عنوان المشاركة: Re: الدرس(22):غرزة الحشو المعكوسه reversed single crochet
مرسل: الأحد يوليو 10, 2011 7:34 am
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
هناك طريقة اخرى لعمل نفس الغرزة وتسمى طريقة الزجزاج
هذه الطريقة مركبه اكتر من الطريقة السابقه وتعطى للحواف شكل معقد
هنشتغل سلسلة الإرتفاع بتاع غرزة الحشو وندخل الإبرة فى اول غرزة من السطر السابق ونلف الخيط حول الإبرة لفه ونسحبها خارج الغرزة وخارج اللفه اللى على السنارة مرة واحده(لاحظوا الفرق بينها وبين الطريقه السابقه) كما فى الرسم التالى
هنلاحظ وجود لفه واحده على الإبرة
هندخل الإبرة فى الخيط الخلفى لسلسلة الإرتفاع ثم نلف الخيط لفه حول الإبرة ونسحبها خارج الخيط الخلفى
اصبح عندنا لفتين على الإبرة هنلف الخيط لفه حول الابرة ونسحبها من خلال اللفتين الموجودين على الإبرة وبكدا اتكونت عندنا اول غرزة حشو معكوسه بطريقة الزجزاج
لعمل الغرزة التاليه هندخل الابرة فى الغرزة التاليه ونلف الخيط لفه حول الابرة ونسحبها خارج الغرزة واللفه اللى على الابرة مرة واحده ثم ندخل الابرة اسفل خيطين من الغرزة السابقه كما فى الرسم
والبعض يدخل الابرة تحت خيط واحد من الغرزة السابقه كما فى الرسم
هنلف الخيط لفه حول الابرة ونسحبها خارج الخيطين
هنلف لفه حول الابرة ونسحبها من خلال اللفتين الموجودين على الابرة وبكدا اتكونت عندنا تانى غرزة حشو بطريقة الزجزاج
هنكرر الخطوات السابقة حتى نهاية السطر
وده شكل لغرزة الحشو المعكوسة بطريقة الزجزاج
وده شكل تجميعى لنفس الطريقة
................
إنتهينا من الدرس بحمد الله اتمنى يكون الدرس واضح ومفهوم واى إستفسار انا تحت امركم
عنوان المشاركة: Re: الدرس(23):غرزة الحشو المعكوسه reversed single crochet
مرسل: الأحد يوليو 10, 2011 11:14 am
عضو نشيط
اشترك في: الجمعة مايو 27, 2011 1:46 am
مشاركات: 144
مكان: القاهره/الهرم
شكرا ليكي لهلوبة علي مجهودك الرائع وشرحك السهل البسيط الدرس كويس بس غرزة الحشو المعكوسة اللي بطريقة الزجزاج صعبة شوية فهماها بس التنفيذ صعب شوية المهم قوللي احنا فاضل لنا كام غرزة ونبدأ في شرح البانرونات وسؤال كمان الغرز التجميلية دي بتكون هي اخر سطر في الشغل يعني مابنعملش منها سطور فوق بعض صح وكمان سؤال وانا عارفة اني زودتها لوانا بشتغل والخيط خلص قبل ما اخلص الحاجة اللي باعملها وربطت فيه بكرة تانية ازاي اخفي هذه الربطة عشان الشغل يطلع نظيف وجزاكي الله كل خير
ربي اوزعني ان اشكر نعمتك التي انعمت علي وعلي والدي وان اعمل صالحا ترضاه اللهم اني استودعك مافي رحمي فرده الي في وقته سليما معافي من غير زيادة اونقصان وحسن خلقه وخلقه واجعله من حفظة القران
عنوان المشاركة: Re: الدرس(23):غرزة الحشو المعكوسه reversed single crochet
مرسل: الأحد يوليو 10, 2011 4:16 pm
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
امل محمد كتب:
شكرا ليكي لهلوبة علي مجهودك الرائع وشرحك السهل البسيط الدرس كويس بس غرزة الحشو المعكوسة اللي بطريقة الزجزاج صعبة شوية فهماها بس التنفيذ صعب شوية المهم قوللي احنا فاضل لنا كام غرزة ونبدأ في شرح البانرونات وسؤال كمان الغرز التجميلية دي بتكون هي اخر سطر في الشغل يعني مابنعملش منها سطور فوق بعض صح وكمان سؤال وانا عارفة اني زودتها لوانا بشتغل والخيط خلص قبل ما اخلص الحاجة اللي باعملها وربطت فيه بكرة تانية ازاي اخفي هذه الربطة عشان الشغل يطلع نظيف وجزاكي الله كل خير
اهلا وسهلا بكى اموله
والشكر لله والحمد لله ان الدرس مفهوم
دربى ايدك على غرزة الحشو المعكوسه بطريقة الزجزاج وان شاء الله تبقا سهله
بالنسبه لعدد الغرز المتبقيه هيا حوالى 7 غرز ولكن هناك دروس اخرى كتير تحتوى على اشياء مهمه فى شغل الكروشيه والله المستعان
اما الغرز التجميلية فهيا فعلا تستخدم فقط فى الحواف لتجميلها كغرزة البيكو وغرزة الحشو المبرومه والمعكوسه
وان شاء الله هعمل درس النهارده هشرح فيه طريقة وصل خيط جديد فى العمل....... تابعينى
عنوان المشاركة: Re: الدرس(23):غرزة الحشو المعكوسه reversed single crochet
مرسل: الثلاثاء يوليو 12, 2011 8:19 am
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
امل محمد كتب:
لوانا بشتغل والخيط خلص قبل ما اخلص الحاجة اللي باعملها وربطت فيه بكرة تانية ازاي اخفي هذه الربطة عشان الشغل يطلع نظيف وجزاكي الله كل خير
اسفه امل على التاخير فى الرد اعذرينى بجد منشغله جدا
بالنسبه لو عاوزة توصلى خيط جديد فى الشغل يفضل يكون فى بداية او نهاية السطر عشان مايكلكعش الشغل فى النص
هتشتغلى عادى لحد ما الخيط يقرب يخلص منك هتخلصى السطر وتسيبى لفتين على السنارة هتدخلى طرف الخيط الجديد فى اللفتين بواسطة الابرة وتشتغلى الغرزة عادى وتكملى الشغل
بالنسبه لطرفى الخيط القديم والجديد باستخدام ابرة خياطه عينها واسعه هتدككيهم بين الغرز بحيث مايبانوش ويبقا شكل الشغل نظيف
ده شرح مؤقت عشان معطلكيش وتعرفى تكملى شغلك
وان شاء الله هعمل درس خاص لطريقة وصل خيط جديد وازاى كمان ندخل الوان فى بعضها بطرق مختلفه وربنا يسهلها
عنوان المشاركة: Re: الدرس(23):غرزة الحشو المعكوسه reversed single crochet
مرسل: الأربعاء يوليو 13, 2011 9:56 pm
عضو نشيط
اشترك في: الجمعة مايو 27, 2011 1:46 am
مشاركات: 144
مكان: القاهره/الهرم
متشكرة جدا وفي انتظارالدرس بالصور
ربي اوزعني ان اشكر نعمتك التي انعمت علي وعلي والدي وان اعمل صالحا ترضاه اللهم اني استودعك مافي رحمي فرده الي في وقته سليما معافي من غير زيادة اونقصان وحسن خلقه وخلقه واجعله من حفظة القران
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
