شرحى لبلوزة تريكو شيك وبسيطة

بسم الله الرحمن الرحيم

السلام عليكم ورحمة الله تعالى وبركاته


صباح الخير عليكم بناتى واخواتى

بلوزة حلوة من التريكو عجبت اخت فاضلة

وطلبت شرح غرزتها وباجتهادى ححاول اوصللكم

فكرتها واى خطأ اعذورونى واللى تحب تضف شئ

مهم للشرح فالتتفضل


دية البلوزة

بسم الله الرحمن الرحيم

اولا لازم نشتغل عينة من الغرزة علشان تقدرى
توصلى للمقاس المظبوط والمناسب لك ودية خطوة
مهمة جدا والاولى فى شغل التريكو

1-ابدئى بعمل عدد من الغرز ثم اشتغلى السطر الاول
(5 غرز عدل -3 مقلوب -10 عدل) كررى لاخر السطر

2-اشتغلى حوالى 9 اسطر سطر وجة وسطر ظهر(ونشتغل
الظهر حسب اللى امامك يعنى فوق العدل مقلوب وفوق المقلوب عدل)




3-فى الغرزة الثالثة وهى اللى باللون الازرق من ال5 غرز عدل
استغلى داخل الغرزة 5 غرز كالاتى
(ع-م-ع-م-ع) كملى باقى الشغل لغاية لما توصلى لل10 غرز العدل اللى باللون الاحمر
اغليقبهم كلهم زى اى شغل بتنهية كملى باقى السطر

4-اشتغلى ال5 غرز الزيادة عادى وكدة اصبح عندك فى هذة الوحدة 10 غرز
كملى ال3 غرز المقلوبين وباصابعك انشئ 5 غرزعلى الابرة وكررى لاخر السطر

5- اشتغلى عادى 9 اسطر وعيدى ماسبق
دة اقرب فديو لقيتة يوضح كيفية ***** غرز بالاصابع على الابرة

http://www.youtube.com/watch?feature=player_embedded&v=XXCwCcBLDok

جمييييييييييلة جدا ومبتكرة
وفكرتها سهله اسهل من شكلها اللى بيدى ايحاء بصعوبة عملها

شكرا ليكى هنهن