مشوية على الطريقة الهندى من مطبخ مروى الشافعى
مرسل: السبت يناير 21, 2017 9:57 pm
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
حطى شوية من التتبيلة على الخضار القطعناة. ....
و غطى الفراخ بالتتبيلة و سبيها فى التلاجة على الأقل 3 أو 4 ساعات و يا سلام لو تبات فى التلاجة من بليل هيكون أفضل بكتييير .. ..
الأسياخ الخشب علشان متتحرقش منك و انتى بتشوي الفراخ التكا ..أبقى انقعيها فى مية عادية قبل ما تحطى فيها الفراخ بعشر دقايق. ..
حطى بقا الفراخ فى الأسياخ بالطريقة التحبيها. .
انا حطيت فلفل أخضر الأول و بعدين طماطم و بعدين بصل و بعدين الفراخ.... و فى السيخ الواحد حطيت 3 قطع من الفراخ ... زى الصورة ..
جريل على البوتجاز تكون سخنة جدا و فيها معلقة زيت و حطى بقى الأسياخ بالفراخ التكا ... الشواية دى بتتحط فوق البوتجاز و هتلاقيها فى كارفور أو فى أى محل من محلات الأدوات المنزلية زى مثلا أسواق عبد العزيز الفى مدينة نصر. ... أو ممكن تحطيهم فوق صينية فرن و تدخليها الفرن على درجة 200 لغاية ما تلاقيهم استوا معاكى ....
قلبيهم من وقت لتانى علشان يتشوى من جميع الجهات و يستوى و يبقى جميييييييييييييل
بس خلاص سخن و ريحتة تحفة ... الفراخ التكا البتتعمل بفرخة كاملة بتتعمل بنفس التتبيلة بس بتضيفى عليها 3 معالق خل و معلقة واحدة معجون طماطم و بتشيلى جلد الفراخ و تتقطع الفرخة على 8 قطع و تشرحية بسيط و و تسبية بردوا فى التتبيلة و يتشوى على الجريل أو فى الفرن و بس خلاص ممكن تعملى جمبة رز أو مكرونة. .. انا عملت مكرونة بالبشاميل
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
