بسم الله الرحمن الرحيم
الدرس 8
غرزة الطوق
(الغرزة المرنة)
Garter Stitch
..........
أحبائى اللهلوبات الجميلات قبل البدء فى درس النهاردة كالعادة عاوزة أدردش معاكم فى شوية أساسيات الأول علشان الصورة تبقا واضحة بالنسبة ليكم.
فى الدرسين السابقين شرحنا غرزتين أساسيتين فى شغل التريكو وهما الغرزة العدلة والغرزة المقلوبة وبالفعل إذا تمكنتى من عمل الغرزتين دول يبقا إنتى كدا قطعتى نصف الطريق فى تعلم التريكو .
عاوزة أتكلم معاكوا النهاردة عن
(عينة التريكو أو وحدة التريكو أو نقشة التريكو)
ومجازا يطلق عليها غرز التريكو وتسمى بالإنجليزية
Knitting Stitches
_ غرز التريكو أعداد وأشكال لامتناهية فلا يوجد إحصاء أو فهرسه عالمية لغرز التريكو .
_ ولكن عالميا غرز أو وحدات التريكو مقسمة إلى ثلاث مجموعات
1/ الغرز التى تتكون من تداخل الغرزة العدلة والغرزة المقلوبة (Knits & Purls)
2/ الضفائر (Cables & Arans)
3/ اللاسيه (Laces & eyelet)
والكلام ده هنتطرق إليه بشكل أوسع فى المستوى الثانى للمحترفين.
_ أى غرزة تريكو أو أى وحدة تريكو عبارة عن عدد معين من الغرز × عدد معين من السطور
**لكل وحدة من وحدات التريكو عدد غرز للبداية يجب الإلتزام به حتى تصبح الوحدة صحيحة الشكل فهناك وحدات يجب أن تبدأى بعدد غرز زوجى ووحدات أخرى يجب أن تبدأى بعدد غرز فردى ووحدات أخرى تبدأى بأى عدد من الغرز وهكذا (طبعا هتسألونى دلوقتى يعنى إحنا هنقعد نحفظ كل وحدة من الوحدات دى عدد غرز البداية ليها كام؟ لأ طبعا لو بتشتغلى من باترون بيذكر ليكى الوحدة بتفاصيلها أما لو كنتى بتشتغلى من غير باترون وعاوزة تنفذى وحدة معينة فى الشغل بتاعك بتكونى محتفظة بألبوم للوحدات دى بتفاصيلها ).
**أيضا كل وحدة تريكو تتكون من عدد معين من السطور فهناك وحدات تتكون من سطرين ووحدات أخرى تتكون من 4 أو 6 وهكذا لتحصلى على شكل الوحدة النهائى
وتلك السطور عبارة عن
1/ سطر البداية أو الدرب التحضيرى (الذى يحتوى على غرز البداية)
ثم
2/ السطور الأمامية (وهيا السطور الفردية زى السطر 1 و 3 و 5 و 7 وهكذا ) وتسمى Right-side rows وسميت بالسطور الأمامية لأنها تظهر من أمام العمل
ثم
3/ السطور الخلفية (وهيا السطور الزوجية زى السطر 2 و 4 و 6 و 8 وهكذا ) وتسمى Wrong-side rows وسميت بالسطور الخلفية لأنها تظهر من خلف العمل
_ أيضا أى غرزة أو وحدة تريكو يكون لها وجهان
1/ الوجه الأمامى ( يسمى أمام العمل وبالإنجليزية يسمى Right-side) ويتكون هذا الوجه من السطور الأمامية وهو الوجه الذى يكون ظاهرا للخارج كسطح القبعة الخارجى أو سطح البلوفر الخارجى وهكذا
2/ الوجه الخلفى ( يسمى خلف العمل وبالإنجليزية يسمى Wrong-side) ويتكون هذا الوجه من السطور الخلفية وهو الوجه الذى يكون مختفيا للداخل كسطح القبعة الداخلى أو سطح البلوفر الداخلى وهكذا
** والوجه الأمامى هو الوجه المميز للوحدة والذى يحتوى على تفاصيل الغرزة والذى يستخدم دائما ليصبح ظاهرا خارج العمل أما الوجه الخلفى فهو الوجه السئ ودائما يكون غير ظاهرا للخارج وهناك بعض وحدات التريكو وجهها الأمامى مماثل لوجهها الخلفى أى تظهر بنفس الشكل وتسمى reversible stitches وتكون هذه الوحدات مثالية لعمل البطاطين أو الشيلان أو أى عمل يمكن إستخدامه على الوجهين
..........
طبعا كل الكلام السابق هنشرحه بعد كدا بالتفاصيل المملة بس حبيت أذكره النهاردة للمبتدئين لأن درس النهاردة والدرس القادم هنتكلم عن وحدتين أو غرزتين اساسيتين من غرز التريكو وهنتطرق فيهم لكل تلك النقاط السابق ذكرها إن شاء الله
وانا لولا ان عندي امتحانات ميد تيرم ومزنوقة فيها اوي كنت هشتغل واوريها بس للاسف انا مشغولة جدا اليومين دول بس بجد يا جماعة انا لما كنت جاهلة في الامور وبديت اشتغل علطول كان لازم كل شوية ادورعلى النت على الغرز اللي بتتقال عشان اعرف اشتغل وكنت بضيع وقت كتير الاقي ايجابات لأسئلتي ده غير طبعا كم الاسئلة اللي كنت بسئلها للهلوبة:D 
