الدرس الخامس:التزويد فى التريكو وطرقه المختلفه increasing

لمتابعة دورة تعلم التريكو الجديدة من هنا

التزويد فى التريكو - تزويد الغرز فى التريكو - الطرق المختلفة للتزويد فى التريكو - اساسيات التريكو - تريكو تعليمى - غرز تريكو - دورات تعلم التريكو - باترونات تريكو - تريكو

بسم الله الرحمن الرحيم

سنبدأبإذن الله شرح التزويد فى التريكو وطرقه المختلفة

Increasing in knitting

_ما المقصود من تزويد الغرز فى التريكو؟

التزويد فى التريكو يعنى زيادة عدد غرز التريكو الموجودة على السنارة والهدف من التزويد غالبا هوا توسيع الشغل كعمل الكم مثلا فنحن نقوم بتزويد الغرز كلما زاد طول الكم وهكذا ..........

_تنقسم طرق التزويد ايضا إلى قسمين كما ذكرنا فى طرق التنقيص فهناك طرق تجعل العمل يميل إلى اليمين وتسمى right slanting وهناك طرق تجعل العمل يميل إلى الشمال وتسمى left slanting وعندما نتطرق لكل طريقة سنشرح إلى اى قسم تنتمى

_هناك عدة طرق للتزويد فى التريكو سنشرح كل طريقة على حده بإذن الله

Knit Into Stitch Below

Knit into the Front and Back

Make 1 Increase

Yarn Over Increase

Loop increase

دى طرق التزويد اللى هنتكلم عنها وهنشرح معنى كل طريقة وشكلها فى الباترون

تابعوا معى

الطريقة الأولى

Knit Into Stitch Below

وده معناها اننا هنشتغل غرزة من السطر السابق

_وهذه الطريقه سهلة وجميلة ومن مميزاتها انها لاتترك فراغ او فتحه مكان التزويد وايضا مابتبقاش مكلكعه مكان التزويد
_وهذه الطريقة من الممكن ان تميل الى اليمين او الى الشمال حسب طريقة عملها وزى ما هنشرح خلال الدرس

وتعالوا نشرح الطريقتين

اولا لو هتميل ناحية اليمين

ده رمزها فى الباترونات



وركزوا فى الرسمة التالية والسهم يشير الى مكان دخول الابرة



بإستخدام الإبرة اليمين هنلقط الغرزة اللى تحت الغرزة الموجودة على السنارة الشمال



ثم نضعها على السنارة الشمال




ونشتغلها غرزة عدلة



ثم هنشتغل الغرزة التاليه عدل



وبكدا يكون اتكونت عندنا غرزة زيادة وهيا الغرزة المتلونة بالاحمر

.....................

وجبتلكم صور توضيحية اكثر لنفس الطريقة







..................

ولمزيد من التوضيح صور اخرى لنفس الطريقة










................................................................................................
................................................................................................

ثانيا لو هتميل ناحية الشمال

وده رمزها فى الباترونات



بإستخدام السنارة الشمال هنلقط الغرزة الموجودة فى السطر الثانى تحت الغرزة الموجودة على السنارة اليمين والصورة توضح اكثر



هندخل السنارة اليمين فى back loop بتاع الغرزة الملقوطة وهنشتغلها عدل



وبكدا نكون زودنا غرزة وهيا باللون الاحمر فى الصورة



..................

ودى صور توضيحية لنفس الطريقة





.................

لاحظوا شكل الغرزة الزايدة فى الصورة



.............

يتبع ان شاء الله

الطريقة الثانية فى التزويد

Knit into the Front and Back

وتعرف أيضا بإسم Bar Increase وسميت بهذا الاسم لانها تترك ندبة او خط بالعرض من الخيط مكان التزويد فى وجه العمل وبيكون شكله غير مستحب

ومعناها اننا هنشتغل فى الجانب الامامى والجانب الخلفى لنفس الغرزة

وإختصارها فى الباترونات المكتوبة k 1 f, b أو k f/b أو kfb

وتعالوا نشوف طريقة عملها بالخطوات المصورة

هنجد فى الصورة الغرزة اللى هنود فيها متقسمه بلونين اللون الازرق وهو الجانب الامامى للغرزة واللون الاخضر وهوا الجانب الخلفى للغرزة والخيط اللى هنشتغل بيه باللون الوردى



هنشتغل غرزة عدل عادى خالص ولكن مش هنسلت الغرزة اللى على السنارة الشمال وهنسيبها عشان لسه هنشتغل فيها وواضح فى الصورة الغرزة العدلة على السنارة اليمين باللون الوردى



الخطوة التاليه اننا هنشتغل غرزة عدلة فى نفس الغرزة ولكن هنشتغلها فى الجانب الخلفى للغرزة والسهم الاحمر فى الصورة التاليه يوضح مكان واتجاه دخول الابرة فى الجانب الخلفى للغرزة



هنلف الخيط حول الابرة ونسحبها كاننا بنشتغل غرزة عدلة واتكونت عندنا غرزة جديدة باللون الموف



وده هيبقا شكل الغرزتين الجداد واللى اتكونوا من غرزة واحده زى ما واضح فى الصورة



لاحظوا هنا شكل التزويد هوا مابيسبش فتحه ولكن بيترك مكانه ندبه او خط بالعرض من الخيط مكان التزويد



...............

