سؤال خاص بالمكوك

ههههههههههههههههه
بتفكرينى بنفسى اول ماجبت ماكينتى
مبروووووك عليكى ام ياسمين وان شاء الله نعمل حاجات حلوه سوا انا عملت كذا حاجه على بتاعتى كتجربه كدا وان شاء الله الحاجات الجديده هعملها ورش على المنتدى
بس انا بتاعتى نوعها جوكن وطلعت مقلب كبير قوى حاسه انى اضحك عليا فيها او فى الحقيقه مكنش فيه مجال للاختيار لان هيا دى بس اللى كانت موجوده انا جبتها من المحله جديده ب650ج

المهم الابرة اتكسرت لانك مركبتهاش صح ممكن تكونى ركبتيها بالعكس او مقفلتيش عليها كويس
والمكوك ليه طريقه فى التركيب عشان تعرفى تلقطى الخيط منه
اما الخيط بيقطع منك فده ممكن يكون ضغط الخيط عالى حاولى تخففيه شويا من البكره اللى بتلفى عليها الخيط

يعنى لازم فى الاول هتجربى شويا لحد ماتاخدى عليها وهيا تاخد عليكى
لانى بحس ان المكنه عامله زى النونو الجديد لازم تقعدى فتره على ماتعرفى اسلوب حياته

اتمنى لك التوفيق واى استفسار ياقمر انا تحت امرك

ان شاء الله تعملى حاجات روعه لان المبدعين اللى زيك مش صعب عليهم انهم يفصلوا
وان شاء الله نعمل ورش تفصيل حلوة
وانا تحت امرك فى اى حاجه