الدرس8: الضفيرة (Knitting Cable)

_ ضفاير التريكو تعطى للموديل أو القطعة المشغولة أناقة وإشراق وتصبح قيمة أكثر وأيضا الضفاير تعطى سمك للشغل مما يجعلها تعطى تدفئة أكثر.


_ فكرة الضفيرة تعتمد ببساطة على تقاطع مجموعة من الغرز مع مجموعة أخرى من الغرز ليظهر لنا مايشبه الجديلة أو الضفيرة.

_ فيمكنك عمل اى ضفيرة عن طريق (سلت أو تعليق أو إمساك أو ركن) مجموعه من الغرز على (كابل الضفيرة)ثم شغل نفس العدد من الغرز من على ابرة التريكو الشمال ثم شغل الغرز (المسلوته او المركونه او المعلقة او الممسوكه) اما بإرجاعها مرة اخرى لإبرة التريكو الشمال وشغلها او شغلها مباشرة من على (كابل الضفيرة) وهذه الخطوة ينتج عنها تقاطع الغرز وبالتالى تكون الضفيرة.

**** كتير منكم دلوقتى هيسألنى إيه (كابل الضفيرة) ده وأهميته إيه وشكله إيه؟

الاول ده شكل كابل الضفيرة



ويسمى بالإنجليزية Cable needle
وإختصاره Cn

وبنستخدمها لسلت او لركن او لتعليق او لامساك الغرز مؤقتا عند عمل الضفيرة
وبيبقا ليها مقاسات زى مقاسات الابر العادية وانتى بتختارى مقاس كابل الضفيرة بنفس مقاس الابر اللى انتى شغاله بيها او ممكن يبقا الكابل مقاسه اصغر عشان يسهل عملية نقل الغرز

ولكن ممكن جدا استبدال كابل الضفيرة بإبرة تريكو مدببة من الناحيتين او حتى إبرة تريكو عادية بس أهم حاجه يكون مقاسها نفس المقاس او اصغر من مقاس الابر اللى انتى شغاله بيها
وانا شخصيا معنديش كابل الضفيرة وبستخدم ابرة تريكو عادية عند عمل الضفيرة

_ ضفيرة التريكو لها أشكال كثيرة ومتنوعه وهذا الإختلاف بيعتمد على 3 حاجات
1/ عدد غرز الضفيرة
2/عدد السطور بين الضفيرة والأخرى(plain row)
3/ سلت الغرز أمام أو خلف العمل

_ ولفهم أكثر لهذه النقاط هنشرح بالصور طريقة عمل الضفيرة الأساسية او ضفيرة الحبل (Rope Cable) (Standard Cable)

****ملحوظة هامة قبل البدء فى شرح الضفيرة الأساسية
_ عند عمل اى ضفيرة هناك سطور تسمى (سطور التقاطع) او Turning row هذه السطور هيا السطور اللى بنقوم فيها بسلت الغرز وتقاطعها مع بعضها البعض
وهناك سطور أخرى تسمى (السطور العادية) او plain row وهذه السطور تكون بين (سطور التقاطع)

الضفيرة الأساسية (ضفيرة الحبل)
(Standard Cable)
(Rope Cable)

_ فى هذه الضفيرة يكون عدد السطور العادية = عدد غرز الضفيرة -1
فلنفترض مثلا ان عدد غرز الضفيرة 6 غرز إذن عدد السطور العادية يكون 5 سطور والسطر السادس يكون سطر تقاطع

اذا كان عدد غرز الضفيرة 8 غرز إذن عدد السطور العادية يكون 7 سطور والسطر الثامن يكون سطر تقاطع

وهكذاااااااا

_ اى ضفيرة فى التريكو يمكن أن تميل إما ناحية اليمين(تسمى ضفيرة خلفيه) أو ناحية اليسار(تسمى ضفيرة أمامية)وهذا الميل (بيعتمد على سلت الغرز إما خلف أو أمام العمل)

وتعالوا نشرح النوعين

أولا

الضفيرة الأساسية التى تميل ناحية اليسار (ضفيرة أمامية)

