اللفة فى التريكو,عمل لفة فى باترون التريكو,طريقة شغل غرزة اللفة فى التريكو,طرق التزويد فى التريكو بعمل اللفه,knitting yarn over,yarn over,yo,knitting yarn over stitch YO, yo, yarn forward, yf, yfwd, yfon (yarn forward over needle), yfrn (yarn forward 'round needle)
بسم الله الرحمن الرحيم
الدرس السابع
اللفة
وتعرف بالإنجليزية بإسم Yarn Over
وإختصارها فى الباترونات المكتوبه YO
ورمزها فى الباترونات المرسومة
إستخداماتها وأهميتها 1/ تعتبر اللفة طريقة من طرق التزويد فى التريكو لان عمل لفه يعنى إضافة غرزة جديدة للسطر كما موضح فى الصورة التاليه
2/ اللفه ينتج عنها فتحه أو خرم ولذلك تستخدم اللفه فى عمل شغل التريكو المخرم او اللاسيه او ذات الفتحات وكذلك تستخدم اللفه فى عمل فتحات الزراير او العراوى فى شغل التريكو والصورة التاليه توضح عينة من شغل التريكو المخرم
طريقة عملها اللفه هيا ببساطه تعنى لف الخيط لفه حول الابرة ثم إستكمال السطر
ببساطه هنجيب الخيط فى عكس الاتجاه اللى احنا شغالين فيه (اما من ورا لقدام لو احنا شغالين فى سطر عدل او من قدام لورا لو احنا شغالين فى سطر مقلوب) وده هيؤدى لتكون لفه على الابرة واللى بنعتبرها غرزة وبنشتغلها فى السطر التالى زى ماهنشوف فى الشرح بالصور ثم هنكمل السطر عادى
لو احنا فى سطر عدل
هنجيب الخيط من ورا لقدام من تحت الابرة اليمين زى ما السهم الازرق موضح فى الصورة
ثم هنجيب الخيط فوق السنارة اليمين ونشتغل الغرزة التاليه عدل عادى
هنلاحظ بعد شغل كذا سطر فوق السطر اللى فيه الزياده وجود فتحه اتكونت مكان الزياده كما فى الرسم
......... اذا كنا فى سطر مقلوب
هنجيب الخيط من قدام لورا من فوق السنارة اليمين ثم هنمرره من تحت السنارة اليمين للامام مرة اخرى ونشتغل الغرزة التالية مقلوب كما فى الصورة
.........
ملاحظة فى بعض الباترونات يطلب عمل لفتين ورا بعض (yo2)
وقد يكون السبب هو عمل تزويد غرزتين مرة واحدة هنعمل اول لفه كما سبق ثم هنكرر الخطوة مرة اخرى لعمل لفه كمان قبل ما نشتغل الغرزة التاليه وفى السطر التالى هنشتغل اللفتين وناخد بالنا عشان مانسلتش واحده
او قد يكون السبب فى طلب عمل لفتين هو عمل فتحة او خرم اكبر وفى هذه الحاله فى السطر التالى هنشتغل لفه ونسلت اللفه التانية بدون شغلها وبذلك ينتج خرم او فتحه اكبر
وبكدا يكون درسنا النهارده خلص أتمنى يكون واضح وتقدروا تستفيدوا منه ولو بمعلومة بسيطه واى استفسارات طبعا انا فى خدمتكم
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
