فستان بحمالات وكشكشة من تحت الصدر بالباترون والشرح من بوردا

باترون فستان/باترون فست حمل/تفصيل فستان/فستان بكشكشة من تحت الصدر/شرح تفصيل من بوردا


بسم الله الرحمن الرحيم

فى هذا الموضوع سأقوم بترجمة لموديل فستان بحمالات وكشكشة من تحت الصدر من بوردا

وده شكل الموديل



الموديل موجود فى مجلة بوردا عدد 7/2009
ولمن يريد تحميل المجلة بجميع باتروناتها فهيا موجودة فى هذا اللينك

مجلة بوردا عدد 7 / 2009 +الباترون

وانا إخترت هذا الموديل بالذات عشان بإذن الله ناوية أطبقة خصوصا انه ينفع للحمل مع عمل تعديل بسيط فيه بس انا قولت اشرحه الاول زى ماهو موجود فى المجلة للى حابه تفصلة زى ماهو

وفى هذا اللينك تطبيقى للموديل مع عمل التعديل فيه

تفصيل فست سواريه من بوردا (تطبيقى مع الشرح

دى صورة الموديل كامل من الجنب



وهنلاقى شرح تفصيلى للموديل وكيفية تفصيله فى الملحق زى ما واضح فى الصورة واللى هنشرح أجزائها بالتفصيل خلال الموضوع



هنا هنلاقى رسم توضيحى لشكل الموديل من الامام ومن الخلف



اما الصورة دى فهيا شرح لقطع الباترون ومكانها على صفحات الباترون



وفى الصورة السابقة يوضح ان الباترون موجود على صفحة الباترون G والخط باللون الأسمر

كما يوضح شكل الخط لكل مقاس فهوا مثلا خط مستقيم للمقاس 21

وايضا توضح الرسمة ان الباترون ينقسم الى 6 قطع وسيتم شرح كل قطعه عبارة عن ايه فيما بعد

والرسم يوضح شكل القطع بالارقام المصغرة والعلامات والاسهم واماكن الحردات والوصلات والكشكشة والتفاصيل دى مهمة جدا ولازم ننقلها للقماش واحنا بنرسم الباترون على القماش


فى الصورة التالية يوضح اتجاه وطريقة ترتيب قطع الباترون على القماش قبل القص



................

يتبع ان شاء الله

وتعالوا نشوف دلوقتى ترجمة الشرح اللى موجود فى الملحق

وانا قسمته على اجزاء



**المقاس:

17_18_19_20_21
الطول من الوسط=97 سم



**المواد المطلوبة:
-قماش منقوش بكنار من الناحيتين 2.5 متر × 1.4 متر ويستحسن إستخدام قماشة طرية
-سوستة سحرية مقاس 40 سم



**الإعدادات:
هنرسم قطع الباترون من صفحة الباترون



**المسافات المتروكة للحواف والوصلات:
نترك 1,5 سم للوصلات
ونترك 3 سم للحواف



**قطع الباترون:
1 الجزء الامامى العلوى (قطعتين)
2 بطانة الجزء الامامى العلوى(قطعتين)
3 الجزء الخلفى العلوى(قطعتين)
4 الحمالات(4 قطع)
5 الجزء الامامى السفلى(قطعتين)
6 الجزء الخلفى السفلى(قطعتين)

السوستة/ هنترك 2 سم زيادة فى البطانه الامامية والخلفية على طول الجانب الشمال لتركيب السوسته

.............

يتبع إن شاء الله

**تعليمات الخياطة:
_هنخيط البنس الموجودة فى البطانه للجزء العلوى الامامى

_هنخيط جانب البطانه الامامية اليمين فى الجانب اليمين من الجزء الامامى العلوى مع عمل خطوط الكشكشة

_هنخيط جانب البطانه الامامية الشمال فى الجانب الشمال من الجزء الامامى العلوى مع تركيب السوسته

_هنخيط جوانب البطانه الخلفيه العلويه فى جوانب الجزء الخلفى العلوى
_هنصل جوانب الجزء الامامى مع جوانب الجزء الخلفى



_هنخيط بطانه الحمالات من المنتصف لعمل الجزء اللى فى منتصف الصدر ونخيط جوانب بطانه الحمالات مع جوانب البطانه الاماميه

_ونخيط جوانب الحمالات الاماميه مع جوانب الجزء الامامى

_هنخيط البطانه للحمالات فى الحمالات

_ونخيط الحمالات فى الجزء الخلفى العلوى مع ملاحظة اماكن تركيبها بالعلامات



_هنخيط الجزء السفلى الامامى والخلفى فى الجزء العلوى مع ملاحظة عمل الكشكشة

_هنخيط جوانب الجزء السفلى

_هنثنى طرف الفستان من اسفل مع العلم اننا كنا تركنا 2.5 سم للثنيه
...............

وبكدا ابقا انتهيت من ترجمة هذا الموديل

وان شاء الله انتظروا تطبيقى مع عمل التعديلات فى الموديل

وضعت لكم هنا الصفحه الموجود عليها قطع الباترون الخاصه بالموديل

اطبعيهم فقط والصقيهم وابدأى فى نسخ القطع ونقلها على القماش













يتبع ان شاء الله

يتبع ان شاء الله

انتهى بحمد الله

بسم الله ماشاء الله منتهي الابداع

وبكدا الواحد يقدر يطلع اى موديا تانى م المجلة ويفهمه

شكرا لكى

وجعلة الله فى ميزان حسناتك

وانا فى انتظار فستان الحوامل اللى انتى قولتى علية فى اول الموضوع

شكرا لتواجدك وتشجيعك دريم

وان شاء الله هضع الفستان اللى نفذته قريبا ان شاء الله

مرورك الاروع نورتى الموضوع والمنتدى كله