بصوا بقى عشان انا جاتنى اسئله كتير عن الفرق بين زيت الحيه الاصلى ووزيت الحيه المغشوش وانا كنت كتبت موضوع قبل كده عن الفرق بين زيت الحشيش الاصلى والمغشوش واعذورنى نسيت اكتب عن زيت الحيه خالص وعشان كده هاقولكم الفرق عشان محدش يتخدع زى ما حصللى قبل كده يا قمرات اولا : زيت الحيه الاصلى 1- وده بيكون لونه بنى محمر مش احمر جاى على بنى 2- وبيكون متبرشم ببرشامه لونها ابيض على الغطا 3- وبيكون مش تقيل اوى ولا خفيف اوى 4- وبتكون ريحته حلوه زى ريحه مناديل فاين شويه 5- والعلبه مرسوم عليها الحيه الكوبرا ولون العلبه بنى محمر عليها ماركه التلات بنات والايزو
وبكده انتهينا من االاصلى ومميزاته وعلى فكره بيكون فى حدود التلاتينات من الجنيهات هااااااا عشان محدش يخم فى سعره خليكوا ناصحين كويس ثانيا: زيت الحيه اللى هوا مش اصلى وده بيكون عامل ازااااااااااااى يا بت يا فتاه الكهف هاقلوكوا اولا : بيكون لون العلبه برضه بنى محمر عادى ثانيا : البرشامه بتاعت الازازه لونها احمر ثالثا : الزيت نفسه كانه مش زيت لا ميه لونها احمر وبس ومالهوش ريحه بل بالعكس ريحته وحشه زى ريحه الالوان الفلوماستر وكمان بيبهدل الدنيا لو حطيتيه على شعرك وتلاقى كل حاجه حوليكى بقت حمرا زى دراكولا مصاص الدمااااااااء هع هع هع رابعا : بتلاقى سعره فى حدود العشره جنيه بالكتير خامسا : طبعا ملهوش صوره لانه صورته بتبقى شبه الاصلى بس خدوا بالكم من اللون والبرشامه والسعر وعلى فكره بيبقى برضه عليه ماركه التلات بنات والايزو يعنى خدوا بالكم تمام وفتحوا عينوكوا يا قمرات (ارجو ان اكون قدرت اوضح ليكم الصوره ) ولا انتظر اى تقيم المهم تاخدوا بالكم وربنا يحفظكم اللهم بلغت اللهم فاشهد
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
