الكفتة المشوية بطعم و ريحة الفحم رهيييييييبة و سهلة جدااااا أحلى كفتة هتكليها من مطبخى الطريقة بالتفصيل و الصور
دة كيلو لحمة مفرومة .... و 2 بصلاية كبار مفرومة ناعم * ابشريها يعنى*..... معلقة صغيرة لكل من :: الملح و الفلفل و بيكاربونات الصوديوم اللى هية الباكنج صودا
أول حاجة حطى على البصل معلقة صغيرة من الملح و الفلفل الأسود و قلبيهم ....
و سيبى البصل مع الملح و الفلفل بتاع 10 دقايق علشان البصل ينزل ميتة كلها ...
صفى البصل من ميتة خالص ... انا عوزة تفل البصل و مش محتاجة مية البصل خالص ...
حطى تفل البصل على اللحمة ....
اعجنى كويس اوى بأديكى. .. الملح و الفلفل الحطناة على البصل هيملح اللحمة كويس و مش هنحط اى توابل تانى خالص .....
و عليهم بقى المعلقة الصغيرة من بيكاربونات الصوديوم أو الباكينج صودا صغيرة اوى متكتريش علشان متغيرش طعم اللحمة ....و قلبيهم كويس اوى بأديكى. ... و أهمية الباكينج صودا هنا فى اللحمة بيخليها طرية و هشة و بيخلى الكفتة تحفة مش مكتومة
عنوان المشاركة: Re: الكفتة المشوية بطعم و ريحة الفحم بالخطوات المصورة من مطبخ مروى الشافعى
مرسل: الخميس يناير 19, 2017 1:27 pm
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
هاتى بقى اى حاجة عندك تصبعى بيها الكفتة يعنى لو عندك اسياخ تمام لو مفيش ممكن بأيد المعلقة الخشب مثلا انا صبعت الكفتة بالعصاية الخشب الطخينة بتاعت الأكل الصينى عندى منها .... انا اصلا من الصين
انا عملة صباح الكفتة طخين انتى ممكن تعملية على مزاجك و رصية فى صينية فرن و تدخليها الفرن يكون سخن على درجة 300..تقريبا نص ساعة و تبعيها لغاية ما تستوى و تاخد لون حلو ...و كل عشر دقايق افتحى عليها الفرن و روجى الصينية علشان تحركى الكفتة و متلزقش و تتشوى و تاخد لون حلو من كل الجوانب
حضرى فحمة علشان لما الكفتة تستوى
بعد ما الكفتة تمام استوت حطيت فى الصينية ورق ألومنيوم عملتوا على شكل طبق صغير و حطيت فية الفحمة و طفيت الفحمة بنقطتين من الزيت هطلع دخان غطى الصينية بسرعة بورق ألومنيوم و اكتمى الصينية علشان دخنة الفحمة تدخل فى الكفتة شامة الريحة فظيييييييعة
و بس خلاص قدميها مع بطاطس محمرة مثلا
و يا سلام مع سلطة الطحينة اووووووف. .. ممكن تعمليها ساندوتشات مع سلطة الطحينة فى عيش بلدى سخن وهم وهم أحلى من أجدع محل كباب و كفتة و نظيفة من أيدك فى البيت
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