هنبدأ بعمل 14 غرزة
هنشتغل السطر الاول =4م ,6ع ,4م
(اول 4 غرز واخر 4 غرز دول ارضيه الضفيرة بينما 6غرز اللى فى المنتصف دول غرز الضفيرة)

السطر 2=4ع,6م,4ع
السطر3=زى الأول
السطر4=زى الثانى

لحد هنا متهيألى سهل

السطر5 هو سطر التقاطع تعالوا نشرحه بالصور

هنشتغل الاول 4 غرز مقلوب

ثم هنسلت 3 غرز على كابل أمام العمل



بمعنى اننا هننقل 3 غرز بدون مانشتغلهم على كابل الضفيرة ثم نضع الكابل امام الشغل يعنى يكون امام الابرتين اللى بنشتغل بيهم



ثم هنشتغل الثلاث غرز اللى موجودين على الابرة الشمال عدل وناخد بالنا ان الكابل يبقا قدام الشغل زى الصورة التاليه



ثم هنشتغل الثلاث غرز المسلوتين على كابل الضفيرة اما مباشرة من على الكابل او ممكن نرجع الثلاث غرز المسلوتين الى الابرة الشمال مرة اخرى وشغلهم (جربى الطريقتين واللى تريحك اشتغلى بيها)



ثم هنشتغل 4 غرز مقلوب

السطر6=زى الثانى

هنكرر الستة سطور حتى نهاية الشغل وهنلاحظ بعد كذا سطر من سطور التقاطع ظهور الضفيرة بوضوح وتكون مائلة ناحية الشمال

وهنا خطوات مصورة توضيحية للضيرة الامامية لزيادة التوضيح

الضفيرة الأساسية التى تميل ناحية اليمين (ضفيرة خلفية)

هنبدأ بعمل 14 غرزة
هنشتغل السطر الاول =4م ,6ع ,4م
(اول 4 غرز واخر 4 غرز دول ارضيه الضفيرة بينما 6غرز اللى فى المنتصف دول غرز الضفيرة)

السطر 2=4ع,6م,4ع
السطر3=زى الأول
السطر4=زى الثانى


السطر5 هو سطر التقاطع تعالوا نشرحه بالصور

هنشتغل الاول 4 غرز مقلوب

ثم هنسلت 3 غرز على كابل خلف
العمل



بمعنى اننا هننقل 3 غرز بدون مانشتغلهم على كابل الضفيرة ثم نضع الكابل خلف الشغل يعنى يكون خلف الابرتين اللى بنشتغل بيهم





ثم هنشتغل الثلاث غرز اللى موجودين على الابرة الشمال عدل وناخد بالنا ان الكابل يبقا خلف الشغل زى الصورة التاليه



ثم هنشتغل الثلاث غرز المسلوتين على كابل الضفيرة اما مباشرة من على الكابل او ممكن نرجع الثلاث غرز المسلوتين الى الابرة الشمال مرة اخرى وشغلهم (جربى الطريقتين واللى تريحك اشتغلى بيها)



ثم هنشتغل 4 غرز مقلوب

السطر6=زى الثانى

هنكرر الستة سطور حتى نهاية الشغل وهنلاحظ بعد كذا سطر من سطور التقاطع ظهور الضفيرة بوضوح وتكون مائلة ناحية اليمين





وهنا صور توضيحية للضفيرة الخلفية










>>>>>>>>>>>>>>>>>>

انتهى الدرس بحمد الله
اتمنى تكونوا استفدتوا واى استفسار انا تحت امركم

تسلميلى حبيبتى
اتمنى يكون الشرح واضح ومفيد لكى
واى حاجه مش مفهومة انا تحت امرك

تسلمى ياقمر
ودى شهادة اعتز بيها
ربنا يخليكى وان شاء الله مانسبش حاجه عن التريكو فى النت الا ونجمعها هنا باذن الله

الشكر لله حبيبتى
واتمنى تكونى استفدتى من الدرس
وان شاء الله مشكلة الصور تتحل فى اقرب وقت