يتبع ان شاء الله

الطريقة الثالثة فى التزويد

Make 1 Increase

وتسمى ايضا Strand Increase او lifted make 1

واختصارها فى الباترونات المكتوبه M1
واختصارها فى الباترونات المرسومه


_وفى هذه الطريقه من التزويد تعتمد على لقط الخيط الموجود بين الغرزتين وبنشتغله كانه غرزة كما سنشرح خلال الدرس

_هذه الطريقة من التزويد سهلة جدا وتستخدم غالبا فى وسط السطر او لو عاوزين نزود كذا غرزة فى السطر الواحد

_هذه الطريقة غير مرئيه وتترك العمل منظم وبدون فتحات مكان التزويد

_هذه الطريقة يمكن ان تميل الى الشمال او الى اليمين وهذا يعتمد على اتجاه لقط الخيط لعمل الغرزة

وتعالوا نشوف شرح الطريقة بالصور

(1)
اذا كنا عاوزينها تميل للشمال

هنلقط الخيط الموجود بين الغرزتين باستخدام السنارة الشمال بادخال السنارة الشمال فى الخيط من الامام الى الخلف كما فى الصور







وهنشتغلها غرزة عدل فى الخيط الخلفى (back loop) كما فى الصور





هنلاحظ ان الخيط اتبرم واتكونت عندنا غرزة جديده كما فى الصورة



ملاحظة اذا كنا فى السطر المقلوب هنلقط الخيط بادخال الابرة الشمال فى الخيط من الامام الى الخلف وهنشتغل غرزة مقلوب فى back loop



..............

(2)
اذا كنا عاوزينها تميل لليمين

هنلقط الخيط الموجود بين الغرزتين باستخدام السنارة الشمال بادخال السنارة الشمال فى الخيط من الخلف الى الامام كما فى الصور





وهنشتغلها غرزة عدل فى الخيط الامامى (front loop) كما فى الصور



هنلاحظ ان الخيط اتبرم واتكونت عندنا غرزة جديده كما فى الصورة



يتبع ان شاء الله

الطريقة الرابعة

yarn over increase

ومعناها بالعربيه عمل لفه
واختصارها فى الباترونات المكتوبه yo
ورمزها فى الباترونات المرسومه

_هذه الطريقه من التزويد تترك فراغ او فتحه مكان التزويد وفى الواقع دى الطريقة الوحيده اللى بتترك فتحه مكان التزويد ولهذا السبب تستخدم غالبا فى الباترونات المخرمة او اللاسيه واللى الفتحات فيها بتعطى شكل جمالى

_وهذه الطريقه بتعتمد على لف الخيط لفه حول الابرة ثم استكمال السطر كالمعتاد

وتعالوا نشوف بنشتغلها ازاى

ببساطه هنجيب الخيط فى عكس الاتجاه اللى احنا شغالين فيه (اما من ورا لقدام لو احنا شغالين فى سطر عدل او من قدام لورا لو احنا شغالين فى سطر مقلوب) وده هيؤدى لتكون لفه على الابرة واللى بنعتبرها غرزة وبنشتغلها فى السطر التالى زى ماهنشوف فى الشرح بالصور ثم هنكمل السطر عادى

لو احنا فى سطر عدل

هنجيب الخيط من ورا لقدام من تحت الابرة اليمين زى ما السهم الازرق موضح فى الصورة






ثم هنجيب الخيط فوق السنارة اليمين ونشتغل الغرزة التاليه عدل عادى









الغرزة الحمرا هيا دى اللفه وهيا دى الغرزة الزياده



فى السطر التالى هنشتغل اللفه دى غرزة مقلوب عادى



هنلاحظ بعد شغل كذا سطر فوق السطر اللى فيه الزياده وجود فتحه اتكونت مكان الزياده كما فى الرسم



.........
اذا كنا فى سطر مقلوب

هنجيب الخيط من قدام لورا من فوق السنارة اليمين ثم هنمرره من تحت السنارة اليمين للامام مرة اخرى ونشتغل الغرزة التالية مقلوب كما فى الصورة



.........

ملاحظة فى بعض الباترونات يطلب عمل لفتين ورا بعض (yo2)

هنعمل اول لفه كما سبق ثم هنكرر الخطوة مرة اخرى لعمل لفه كمان قبل ما نشتغل الغرزة التاليه
وفى السطر التالى هنشتغل اللفتين وناخد بالنا عشان مانسلتش واحده لانه لو سلتنا واحده هيتسبب فى نقص عدد الغرز وكمان هيبقا الخرم او الفتحه الناتجه اوسع

...............

يتبع ان شاء الله

الشكر لله ماما وانتظرى ان شاء الله باقى الشرح

الشكر لله
منورة المنتدى وان شاء الله تستفيدى معانا